01-Apr-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ସୁବର୍ଣ୍ଣପୁର ନୂତନ ଟାଉନ୍ ହଲ୍ ଠାରେ ଜିଲ୍ଲା ସ୍ତରୀୟ ଓଡିଶା ଦିବସ ତଥା ୩୨ ତମ ଜିଲ୍ଲା ପ୍ରତିଷ୍ଠା ଦିବସ ମହା ସମାରୋହରେ ପାଳିତ ହୋଇ ଯାଇଛି l  ଆଜି ପ୍ରାତଃ ରେ ସହରରେ  ସୂଚନା ଓ ଲୋକ ସମ୍ପର୍କ ବିଭାଗ ତରଫରୁ ଡ଼ାକବାଜି ଯନ୍ତ୍ର ଦ୍
ଯୋଗେ ଓଡ଼ିଆ ଦେଶାତ୍ମବୋଧକ ସଙ୍ଗୀତ ଗାନ ପୂର୍ବକ ସହର ପରିକ୍ରମା କରାଯାଇଥିଲା l ପରେ ପରେ  ଜିଲ୍ଲାପ୍ରଶାସନ ତରଫରୁ ସହରର ବିଭିନ୍ନ ଛକ ତଥା କାର୍ଯ୍ୟାଳୟ ରେ ଅବସ୍ଥାପିତ  ବରପୁତ୍ର ଓ ମହାମିନୀଷୀଙ୍କ ପ୍ରତିମୂର୍ତ୍ତିରେ  ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା l ପୂର୍ବାହ୍ନ ୦୯ ଘଣ୍ଟା ସମୟରେ ଦିବସ ପରିପ୍ରେକ୍ଷୀରେ ଅତିରିକ୍ତ ଜିଲ୍ଲାପାଳ ଶ୍ରୀମତୀ ଅଞ୍ଜଳିନା ପ୍ରଧାନଙ୍କ ପୌରାହିତ୍ୟରେ ଅନୁଷ୍ଠିତ ସମାରୋହରେ ମୁଖ୍ୟଅତିଥି ଭାବରେ ସୁବର୍ଣ୍ଣପୁର  ଜିଲ୍ଲାପାଳ ଶ୍ରୀମତୀ ଅନ୍ୟା ଦାସ ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବରେ ଜିଲ୍ଲା ବନଖଣ୍ଡ ଅଧିକାରୀ ମଦନଲାଲ ଶର୍ମା , ଉପଜିଲ୍ଲାପାଳ ସୋନପୁର ଡ଼ଃ ସୌମ୍ୟା ରୁପା ରଥ  ଏବଂ ମୁଖ୍ୟ ବକ୍ତା ଭାବେ ବିଶିଷ୍ଟ ଲେଖକ ତଥା ଐତିହାସିକ ଶ୍ରୀଯୁକ୍ତ ସୁଦାମ ନାଏକ ଯୋଗଦାନ କରିଥିଲେ। ଅତିଥି ବୃନ୍ଦ ସ୍ୱତନ୍ତ୍ର ଓଡିଶା ଗଠନ ସହ ଜିଲ୍ଲା ଗଠନର ସ୍ମୃତି ଚରଣ କରି ଜିଲ୍ଲା ଓ ସମୃଦ୍ଧ ଓଡିଶା ଗଠନ ପାଇଁ ଆବଶ୍ୟକ ଯୋଗଦାନ ପାଇଁ ସମସ୍ତେ ଆଗେଇ ଆସିବାକୁ ଆହ୍ୱାନ କରିଥିଲେ l ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ଵିନୀ କୁମାର ଭୋଇ ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ଜିଲ୍ଲା