01-Apr-2025

ଲୋଇସିଂହା, (ବିନୋଦ ଦୀପ) ବଲାଙ୍ଗିର ଜିଲ୍ଲାର ଅନ୍ୟତମ ପୁରାତନ ଶିକ୍ଷାନୁଷ୍ଠାନ ଲୋଇସିଂହା ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟର ହୀରକ ଜୟନ୍ତି ପାଳନ ପାଇଁ ପୁରାତନ ଛାତ୍ର ମାନଙ୍କୁ ନେଇ ଏକ ଜରୁରୀକାଳିନ ବୈଠକ ସ୍ଥାନୀୟ ଷ୍ଟାଡିୟମ ଠାରେ ଅନୁଷ୍ଠିତ ହୋଇଥିଲା l ବରିଷ୍ଠ ପୁରାତନ ଛାତ୍ର ଅଶୋକ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଆସନ୍ତା ନଭେମ୍ବର ମାସରେ ବିଦ୍ୟାଳୟର ହୀରକ ଜୟନ୍ତି ପାଳନ ପାଇଁ ଆଲୋଚନା କରାଯାଇଥିଲା । ପ୍ରାଥମିକ ପର୍ଯ୍ୟାୟରେ ଏହି  ଜୟନ୍ତୀ ପାଳନ ପାଇଁ ଆୟୋଜକ କମିଟି ଗଠନ କରାଯାଇଥିଲା । ସର୍ବସମ୍ମତିକ୍ରମରେ ସଭାପତି ଭାବେ ଆଇନଜୀବି ଦୀଲିପ କୁମାର ବେହେରା, ଉପସଭାପତି ଭାବେ ଜିଲ୍ଲା ଆଦିବାସୀ କଲ୍ୟାଣ ସଂଘ ସଭାପତି ସତ୍ୟନାରାୟଣ ଭୋଇ, ସମ୍ପାଦକ ଭାବେ ଅବସରପ୍ରାପ୍ତ ସେନା ଅଧିକାରୀ ଶେଖ ନଜରୁଲ୍ଲା ଖାନ, ସହ ସମ୍ପାଦକ ଭାବେ ସୋମନାଥ ବିଶ୍ୱାଲ ଓ କୋଷାଧ୍ୟକ୍ଷ ଭାବେ ରାଜ ନାରାୟଣ ଅଗ୍ରୱାଲଙ୍କୁ ମନୋନୀତ କରାଯାଇଥିଲା । ସେହିପରି ଅର୍ଥ କମିଟିରେ ସୋମନାଥ ବିଶ୍ୱାଲ, ପ୍ରଦୀପ କୁମାର ସାହୁ, ଅଭିଳାଷ ହୋତା ଓ ରାଜେନ୍ଦ୍ର ଷଡଙ୍ଗୀଙ୍କୁ ମନୋନୀତ କରାଯାଇଥିବା ବେଳେ ପ୍ରଚାର ପ୍ରସାର କମିଟି ଅଧ୍ୟକ୍ଷ ଭାବେ ଅଭିଳାଷ ହୋତା, ସ୍ମରଣିକା କମିଟି ଅଧ୍ୟକ୍ଷ ଭାବେ ଜ୍ୟୋତିପ୍ରକାଶ ସାହୁ ଓ ସାଂସ୍କୃତିକ କମିଟି ଅଧ୍ୟକ୍ଷ ଭାବେ ସରୋଜ କୁମାର ବିଶ୍ୱାଲଙ୍କୁ ମନୋନୀତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଉପଦେଷ୍ଟା କମିଟିରେ ଗଜାନନ ଅଗ୍ରୱାଲ, ପର୍ଶୁରାମ ସାହୁ, ବିଶ୍ୱନାଥ ଭୂୟାଁ ଓ ଗୁରୁ ଚରଣ ଧିରଙ୍କୁ ମନୋନୀତ କରାଯାଇଥିବା ବେଳେ କାର୍ଯ୍ୟକାରୀ କମିଟି ରେ ହିମାଁଶୁ ସାହୁ, ପ୍ରକାଶ ମହାରଣା, ପ୍ରଦୀପ କୁମାର ସାହୁ, ଶିବ ଅଗ୍ରୱାଲ, ଅଶୋକ କୁମାର ସାହୁ, ସରୋଜ ବିଶ୍ୱାଲ, ରାମଚନ୍ଦ୍ର ସାହୁଙ୍କୁ ମନୋନୀତ କରାଯାଇଥିଲା । ଏହି ଉସôବକୁ ବହୁ ଆଡମ୍ବର ସହ ଆୟୋଜନ କରିବାକୁ ନିଷ୍ପତ୍ତି  ଗ୍ରହଣ କରାଯାଇଥିଲା । ଏହି ବୈଠକରେ ଉଚ୍ଚ ବିଦ୍ୟାଳୟରେ ପାଠ ପଢିଥିବା ବହୁ ପୁରାତନ ଛାତ୍ର ଉପସ୍ଥିତ ରହିଥିଲେ l