14-Apr-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକର ବିଜେଡିର ବରିଷ୍ଠ ସଂଗଠକ ବିଜୟାନନ୍ଦ ମିଶ୍ର ଆଜି ବିଜେଡିର ପ୍ରାଥମିକ ସଦସ୍ୟ ତଥା ଜିଲା ବିଜେଡି ଉପସଭାପତି ପଦରୁ ଇସ୍ତଫା ପ୍ରଦାନ କରିଛନ୍ତି । ତାଙ୍କର ଇସ୍ତଫାପତ୍ର ବିଜୁ ଜନତା ଦଳର ସଭାପତିଙ୍କ ନିକଟକୁ ପଠାଇଛନ୍ତି ।

ବିଜୟାନନ୍ଦ ବିଜେଡିର ପୂର୍ବତନ ଜିଲା ସାଧାରଣ ସମ୍ପାଦକ ରହିଥ‌ିବା ବେଳେ ସେ ବର୍ତ୍ତମାନ ଉପସଭାପତି ଥିଲେ । ବ୍ୟକ୍ତିଗତ କାରଣ ଦର୍ଶାଇ ଇସ୍ତାଫା  ପ୍ରଦାନ କରିଥିବା ଜଣାପଡ଼ିଛି । ସୂଚନା ଅନୁସାରେ, ସେ ବିଜେଡିର ଜଣେ ତୃଣମୂଳ ସ୍ତରର ସଂଗଠକ ଥିଲେ। ଚେରୁପାଲି ସରପଞ୍ଚ ଭାବେ ରାଜନୈତିକ ଜୀବନ ଆରମ୍ଭକରିଥିବା ବେଳେ ୨୦୦୭ ରୁ ୨୦୧୨ ପର୍ଯ୍ୟନ୍ତ ଡୁଙ୍ଗୁରିପାଲି ବ୍ଳକ ଶୁଖା ଜୋନର ଜିଲାପରିଷଦ ସଦସ୍ୟ ମଧ୍ଯ ରହିଥିଲେ । ଇସ୍ତଫା ପରେ ତାଙ୍କର ରଣନୀତି କ'ଣ ରହିଛି କିଛି ପ୍ରକାଶ କରିନଥିଲେ ମଧ୍ୟ ତାଙ୍କର ଇସ୍ତଫା ନେଇ  ନାନା ଚର୍ଚ୍ଚା  ହେଉଛି ।ଇସ୍ତଫା ଜିଲା ବିଜେଡି ରାଜନୀତିରେ ହଲଚଲ ଲ ସୃଷ୍ଟି କରିଛି । ପ୍ରକାଶ ଯେ, ଗତ ୭ରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ଓ ସାଂସଦ ସଙ୍ଗୀତ କୁମାରୀ ସିଂହଦେଓ ତାଙ୍କ ଘରକୁ ଆସିଥିଲେ । ଏହାପରେ ତାଙ୍କର ଇସ୍ତଫା ବିଭିନ୍ନ ମହଲରେ ଭିନ୍ନ ଚର୍ଚ୍ଚା ସୃଷ୍ଟି କରିଛି । ବିଜୟାନନ୍ଦ ଏକ ରାଜନୈତିକ ପରିବାରର । ତାଙ୍କ ପିତ ପିତା ଚନ୍ଦ୍ରମଣି ମିଶ୍ର ବିଜୁ ପଟ୍ଟନାୟକଙ୍କ ଘନିଷ୍ଠ ବନ୍ଧୁ ଥିଲେ । ସେ ଜନତା ଦଳ ଟିକେଟରେ ୧୯୯୦ ମସିହାରେ ବିନିକାରୁ ବିଧାୟକ ପ୍ରାର୍ଥୀ ଭାବେ ପ୍ରତିଦ୍ବ ପ୍ରତି ଦ୍ୱନ୍ଦିତା କରିଥିଲେ । ବିଜେପି ରାଷ୍ଟ୍ରୀୟ ଉପାଧ୍ଯକ୍ଷ ବୈଜୟନ୍ତ ପଣ୍ଡାଙ୍କ ସହିତ ତାଙ୍କର । ବନ୍ଧୁତା ବିଷୟ ମଧ୍ୟ ଆଲୋଚନା ହୁଏ ।