30-May-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ଗାଇସିଲେଟ ବ୍ଲକର ବିଭିନ୍ନ କାର୍ଯ୍ୟକ୍ରମରେ ଯୋଗଦେବାକୁ ୧୦ ସମୟରେ ବିଜେପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀମାନ ସନତ କୁମାର ଗଡତୀୟା ବିଜେପୁରରୁ ବାହାରି ଗାଇସିଲେଟ ଅଞ୍ଚଳକୁ ଗ୍ରସ୍ତ ସମୟରେ ପୁଞ୍ଜି ପଥର ଠାରେ ହଠାତ୍ ଅଟକି ଯାଇଥିଲେ। ଏହି ସମୟରେ ବିଜେପୁର ପଦ୍ମପୁର ମୁଖ୍ୟ ରାସ୍ତାରେ ମୋଟର ସାଇକେଲରେ ବସି ଯାଉଥିବା ୫୦ ବର୍ଷିୟ ମହିଳା ଉପାଧୀ ସାହୁ  ଛିଟିକି ପଡ଼ି ଦୁର୍ଘଟଣାର ଶିକାର ହୋଇଛନ୍ତି।

ବିଧାୟକ ଶ୍ରୀମାନ ଗଡତୀୟା ଦୁର୍ଘଟଣାଗ୍ରସ୍ତ ମହିଳା ଉପାସୀ ସାହୁଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସକୁ ଡାକି ତୁରନ୍ତ ଆଶୁ ଚିକିତ୍ସା ପାଇଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁରକୁ ପଠାଇଥିଲେ।ଆମ ପ୍ରତିନିଧି ସଙ୍ଗେ ସଙ୍ଗେ ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଡ଼ା.ସନ୍ଦିପ ବାରିକଙ୍କୁ ବୁଝିବାରୁ ଦୁର୍ଘଟଣାରେ ଏଠାକୁ ଆସିଥିବା ରୋଗୀ ଅତ୍ୟଧିକ ବାନ୍ତି କରିବା ଦେଖା ଯାଇଥିଲା,ଯାହା ଜଣାପଡୁଛି ତାଙ୍କ ମସ୍ତିଷ୍କରେ ଆଘାତ ଲାଗି ଥାଇପାରେ, ଏଣୁ ଡେରି ନକରି ସଙ୍ଗେ ସଙ୍ଗେ ଉତ୍ତମ ଚିକିତ୍ସା ପାଇଁ ବରଗଡ଼ ସରକାରୀ ଡାକ୍ତରଖାନାକୁ ପଠାଇ ଦେଇଛୁ ବୋଲି ମତପ୍ରକାଶ କରିଥିଲେ। ବିଧାୟକଙ୍କ ଏଭଳି ମହତ ପ୍ରୟାସ କୁ ଅଞ୍ଚଳରେ ସାଧୁବାଦ ଜଣାଇଛନ୍ତି।