07-May-2025

ବଲାଙ୍ଗିର(ପ୍ରେରଣା ଖବର): ସଂଗୀତକୁ ଅକ୍ତିୟାର କରିବାକୁ ହେଲେ ସାଧନା ଓ ନିଷ୍ଠାର ନହାତି ଆବଶ୍ୟକ। ଯିଏ ଯେତେ ସାଧନା କରିବ କଳା କ୍ଷେତ୍ରରେ ସେତିକି ନିଷ୍ଠାର ସହ ଆଗକୁ ବଢ଼ି ପାରିବ।

ସ୍ଥାନୀୟ ଟାଉନ ବାଳିକା ଉଚ୍ଚବିଦ୍ୟାଳୟ ଠାରେ ସଂଗୀତ ମହାବିଦ୍ୟାଳୟ ପଞ୍ଚମର ୨୯ତମ ବାର୍ଷିକୋତ୍ସବ ଅବସରରେ ଅତିଥି ମାନେ ଏହା ମତପ୍ରକାଶ କରିଛନ୍ତି। ସଭାର ପ୍ରଥମ ପର୍ଯ୍ୟାୟରେ ସ୍ୱର୍ଗତ ବ୍ରଜମୋହନ ମିଶ୍ର ଓ ସୁନୀଲ ମହାରଣାଙ୍କ ଆତ୍ମାର ଶାନ୍ତି ପାଇଁ ନିରବ ପ୍ରାର୍ଥନା କରାଯିବା ପରେ ସଂପାଦକ ଦିବ୍ୟ ରଞ୍ଜନ ପଟ୍ଟନାୟକ ବାର୍ଷିକ ବିବରଣୀ ଉପସ୍ଥାପନ କରିଥିଲେ । ମୁଖ୍ୟ ଅତିଥି ଉପଜିଲ୍ଲାପାଳ ଆଲୋକ କୁମାର ପଟେଲ ଓ ସମ୍ମାନିତ ଅତିଥି ଡ଼ ଶ୍ରୀକର ମିଶ୍ର ବରିଷ୍ଠ କଣ୍ଠଶିଳ୍ପୀ ସଙ୍ଗୀତ ନିର୍ଦ୍ଦେଶକ ଦୀପ୍ତି ପ୍ରକାଶ ଦାସଙ୍କୁ ଗୁରୁଶ୍ରୀ ଚିତ୍ତରଞ୍ଜନ ସାହାଣୀ ସ୍ମୁତି ସମ୍ମାନ, ଯୁବ କଣ୍ଠଶିଳ୍ପୀ ତନ୍ମୟ କୁମାର ଓ ବର୍ଷାରାଣୀ ବହିଦାରଙ୍କୁ ଯଥାକ୍ରମେ ପ୍ରଫୁଲ୍ଲ ପ୍ରଧାନ ଓ ମୁରଲିଧର ବେହେରା ଯୁବ ପତିଭା ପୁରସ୍କାର, ସମାଜସେବୀ ଅଙ୍କୁଶ ପାଣ୍ଡିଆଙ୍କୁ ଭଗବାନ ପତି ସ୍ମୁତି ସମ୍ମାନ ରେ ମାନପତ୍ର ଓ ଉପଢୌକନ ଦେଇ ସମ୍ମାନିତ କରିଥିଲେ l ଚଳିତ ବର୍ଷର ଶ୍ରେଷ୍ଠ ଛାତ୍ର ଭାବେ ତବଲା ବିଭାଗର ଛାତ୍ର ବ୍ରଜ ମୋହନଦାସଙ୍କ ସ୍ମୁତିରେ ଅଦ୍ୱେତ ସାହୁ ଓ ଶ୍ରେଷ୍ଠ ଛାତ୍ରୀର ପୁରସ୍କାର  ଜ୍ଞାନଦା କର ସ୍ମୁତିରେ ପ୍ରଣତି ମହାରଣାଙ୍କୁ ପ୍ରଦାନ କରାଯାଇଥିଲା । ଅନୁଷ୍ଠାନର ସଭାପତି ମୁରଲିଧାରୀ ପତିଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ଧନ୍ୟବାଦ ଅର୍ପଣ କରିଥିଲେ ଗୁରୁଶ୍ରୀ ଗୌର କିଶୋର ମହାପାତ୍ର । ସଭାକାର୍ଯ୍ୟ ପରେ ବିଦ୍ୟାଳୟ ଗୁରୁ ଗୌର କିଶୋର ମହାପାତ୍ର,ମୁରଲିଧାରୀ ପତି ଓ ସିରିଶା ସୁଭଦର୍ଶିନୀ ପତିଙ୍କ ନିର୍ଦେଶନାରେ ଛାତ୍ରଛାତ୍ରୀ ମାନଙ୍କ ଦ୍ୱାରା ତବଲା ବାଦନ, 

ଓଡିଶୀ ନୃତ୍ୟ, ଗୋଷ୍ଠୀ ସଙ୍ଗୀତ,ଲଘୁ ଶାସ୍ତ୍ରୀୟ ନୃତ୍ୟ, ଶିବ ତାଣ୍ଡବ ଓ ଗୀତିନାଟ୍ୟ କାଞ୍ଚି ଅଭିଯାନ ପ୍ରଦର୍ଶନ କରାଯାଇ ଥିଲା l ବାଦ୍ୟଯନ୍ତ୍ର ଓ ଅନୁସଙ୍ଗିକରେ ସହଯୋଗ କରିଥିଲେ ସମ୍ବିତ, ଶୁଭେନ୍ଦୁ, କ୍ରିଷ୍ଣରାଜ, ସଂସ୍କାର ସୋମ, ସ୍ୱରିତ,

ଚୈତନ୍ୟ ମଟାରୀ, ମନୋରଞ୍ଜନ ବେହେରା, ରାଜେଦ୍ର ନାୟକ, କ୍ଷେତ୍ରବାସୀ ପ୍ରମୁଖ ।  ବିଳମ୍ବିତ ରାତି ପର୍ଯ୍ୟନ୍ତ ସାହସ୍ରାଧିକ ଦର୍ଶକଙ୍କ ଉପସ୍ଥିତିରେ କାର୍ଯ୍ୟକ୍ରମକୁ ପରିଚାଳନା କରିଥିଲେ ଗୁରୁ ଦୀପକ କୁମାର ବରାଳ ଗୁରୁ ଡି. ଶଙ୍କର ନାରଣ ମୂର୍ତ୍ତି,  ପ୍ରଭାଞ୍ଜନ ରାୟଗୁରୁ, ରମଣୀରଞ୍ଜନ ପଟ୍ଟନାୟକ, ଜିକୁ, ରାଜ, ସୋନୁ, ଡାକ୍ତର, ଆଶୁ, ସୁଦାମ, ସଂଜୀବ, ସରୋଜ, ନୀଲୀପ, ଶିବା ଏବଂ ଅନୁଷ୍ଠାନ ର ଅନ୍ୟାନ୍ୟ ସଭ୍ୟ ବୃନ୍ଦ ।