23-May-2025

ବରଗଡ଼:(ନିରଞ୍ଜନ ତ୍ରିପାଠୀ)- କୃଷି ବିଜ୍ଞାନ କେନ୍ଦ୍ର, ବରଗଡ଼ ଦ୍ବାରା ବାପୁଜୀ ସ୍ୱତନ୍ତ୍ର ବିଦ୍ୟାଳୟ ବରଗଡ ଠାରେ ଏକ ତାଲିମ କାର୍ଯ୍ୟକ୍ରମ ଆୟୋଜନ ହୋଇ ଯାଇଛି । ଏଥିରେ କୃଷି ବିଜ୍ଞାନ କେନ୍ଦ୍ର, ବରଗଡ଼ର ଗୃହ ବୈଜ୍ଞାନିକା ଶ୍ରୀମତୀ ସୁଶ୍ରୀତା ସାହୁ ଉପସ୍ଥିତ ରହି ମହିଳା ମାନଙ୍କୁ ଆମ୍ବରୁ ବିଭିନ୍ନ ମୂଲ୍ୟଯୁକ୍ତ ପଦାର୍ଥ ଯଥା-ଆଚାର, ଆମ୍ବଶଡ଼ା,ଆମ୍ବଚୁର ପାଉଡ଼ର, ଆମ୍ବୁଲ/ସ୍କାସ୍ ଓ ଜାମ୍ ଆଦିର ପ୍ରସ୍ତୁତ କରି ବର୍ଷସାରା, ଆମ୍ବର ସଂରକ୍ଷଣ କରିବା ସହିତ ବଜାରରେ ବିକ୍ରିକରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିବା ଉପରେ ବିଶେଷ ଗୁରୁତ୍ବରୋପ କରିଥିଲେ । ଏଥିରେ କୃଷି ବିଜ୍ଞାନ କେନ୍ଦ୍ର, ବରଗଡ଼ର କୃଷି ଯାନ୍ତ୍ରୀକ ବୈଜ୍ଞାନିକ ଶ୍ରୀମତୀ ସଂଙ୍ଗମିତ୍ରା ବିଶ୍ୱାଳ ଉପସ୍ଥିତ ରହି ମୂଲ୍ୟ ଯୁକ୍ତ ପଦାର୍ଥର ପଥାକେଜିଙ୍ଗ, ଲେବଲିଙ୍ଗ, ବ୍ରାଣ୍ଡିଂ ସହିତ ବ୍ୟବସାୟିକ ଭିତ୍ତିରେ ପ୍ରକ୍ରିୟା କରଣ ଶିଳ୍ପ ଅନୁଷ୍ଠାନ ପାଇଁ ଆବଶ୍ୟକ ହେଉଥିବା ଯନ୍ତ୍ରପାତି ଉପରେ ବିଶେଷ ଆଲୋକ ପାତ କରିଥିଲେ । ଏହି କାର୍ଯ୍ୟକ୍ରମରେ ବରଗଡ଼ ବ୍ଳକର ବିଭିନ୍ନ ପ୍ରାନ୍ତରୁ ଆସିଥିବା ବହୁ ମହିଳା ମାନଙ୍କ ସହ ବରଗଡ଼ (ଗ୍ରାମିଣ) ଭଟଲି ଓ ଭେଡେନରୁ ଆସିଥିବା ସୁପର୍ ଭାଇଜର ଅଧିକାରୀ ଯୋଗଦାନ କରି ମୂଲ୍ୟ ଯୁକ୍ତ ପଦାର୍ଥର ପ୍ରସ୍ତୁତି ଓ ସଂରକ୍ଷଣ  ସମୟରେ ଉପୁଜୁଥିବା ସମସ୍ୟା ଓ ପଦାର୍ଥ ଗୁଡ଼ିକର ବଜାରି କରଣ ସମ୍ବନ୍ଧିୟ ସମସ୍ୟା ଗୁଡିକ ଉପରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରାଯାଇଥିଲା।  ସର୍ବଶେଷରେ ବରଗଡ଼ ଜିଲ୍ଲାର ପୂର୍ବତନ ଜିଲ୍ଲା ମୁଖ୍ୟ ପ୍ରାଣି ବିଭାଗ ଅଧିକାରୀ ଡ଼ଃ ଦିଲ୍ଲିପ କୁମାର ପଣ୍ଡା ତାଲିମ୍ ଶିବିରକୁ ସୁଚାରୁରୂପେ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ।