18-Jan-2021

ନୟାଗଡ଼, (ପ୍ରଦୀପ କୁମାର ପଣ୍ଡା) : ବିଶ୍ୱରେ ଦୀର୍ଘ ଦଶ ମାସ ଧରି ତାଣ୍ଡବ ରଚାଇଚାଲିଛି କରୋନା ମହାମାରୀ | ଓଡିଶା ରେ କରୋନା ଟୀକାକରଣ ଆରମ୍ଭ ହୋଇଥିଲେ ମଧ୍ୟ ଏବେବି ସୁଦ୍ଧା ଜନସାଧାରଣ ଙ୍କ ମନରେ ଭୟ ଅଛି କି କରୋନା ପୀଡ଼ିତ ହୋଇ  ମୃତ୍ୟୁ କୁ ଆଲିଙ୍ଗନ କରିବାକୁ | କିନ୍ତୁ କେନ୍ଦ୍ର ତଥା ରାଜ୍ୟ ସରକାରଙ୍କ ପ୍ରଚେଷ୍ଟା ବଳବତ୍ତର ରହିଛି କେମିତି ଆମେ ଆମ ଦେଶ ତଥା ରାଜ୍ୟ ଏବଂ ଆମ ଅଞ୍ଚଳରେ ଟୀକାକରଣ ଦ୍ୱାରା ହରାଇପାରିବା ବିଶ୍ୱମହାମାରୀ କରୋନା ରୋଗକୁ | ଇତ୍ୟାବଶର ରେ ନୟାଗଡ଼ ଜିଲ୍ଲା ଗଣିଆ ବ୍ଲକ ର ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ କରୋନା ଟୀକାକରଣ ର ଶୁଭାରମ୍ଭ ହୋଇଛି | ମହା ମୃତ୍ୟୁଞ୍ଜୟ ଭଗବାନ ମହାଦେବ ଙ୍କ ବାର ଭାବେ ଜଣାଶୁଣା ସୋମବାର ଦିନ ରେ ଗଣିଆ ଅଞ୍ଚଳରେ ବିଶ୍ୱମହାମାରୀ ର ଟୀକାକରଣ ଶୁଭାରମ୍ଭ ହୋଇଥିବାରୁ ବୁଦ୍ଧିଜୀବୀ ମହଲ ରେ ଚର୍ଚ୍ଚା ହେଉଛି ଯେ ଆମ ଗଣିଆ ଅଞ୍ଚଳରେ ଦୀର୍ଘ ଏକମାସ ହେଲା କରୋନା ପୋଜେଟୀଭି ନଥିବା ଏବଂ ଆମ ଅଂଚଳରେ ଏହାର ପ୍ରତିଷେଧକ ପଂହଁଚିବା ସ୍ୱୟଂ ଭୋଳେଶ୍ୱର ଆର୍ଶୀବାଦ | ପ୍ରକାଶଥାଉକି ଗଣିଆ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ରେ କୋଭିଡ ୧୯ ଟୀକାକରଣ ର ଶୁଭାରମ୍ଭ କାର୍ଯ୍ୟକ୍ରମ ରେ ବ୍ଲକ ଉନ୍ନୟନ ଅଧିକାରୀ ସିରିଆଲ ଶୁଭ୍ର ପଟେଲ, ସ୍ୱାସ୍ଥ୍ୟ ଅଧିକାରୀ ମଧୁସୂଦନ ଦାଶ, ପିପିଏମ, ସମସ୍ତ ଅଙ୍ଗନବାଡି କର୍ମୀ, ସ୍ୱାସ୍ଥ୍ୟ କର୍ମୀ ପ୍ରମୁଖ ଉପସ୍ଥିତ ଥିଲେ | ଗଣିଆ ଥାନା କର୍ମଚାରୀ ଏବଂ ସାମ୍ବାଦିକ ମାନଙ୍କ ସହଯୋଗ ରେ ଟୀକାକରଣ କାର୍ଯ୍ୟକ୍ରମ ସୁଚାରୁରୂପେ ସମ୍ପାଦନ ହୋଇଯାଇଛି | ପ୍ରଥମ ଟୀକାକରଣ  ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ସଫେଇ କର୍ମଚାରୀ ଙ୍କ ଶୁଭାରମ୍ଭ ହୋଇ ଥିବା ବେଳେ ପ୍ରଥମ ଦିନରେ ଏକଶହ ଟୀକା ଦିଆଯାଇଛି ବୋଲି ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଶ୍ରୀଯୁକ୍ତ ମଧୁସୂଦନ ଦାଶ ସୂଚନା ଦେଇଛନ୍ତି | ଦ୍ୱିତୀୟ ପର୍ଯ୍ୟାୟ ଟୀକାକରଣ ଆସନ୍ତା ଏକୋଇଶି ତାରିଖ ରେ ହେବାର ଥିବା ବେଳେ ପ୍ରାୟ ନବେ ଜଣ ଏହାର ଉପକୃତ ଲାଭ କରିବେ ବୋଲି ବିଶେଷ ସୂତ୍ରରୁ ଜଣା ପଡିଛି |