01-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ମାଝିପାଲି ଗ୍ରାମ ଠାରେ ଦିର୍ଘ ତିନିଦିନ ବ୍ୟାପୀ ଷୋହଳ ପ୍ରହରୀ ନାମଯଜ୍ଞ ଅନୁଷ୍ଠିତ ହେଉଛି। ଏହି ଅବସରରେ ତା ୨୪.୦୩.୨୦୨୫ରିଖ ସୋମବାର ଦିନ ଶୁଭ ସ୍ତମ୍ଭ ସ୍ଥାପନ ପରେ ତା ୩୧.୦୩.୨୦୨୫ ସୋମବାର ଦିନ ଗ୍ରାମର ମାଁ ମାଉସୀ ମାନଙ୍କ ଦ୍ୱାରା ଏକ ଭବ୍ୟ କଳସ ଯାତ୍ରା ବାହାରି କମିଆଁ ମୁଡେନ୍ ବଡବନ୍ଦ ରୁ ପୂର୍ଣ୍ଣ ଜଳ କଳସ ଆଣି ନାମଯଜ୍ଞ ମଣ୍ଡପରେ ସ୍ଥାପନ କରାଯାଇଥିଲା। ଗ୍ରାମବାସୀ ଶ୍ରୀଯୁକ୍ତ ଅଜିତ ସାହୁ ଏବଂ ତାଙ୍କ ସହଧର୍ମିଣୀ ଶ୍ରୀମତୀ ସୁବାସିତ ସାହୁ କର୍ତ୍ତା ଦାୟିତ୍ଵ ତୁଲାଉଥିବା ବେଳେ,ପୂଜକ ଭାବେ ପଣ୍ଡିତ ମଣ୍ଟୁ ସାବତ ପୂଜାର୍ଚ୍ଚନା କାର୍ଯ୍ୟ ସମ୍ପାଦିତ କରୁଛନ୍ତି ।ସହଯୋଗୀ ଭାବରେ ଜୟକୃଷ୍ଣ ପଶାୟତ ଦାୟିତ୍ଵ ନିର୍ବାହ କରୁଛନ୍ତି। ଆସନ୍ତାକାଲି ତା ୨.୦୪.୨୦୨୫ ରିଖ ବୁଧବାର ପୂର୍ଣ୍ଣାହୂତି କାର୍ଯ୍ୟକ୍ରମ ଅନୁଷ୍ଠିତ ହେବା ଅବସରରେ ବହୁ ସଂଖ୍ୟକ ଭିଡ଼ ପରିଲକ୍ଷିତ କୁ ଦୃଷ୍ଟିରେ ରଖି ଗ୍ରାମବାସୀ ବୃନ୍ଦ ଅନ୍ନ ଛତ୍ର ସହ ବ୍ୟାପକ ଭାବେ ଜଳର ବ୍ୟବସ୍ଥାରେ ଲାଗିଥିବା ଜଣାଯାଏ। ଏପରି କି ଅନୁଷ୍ଠିତ ନାମଯଜ୍ଞ କମିଟି ପକ୍ଷରୁ ବିଜେପୁର ନିର୍ବାଚନ ମଣ୍ଡଳୀର ବିଧାୟକ ଶ୍ରୀମାନ ସନତ କୁମାର ଗଡତୀୟାଙ୍କୁ ନିମନ୍ତ୍ରଣ କରାଯାଇଛି। ମାନ୍ୟବର ବିଧାୟକ ଶ୍ରୀମାନ ଗଡତୀୟା ଶେଷ ଦିବସରେ ଯଜ୍ଞ ସ୍ଥଳକୁ ଆସି ଆଶିଷ ନେବାର କାର୍ଯ୍ୟକ୍ରମ ରହିଛି ବୋଲି ଗ୍ରାମବାସୀ ମାନଙ୍କ ଠାରୁ ପ୍ରକାଶ।ଦିର୍ଘ ତିନିଦିନ ବ୍ୟାପୀ ଅନୁଷ୍ଠିତ ନାମଯଜ୍ଞ ଦେଖିବାପାଇଁ ଭିଡ଼ ଲାଗି ରହୁଛି। ଏହାକୁ ଆଖି ଆଗରେ ରଖି ଭକ୍ତମାନଙ୍କ ମାଗଣା ଭୋଜନ ବ୍ୟବସ୍ଥା ପାଇଁ ରନ୍ଧା ଶାଳରେ ରୋଷେଇୟା ଶେଷଦେବ ଦାଶ ଏବଂ ଜଗନ୍ନାଥ (ମିଲୁ) ସାହୁ ଦାୟିତ୍ଵ ନିର୍ବାହ କରୁଛନ୍ତି।