24-May-2025

ବରୀ (ରଞ୍ଜିତ ମହାନ୍ତି):  ଯାଜପୁର ଜିଲ୍ଲା ବରୀ ବ୍ଲକ ରେ ଗୋବଂଶ ଏବେ  ପ୍ରାକୃତିକ  ଖାଦ୍ଯ ରୁ ବଞ୍ଚିତ ହେଉଥିବା ଜଣାପଡିଛି।ଏହି ବ୍ଲକ ରେ  29 ପଞ୍ଚାୟତ ରହିଥିଲା ବେଳେ 50 ହଜାର ପାଖାପାଖି ଗୋରୁଗାଈ  ଗୃହପାଳିତ ପଶୁ ରହିଛନ୍ତି। ଏମାନଙ୍କ ପାଇଁ କେଉଁ ଆବାହମାନ କାଳରୁ ପ୍ରତେକ ପଞ୍ଚାୟତ ରେ ଗୋଚରଜମି ରହିଛି।ଏହି ଗୋଚର ଜମିରୁ ଗୋରୁଗାଈ  ଚରିବୁଲି ପ୍ରାକୃତିକ ଖାଦ୍ଯ ପେଟଭରି ଖାଇଥାନ୍ତି।କିନ୍ତୁ  ଏବେ ଏସବୁ ଜମିରେ ଆଉ ଘାସ ହେଉନଥିବା  ଜଣାପଡୁଛି। ଏହି ତହସିଲ ଅଧିନରେ ପାଖାପାଖି ଦୁଇ ଶହ ଏକର ଗୋଚର ଜମି ରହିଥିଲାବେଳେ  ଜବରଦଖଲ  ଓ ରାସ୍ତା ନିର୍ମାଣ କରାଯାଇ ଗୋଡ଼ି ମେଣ୍ଟାଲ କଂକ୍ରିଟ  ଢଳେଇରେ ଗୋଚର ଜମିରେ ଆଉ ଘାସ ଉଠୁନଥିବା ଅନୁସନ୍ଧାନ ରୁ ଜଣାପଡିଛି।ସର୍ବାଧିକ ଗୋଚର ଜମି ଅଲିପୁର  ପଞ୍ଚାୟତ ରେ  ରହିଛି।ଗୋଟିଏ ସ୍ଥାନ ରେ 14 ଏକର ଜମି ରହିଥିଲାବେଳେ ସେଠାରେ ଢଳେଇ ରାସ୍ତା ନିର୍ମାଣ କାର୍ଯ୍ଯ କରାଯାଇ  ଗୋଚର ଜମିକୁ ନଷ୍ଟ କରିଦିଆଯାଉଛି।ବିଭିନ୍ନ ପ୍ରକାର ନିର୍ମାଣ କାର୍ଯ୍ୟ ହେଉଥିବା ରୁ ଗୋରୁଗାଈ ଆଉ ସେଠାକୁଚରିବୁଲି ଯାଉନାହାନ୍ତି  ବୋଲି ଅଭିଯୋଗ ହୋଇଛି। ଗୋଚର ଜମିରେ ନିର୍ମାଣ ସୁଦୃଢୀକରଣ କାର୍ଯ୍ଯ କରି ପ୍ରଶାସନ  କୋଟିକୋଟି ଟଙ୍କା  ଚଳୁ କରିନେଇଥିବା ଜଣାଯାଇଛି। ରାଜ୍ଯ ରେ ନୁଆ ସରକାର ଗୋବଂଶ ପାଇ ଡିଣ୍ଡିମ ପିଟୁଥିଲାବେଳେ  ବରୀ ଭଳି ବନ୍ଯା ବାତ୍ଯା ପ୍ରପିଡିତ  ଅଞ୍ଚଳ ରେ ଗୋ ଚାଷିମାନଙ୍କ  ମୁଣ୍ଡ ରେ ଚଡକ ପଡିଛି। ସରକାରଙ୍କ  ଗୋ ପ୍ରୋତ୍ସାହନ   ଉପରେ ପ୍ରଶ୍ନବାଚି ସୃଷ୍ଟି  ହୋଇଛି।ବେଳ ଥାଉ ଥାଉଁ  ଗୋଚର ଜମିର ସୁରକ୍ଷା   ଉପରେ ସରକାର ଯତ୍ନବାନ ହେବା ଜରୁରୀବୋଲି ସାଧାରଣରେ ମତପ୍ରକାଶ ପାଇଛି।