01-Apr-2025

ବଲାଙ୍ଗୀର(ପ୍ରେରଣା ଖବର): ଆଜି ଏପ୍ରିଲ ୧କୁ ସାରା ରାଜ୍ୟରେ ଉତ୍କଳ ଦିବସ ଭାବରେ ପାଳନ କରାଯାଉଥିବା ବେଳେ  କୋସଲ  ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ  ସମଗ୍ର କୋସଳାଞ୍ଚଳର ଲୋକ ମାନେ ପ୍ରତିବାଦ ଜଣାଇବା ସହ ରାଜ୍ୟ ସରକାରଙ୍କ ବିରୁଦ୍ଧରେ ନିଜର ସ୍ବରକୁ ଶାଣିତ କରିଛନ୍ତି l  ଏହି ଦିନକୁ କୋସଲ ପ୍ରେମୀ ମାନଙ୍କ ତରଫରୁ ପ୍ରତିବାଦ ସ୍ଵରୂପ କଳା ଦିବସ ଭାବରେ ଭାବରେ ପାଳନ କରାଯାଇଛି l ଏହି ଦିନକୁ ସଂଘର୍ଷ ଦିବସ ରୂପେ ପାଳନ କରାଯିବା ସହ ସମସ୍ତ କୋସଲ ପ୍ରେମୀ ମାନେ କଳା ବ୍ୟାଚ ପରିଧାନ କରିଛନ୍ତି l ଆଜି ସନ୍ଧ୍ୟାରେ ଜିଲ୍ଲାପାଳଙ୍କ ଅଫିସ ସମ୍ମୁଖରେ  ବିକ୍ଷୋଭ ପ୍ରଦର୍ଶନ କରାଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି l ଏହି ପରିପ୍ରେକ୍ଷୀରେ ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ତଥା ଅପ୍ରୀତିକର ପରିସ୍ଥିତି ଆଶଂକା କରି ଆଜି ବଲାଙ୍ଗୀର ଟାଉନ୍ ପୋଲିସ ୫ଜଣ କୋସଲବାଦୀ ନେତାଙ୍କୁ ଥାନାରେ ଆଣି ଅଟକ ରଖିଥିବା ସୂଚନା ମିଳିଛି l କୋସଲ ଆନ୍ଦୋଳନ ସହିତ ସମ୍ପୃକ୍ତ ଥିବା ନେତା ବିଭୂଦତ୍ତ ମିଶ୍ର, ମନୋରଞ୍ଜନ ସାହୁ, ପ୍ରସନ୍ନ ନେଗୀ, ରଣରାଜ ସିଂହଦେଓ ଓ ରବି ମିଶ୍ର ଙ୍କୁ  ନେଇ ଆଜି ସକାଳ ୬ଟାରେ ପୋଲିସ ଥାନାରେ ଅଟକ ରଖିଛି l