ପଞ୍ଚାୟତ ଅଧିକାରୀ ଅର୍ଜୁନ ମାଝୀ ଧନ୍ୟବାଦ ଅର୍ପଣ କରିଥିଲେ l ଦିବସକୁ ସରସ ଓ ଆକର୍ଷଣୀୟ କରିବା ପୂର୍ବକ ସରକାରୀ ବାଳିକା ହାଇସ୍କୁଲ, ଆଦର୍ଶ ବିଦ୍ୟାଳୟ ସୋନପୁର, ଶିଶୁ ବିଦ୍ୟାମନ୍ଦିର ସୋନପୁର, ଓ ବଡବଜାର ଉଚ୍ଚ ପ୍ରାଥମିକ ବିଦ୍ୟାଳୟ ଛାତ୍ର ଛାତ୍ରୀଙ୍କ ଦ୍ବାରା ଆକର୍ଷଣୀୟ ଦେଶାତ୍ମବୋଧକ ନୃତ୍ୟ ପରିବେଷଣ କରଯାଇଥିଲା। ଓଡିଶାର ବରପୁତ୍ର ତଥା ଓଡିଶା ଗଠନର ଐତିହ୍ୟ ସହ ମହାମହିମ ରାଷ୍ଟ୍ରପତି, ଉପରାଷ୍ଟ୍ରପତି, ମାନ୍ୟବର ରାଜ୍ୟପାଳ,ମାନ୍ୟବର ମୁଖ୍ୟମନ୍ତ୍ରୀଙ୍କ ଦିବସ ପରିପ୍ରେକ୍ଷୀରେ ରାଜ୍ୟ ବାସୀଙ୍କ ଉଦେଶ୍ୟରେ ଦେଇଥିବା ବାର୍ତ୍ତା ପ୍ରଭୁତିକୁ ନେଇ ଫଟୋ ପ୍ରଦର୍ଶନୀ ଟାଉନ ହଲ ପରିସରରେ ଅନୁଷ୍ଠିତ ହୋଇଥିଲା। ଦିବସ ପରିପ୍ରେକ୍ଷୀରେ ଜିଲ୍ଲାପାଳ ସୁବର୍ଣ୍ଣପୁର ପୌରପରିଷଦ ଦ୍ୱାରା କଚେରୀ ଛକ ଠାରେ ନବ ନିର୍ମିତ  ଶୌଚାଳୟର ଲୋକାର୍ପଣ ସହ ଫକୀର ପଟ୍ଟନାୟକ ଛକ ଓ ନୂତନ ଟାଉନ ହଲ ପରିସରରେ ନିର୍ମଳ ଜଳ ଧାରା ର ଭିତ୍ତି ପ୍ରସ୍ତର ସ୍ଥାପନ କରିଥିଲେ। ଏହି ଅବସରରେ ପରାପରିଷଦ ଅଧ୍ୟକ୍ଷା ତାମସୀ ତାମସ୍ମିତା ନାୟକ, ସ୍ଥାନୀୟ କାଉନସିଲର ବୃନ୍ଦ ସହ ନିର୍ବାହୀ ଅଧିକାରୀ ଋଷି କୁମାର ମାଝୀ ତଥା ବିଭାଗୀୟ ଯନ୍ତ୍ରୀ, କର୍ମଚାରୀ ପ୍ରମୁଖ ଉପସ୍ଥିତ ରହିଥିଲେ। କାର୍ଯ୍ୟକ୍ରମ ଅବସରରେ ମୁଖ୍ୟ ଅତିଥି ତଥା ଅନ୍ୟାନ୍ୟ ଅତିଥି ବୃନ୍ଦ ଜିଲ୍ଲା ସାମାଜିକ ସୁରକ୍ଷା ବିଭାଗ ଦ୍ୱାରା ସାନଝିଙ୍କି ଠାରେ ଥିବା ବୃଦ୍ଧା ଶ୍ରମ ର ଅନ୍ତେବାସୀଙ୍କୁ ଖାଦ୍ୟ ବଣ୍ଟନ କରିଥିଲେ। ସେହିପରି ଜିଲ୍ଲା ସମାଜ ମଙ୍ଗଳ ବିଭାଗ ଦ୍ୱାରା ପରିଚାଳିତ ପେଲେସ ଗାର୍ଡେନ ସ୍ଥିତ ସ୍ଵଧାର ଗୃହର ଅନ୍ତେବାସିନୀଙ୍କୁ ବସ୍ତ୍ର ବଣ୍ଟନ କରିଥିଲେ ଅତିଥି ବୃନ୍ଦ।