13-Apr-2025

ବଲାଙ୍ଗିର: ପୁଣି ବିଚ ରାସ୍ତାରେ ଜନଗହଳିପୂର୍ଣ୍ଣ ସ୍ଥାନରେ ଵ୍ୟଵସାୟୀଙ୍କୁ ହତ୍ୟା। ବଲାଙ୍ଗୀର ଟାଉନ ଥାନା ଅନ୍ତର୍ଗତ ବିଷ୍ଣୁମୁଣ୍ଡା ଗାଁ ରେ ଘଟିଛି ଏଭଳି ଅମାନବୀୟ ଘଟଣା।ମୃତ ଯୁବକ ଜଣକ ହେଲେ ମନୋଜ ନାଏକ, ବୟସ ପ୍ରାୟ ୫୦ ବର୍ଷ।ସେ ବିଷ୍ଣୁମୁଣ୍ଡାର ଜଣେ ବାସିନ୍ଦା।ତେବେ ଆଜି ନିଜ ଘର ନିକଟ ପୋଲ ଉପରେ ତାଙ୍କ ଦୋକାନ ପାଖରେ ବସିଥିବା ବେଳେ ପଛରୁ ଆସି ଟାଙ୍ଗିଆରେ ହାଣୀ ହତ୍ୟା କରିଛି ଦୁର୍ବୁତ୍ତ।ତେବେ ହତ୍ୟା ସନ୍ଦେହ କରୁଥିବା ବ୍ୟକ୍ତି ଟି ସେହି ଗାଁ ର ହୋଇଥିବା ସନ୍ଦେହ କରିଛି ପୋଲିସ। ତେବେ ପୂର୍ଵ ଶତ୍ରୁତା ସହ ନିଶାଖୋର ବ୍ୟକ୍ତି ଏଭଳି କରିଥିବା ଅଭିଯୋଗ କରଛନ୍ତି ସମ୍ପର୍କୀୟ l 

ଗତ ୩ ଦିନରେ ୫ ରୁ ଅଧିକ ହତ୍ୟା ସମଗ୍ର ଜିଲ୍ଲାରେ ଭୟର ବାତାବରଣ ସୃଷ୍ଟି କରିଛି। ହେଲେ ବଲାଙ୍ଗୀର ପୋଲିସର ପାରିବାପଣିଆକୁ ନେଇ ଏବେ ସନ୍ଦେହ ସୃଷ୍ଟି ହୋଇଛି। ଅପରାଧୀଙ୍କ ସହ ପୋଲିସର ମଧୁଚନ୍ଦ୍ରିକା ହିଁ ଏଭଳି ଅପରାଧୀ ଙ୍କୁ ସାହସ ଦେଉଥିବା ଲୋକେ ଅଭିଯୋଗ କରିଛନ୍ତି। ଏନେଇ ମୃତକଙ୍କ ପରିବାର ଲୋକଙ୍କୁ ଭେଟିବା ପାଇଁ ବଲାଙ୍ଗୀର ପୌର ପରିଷଦ ଅଧ୍ୟକ୍ଷା ଶ୍ରୀମତୀ ଳିକା ସାହୁ ଆସି, ଅପରାଧ ବଢ଼ୁଥିବା ନେଇ ପୋଲିସକୁ କଡା କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି।