23-May-2025

ବଲାଙ୍ଗିର(ପ୍ରେରଣା ଖବର): ଆମେରିକାନ ମେରିଟ କାଉନସିଲ ତଥା ୱାଲଡ ଚାରିଟି ୱେଲଫେୟାର ଫାଉଣ୍ଡେସନ ଦ୍ବାରା  ଜୟଦେବ ଭବନ ଭୁବନେଶ୍ବରରେ ଏକ ଆଡମ୍ବରପୁର୍ଣ୍ଣ ପୁରସ୍କାର ବିତରଣ ସମାରୋହର ଅନୁଷ୍ଠିତ ହେlଇଥିଲା l ସେଥିରେ ଟେଲିକମ ବିଭାଗର ଅବସରପ୍ରାପ୍ତ କର୍ମଚାରୀ କବିରତ୍ନ ଗୋପିକୃଷ୍ଣ ପଣ୍ଡିଆ ବଲାଙ୍ଗିରଙ୍କୁ ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସମ୍ମାନସୂଚକ ଡକ୍ଟରେଟ ସମ୍ମାନରେ ସମ୍ମାନୀତ କରିଛନ୍ତି।  ସେ ପୁର୍ବରୁ ଅନେକ ସମ୍ମାନ ପାଇବାର ଗୌରବ ଲାଭ କରିଥିଲେ ।ତା ମଧ୍ୟରୁ କବିରତ୍ନ ସମ୍ମାନ ଅନ୍ୟତମ  l ଏହା ପୂର୍ବରୁ ପାଇଥିବା ସମ୍ମାନ ଗୁଡିକ ହେଲା ମହାତ୍ମା ଗାନ୍ଧି ରାଷ୍ଟ୍ରୀୟ ପୁରସ୍କାର, ରବିନ୍ଦ୍ର ରତ୍ନ ପୁରସ୍କାର,  ଜ୍ଞାନ ପ୍ରକାଶ ପୁରସ୍କାର , ଶ୍ରେଷ୍ଠ ସଂଙ୍ଗଠକ ସମ୍ମାନ, ପ୍ରଜ୍ଞାପ୍ରାଣ ସମ୍ମାନ, ବିଶ୍ବକର୍ମା ସମ୍ମାନ, 
ସାରସ୍ବତ ସମ୍ମାନ ,ରାଜ୍ୟସ୍ତରୀୟ ବସୁମତୀ ମାଆ ସମ୍ମାନ,  ସାହିତ୍ୟ ଗୌରବ ସମ୍ମାନ । ଶ୍ରୀ ପଣ୍ଡିଆ ପ୍ରାୟ ଅର୍ଦ୍ଧ ଶତକ  ସାହିତ୍ୟ ଅନୁଷ୍ଠାନ ସହ ଜଡିତ ହୋଇ ୧୫୦ରୁ ଉର୍ଦ୍ଧ୍ବ ଅନୁଷ୍ଠାନରୁ ପ୍ରଶଂସା ପତ୍ର ଓ ସମ୍ମାନ ପ୍ରାପ୍ତ ହୋଇଛନ୍ତି l ଅନେକ ପୁସ୍ତକ ମୁଦ୍ରିତ ମଧ୍ୟରୁ ଏକାଦଶୀ ଅର୍ଘ୍ୟ ପ୍ରଥମ, ଏକାଦଶୀ ଅର୍ଘ୍ୟ ନୂତନ ସଂସ୍କରଣ ଚୁଟକୁ ଚୁଟା, କହେଲେ କହେବ କହୁଛେ ଅନ୍ୟତମ । ସେ ଓଡିଆ ତଥା କୋଶଲି ଭାଷାରେ କବିତା ପ୍ରବନ୍ଧ ଭଜନ ଆଳତି ପୁଷ୍ପାଞ୍ଜଳି ସମାଜଧର୍ମୀ କବିତା ଗୀତ ତଥା ଏକପଦୀରେ ଲେଖନି  ଚାଳନା କରିପାରନ୍ତି । ତାଙ୍କର ଲେଖାରୁ କଂସବଧ ର ଗୀତ  ୨୦୧୭/୧୮ ବଲାଙ୍ଗିର ଲୋକ ମହୋତ୍ସବରେ ଅଭିନୀତ ଓ ପ୍ରଥମ ପୁରସ୍କାର ପାପ୍ତ ହୋଇଥିଲା ।  ଶ୍ରୀ ପଣ୍ଡିଆ ସମ୍ମାନୀତ ଖବର ପ୍ରଚାରିତ ହେବା ପରେ ଶ୍ରୀ ପଣ୍ଡିଆଙ୍କୁ ତାଙ୍କ ବନ୍ଧୁ ଓ ପରିଜନଙ୍କ ଠାରୁ ଶୁଭେଚ୍ଛାର ସୁଅ ଛୁଟିଛି।