ଏହି ଉପଲକ୍ଷେ ଜିଲ୍ଲା ଶିକ୍ଷା ବିଭାଗ ର ପ୍ରତ୍ୟକ୍ଷ ତତ୍ୱାବଧାନରେ ପୂର୍ବରୁ ଅନୁଷ୍ଟିତ ବିଭିନ୍ନ ପ୍ରତିଯୋଗୀତା ର କୃତୀ ଛାତ୍ର ଛାତ୍ରୀ ଙ୍କୁ ଅତିଥି ଙ୍କ ଦ୍ଵାରା ପୁରସ୍କୃତ କରଯାଇଥିଲା। ସମାରୋହର କାର୍ଯ୍ୟକ୍ରମକୁ ବିଶିଷ୍ଟ ସିନେ କଳାକାର ପ୍ରଦ୍ୟୁମ୍ନ କୁମାର ସାହୁ ସଂଯୋଜନା କରିଥିବା ବେଳେ ଅନୁଷ୍ଠିତ  ସାଂସ୍କୃତିକ କାର୍ଯ୍ୟକ୍ରମକୁ ଜିଲ୍ଲା ସଂସ୍କୃତି ଅଧିକାରୀ ଯମୁନା ପ୍ରଧାନ ଓ ବରିଷ୍ଠ ସହାୟକ କପିଳ ତ୍ରିପାଠୀ ସଂଯୋଜନା କରିଥିଲେ। ସମାରୋହ ଅବସରରେ ଅନୁଷ୍ଠିତ ବିଭିନ୍ନ କାର୍ଯ୍ୟକ୍ରମରେ ଅତିରିକ୍ତ ନିର୍ବାହୀ ଅଧିକାରୀ ଜିଲ୍ଲାପରିଷଦ, ପଲ୍ଲବୀ ରାଣୀ ରାଜ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଗୋବିନ୍ଦ ବଲ୍ଲଭ ଷଡ଼ଙ୍ଗୀ, ଜିଲ୍ଲା ସମାଜ ମଙ୍ଗଳ ଅଧିକାରୀ ଅନୁପମା ପଣ୍ଡା, ଆରଟିଓ ଅକ୍ଷୟ କୁମାର ଜେନା, ଜିଲ୍ଲା ମଙ୍ଗଳ ଅଧିକାରୀ ଅଚ୍ୟୁତାନନ୍ଦ ସିଂ, ଡେପୁଟି କଲେକ୍ଟର ସତ୍ୟବ୍ରତ ସାହୁ,ଓରମାସ ଡେପୁଟି ସି ଇ ଓ ସମୀର ନାୟକ, ଡି ସି ପି ଓ ଚତୁର୍ଭୁଜ ଦାସ ତଥା ବିଭିନ୍ନ ବିଭାଗୀୟ ଅଧିକାରୀ ସମେତ ନାଟ୍ୟଶ୍ରୀ  ଗଦାଧର ବାରିକ, ଆଧ୍ୟପକ ସୌରଭ ଖମାରୀ, ସମାଜସେବୀ ଗୋବିନ୍ଦ ମହାରଣା, ଅମ୍ବୁଜ ବିହାରୀ ଶତପଥୀ, ବିଭିନ୍ନ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ, ଛାତ୍ର ଛାତ୍ରୀ, ଏସ ଏଚ ଜି ସଦସ୍ୟା ବୃନ୍ଦ, ବୁଦ୍ଧିଜିବୀ, ସାମ୍ବାଦିକ, ନାଗରିକ ସହ ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ, ସଂସ୍କୃତି ବିଭାଗ ଓ ଜିଲ୍ଲାପାଳଙ୍କ କାର୍ଯ୍ୟାଳୟର ବିଭିନ୍ନ ପଦାଧିକାରୀ ଯୋଗଦାନ ପୂର୍ବକ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ।