29-May-2025

      ବିନିକା(ହିମାଂଶୁ ଶେଖର ପୁଟେଲ)ବିନିକା ଶୀତଳଷଷ୍ଠୀ ଯାତ୍ରା ଅର୍ଥାତ ବିଶେଶ୍ୱର ବାବାଙ୍କ ପତରପେଣ୍ଡୀ ଓ ନିର୍ବନ୍ଧ କାର୍ଯ୍ୟକ୍ରମ ଗତକାଲି ସନ୍ଧ୍ୟାରେ ବୈଦିକ ରୀତିରେ ସମ୍ପନ୍ନ ହୋଇଛି ।ଏହି ଅବସରରେ ବରପକ୍ଷ ତରଫରୁ ଏକ ବିଶାଳ ଶୋଭାଯାତ୍ରା ବାହାରିଥିଲା  । ଏଥିରେ ଶତାଧିକ ଶ୍ରଦ୍ଧାଳୁ ଭକ୍ତ ମାନେ ସାମିଲ ହୋଇ ମାତା ପାର୍ବତୀଙ୍କ ଉପହାର,ସୁସ୍ୱାଦ ମିଠା,ବିଭିନ୍ନ ପ୍ରକାରର ସାମଗ୍ରୀ ଧରି ହରିବଳ,ହୁଳହୁଳି ଧ୍ୱନିରେ ସହର ପରିକ୍ରମା ସାରି ଗୋପାଳଜୀ ମନ୍ଦିରକୁ ପହଞ୍ଚିଥିଲେ।ସେଠାରେ ପୁରୋହିତଙ୍କ ମନ୍ତ୍ରପାଠ ପରେ ପତରପେଣ୍ଡୀ ଓ ନିର୍ବନ୍ଧ କାର୍ଯ୍ୟ ଆଡମ୍ବର ପୂର୍ଣ୍ଣ ଭାବରେ ଆରମ୍ଭ ହୋଇଥିଲା ବିଶେଶ୍ୱର ବାବାଙ୍କ ପିତା ମାତାଙ୍କ ତରଫରୁ ପାର୍ବତୀଙ୍କ ପାଇଁ ଅଳଙ୍କାର ଉପହାର,ନୂଆଁ ବସ୍ତ୍ର,ବିଭିନ୍ନ ପ୍ରକାରର ସାମଗ୍ରୀ ଦିଆଯାଇଥିଲା । କନ୍ୟାପକ୍ଷ ସେହିସବୁ ଉପହାରକୁ ନେଇ ଦେବୀ ପାର୍ବତୀଙ୍କ ଠାରେ ସଜ୍ଜିତ କରିଥିଲେ ।ଜୟ ଜୟ ଧ୍ୱନିରେ ପରିବେଶ ପ୍ରକମ୍ବିତ ହୋଇଥିଲା। ପରେ ବରପକ୍ଷ ପକ୍ଷରୁ ଆସିଥିବା ଭକ୍ତଙ୍କୁ ପ୍ରସାଦ ସେବନରେ ଆପ୍ୟାୟିତ କରାଯାଇଥିଲା ।