01-Apr-2025

ବଲାଙ୍ଗିର(ପ୍ରେରଣା ଖବର): ଆଜି ଏପ୍ରିଲ ୧ ତାରିଖ । ରାଜ୍ୟ ସରକକାର ଏ ବର୍ଷ ଏହି ଦିନଟିକୁ ଉତ୍କଳ ଦିବସ ପରିବର୍ତ୍ତେ ଓଡିଶା ଦିବସ ରୂପେ ପାଳନ କରିବାକୁ ନିଷ୍ପତ୍ତି ନେଇଛନ୍ତି କିନ୍ତୁ ପ୍ରତିବର୍ଷ ଭଳି ଏ ବର୍ଷ ମଧ୍ୟ କୋସଲ ଆନ୍ଦୋଳନ ତରଫରୁ ଏହି ଦିବସକୁ କଳା ଦିବସ ରୂପେ ଆହ୍ୱାନ ଦିଆଯାଇଛି । ଓଡିଶା ସହ କୋଶଳାଂଚଳର ମିଶ୍ରଣକୁ ପ୍ରତିବାଦ କରି ଏଭଳି କଳା ଦିବସ ପ୍ରତିବର୍ଷ ପାଳିତ ହେଉଛି । ଏହି ଆହ୍ୱାନକୁ ସମ୍ମାନ ଦେଖାଇ ସମଗ୍ର କୋଶଳାଂଚଳରେ ବିଭିନ୍ନ ଜାଗାରେ କଳାପତାକା ଉତ୍ତୋଳନ, କଳା ବ୍ୟାଚ ପରିଧାନ ଓ ପ୍ରତିବାଦ ସଭା ମାଧ୍ୟମରେ କଳା ଦିବସ ପାଳିତ ହୋଇଛି । କିନ୍ତୁ ଲଜ୍ଜାର କଥା ଏହି ଯେ ଏହି କଳା ଦିବସକୁ ଭଣ୍ଡୁର କରିବା ପାଇଁ କୋସଳାଂଚଳର ସର୍ବତ୍ର କୋସଳ ସଂଗ୍ରାମୀମାନଙ୍କୁ ଗିରଫ କରାଯାଇଛି । ଏଭଳିକି ମୁଁ ବଲାଙ୍ଗିରେ ଅନୁପସ୍ଥିତ ଥିବା ବେଳେ ମଧ୍ୟ ମୋ ବାସଭବନକୁ ପୋଲିସ ଜଗିଛନ୍ତି । ୧୯୯୧ ମସିହାରୁ ପ୍ରତିବର୍ଷ ଏପ୍ରିଲ-୧ ତାରିଖରେ କଳା ଦିବସ ପାଳିତ ହେଉଛି । କିନ୍ତୁ ପ୍ରଥମ ଥର ଏଭଳି ବ୍ୟାପକ ଗିରଫଦାରୀ ପୋଲିସ ଦ୍ୱାରା ହୋଇଛି । ଯାହାକି ଅତିବ ନିନ୍ଦନୀୟ ତଥା ଗଣତନ୍ତ୍ର ଓ ସଂବିଧାନ ବିରୋଧି କାର୍ଯ୍ୟକଳାପ ଅଟେ ବୋଲି କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ଅଧ୍ୟକ୍ଷ ପ୍ରମୋଦ କୁମାର ମିଶ୍ର ମତବ୍ୟକ୍ତ କରିଛନ୍ତି । ଏଭଳି ଗିରଫଦାରୀ କରି ରାଜ୍ୟ ସରକାର ତାଙ୍କର କୋସଳ ବିରୋଧୀ ମନୋଭାବ ପ୍ରଦର୍ଶନ କରିବା ସତ୍ତ୍ୱେ ସହ କଳ ଦିବସ ପାଳନକୁ ସଫଳ ହେଲା ବୋଲି ସ୍ୱୀକାର କରିଛନ୍ତି । ଏଭଳି ଗିରଫଦାରୀରୁ ଶିକ୍ଷାଲାଭ କରି କୋସଳାଂଚଳର ସବୁ ସଂଗଠନ ଓ ସଂଗ୍ରାମୀ ତୁରନ୍ତ ଆଗାମୀ ଦିନରେ ଏକତ୍ରିତ ହୋଇ ସ୍ୱତନ୍ତ୍ର କୋସଳ ଆନ୍ଦୋଳନ କୁ ଆହୁରି ତେଜୀୟାନ କରନ୍ତୁ ବୋଲି ଶ୍ରୀ ମମିଶ୍ର ଆହ୍ୱାନ ଦେବା ସହ ଆଗାମୀ ଏପ୍ରିଲ ୨ ତାରିଖରୁ ୮ ତାରିଖ ପର୍ଯ୍ୟନ୍ତ ସପ୍ତାହ ବ୍ୟାପି ପ୍ରତିବାଦ ସପ୍ତାହ ପାଳନ କରିବା ସହ ପ୍ରତ୍ୟେହ ବିଭିନ୍ନ ଅଂଚଳରେ ଏଭଳି ଅଗଣତାନ୍ତିକ ଗିରଫଦାରୀ ବିରୁଦ୍ଧରେ ବିଭିନ୍ନ ଅଂଚଳରେ ବିଭିନ୍ନ ସଂଗଠନ ତରଫରୁ ସରକାରଙ୍କୁ ଦାବୀ ପତ୍ର ଦିଅନ୍ତୁ ବୋଲି ଶ୍ରୀ ମିଶ୍ର ଆହ୍ୱାନ ଦେଇଛନ୍ତି ।