05-May-2025

ବିନିକା(ହିମାଂଶୁ ଶେଖର ପୁଟେଲ) ଚଳିତ ବର୍ଷ ଖରା ଛୁଟିରେ ରାଜ୍ୟସରକାରଙ୍କ କ୍ରୀଡ଼ା ବିଭାଗ ପକ୍ଷରୁ ରାଜ୍ୟର ବିଭିନ୍ନ ଜିଲ୍ଲାରେ ଥିବା ଇନଡୋର ଷ୍ଟାଡିୟମ ଗୁଡିକରେ ୮ ବର୍ଷ ବୟସ ରୁ ୧୬ ବର୍ଷ ବୟସ ପର୍ଯନ୍ତ ଛାତ୍ର ଛାତ୍ରୀ ମାନେ ମାଗଣାରେ ବ୍ୟାଡମିଣ୍ଟନ ତାଲିମ୍ ନେଇପାରିବେ। ଏହି ତାଲିମ୍ ଶିବିର ଆସନ୍ତା ମେ ୩୧ ପର୍ୟ୍ୟନ୍ତ ଦୁଇଟି ପର୍ଯ୍ୟାୟରେ ଦିଆଯିବ। ଏଥି ପାଇଁ କୌଣସି ଦେୟ ଦେବାକୁ ପଡ଼ିବ ନାହିଁ। ଆଜି ସୁବର୍ଣ୍ଣପୁର ଜିଲ୍ଲା ବିନିକା ସହର ବିଜୁ ପଟ୍ଟନାୟକ ଇନଡୋର ଷ୍ଟାଡିୟମ ଠାରେ ଏହି କାର୍ଯ୍ୟକ୍ରମର ଉଦଘାଟନ କରଯାଇଥିଲା l ଉଦଘାଟନୀ ସମୟରେ ମୁଖ୍ୟ ଅତିଥି ଭାବେ ବିନିକା ଏନଏସି କାର୍ୟନିର୍ବାହି ଅଧିକାରୀ ମାନସ ରଞ୍ଜନ ଭୋଇ ଯୋଗଦେଇ  ଫିତାକାଟି ଶୁଭାରମ୍ଭ କରିଛନ୍ତି । ଅଞ୍ଚଳର ଛାତ୍ର ଛାତ୍ରୀ ମାନଙ୍କ ପାଖରେ ଥିବା ପ୍ରତିଭା ଲୁଚି ଯାଉଥିବାରୁ ସରକାରଙ୍କ ଏହି ପଦକ୍ଷେପ ଛାତ୍ର ଛାତ୍ରୀଙ୍କ ପ୍ରତିଭା ଜଣାପଡ଼ିବ l ଛାତ୍ର ଛାତ୍ରୀ ମାନେ କ୍ରୀଡା ପ୍ରତି ମନୋବଳ ଅଧିକ ଦେଇ ଖେଳକୁ ମୁଖ୍ୟ ଗୁରୁତ୍ଵ ଦେଲେ ଶାରୀରିକ ଓ ମାନସିକ ସ୍ଥରରେ ଉନ୍ନତି ହୋଇପାରିବ l ତେଣୁ ଅଞ୍ଚଳର ସମସ୍ତ ଛାତ୍ର ଛାତ୍ରୀ ମାନେ ଆସି ତାଲିମ ନିଅନ୍ତୁ ବୋଲି ମୁଖ୍ୟ ଅତିଥି ବିନିକା ଏନଏସି କାର୍ଯ୍ୟ ନିର୍ବାହୀ ଅଧିକାରୀ କହିଛନ୍ତି |