31-Mar-2025

ନବରଙ୍ଗପୁର(ମିହିର ଶଙ୍କର ପାତ୍ର)
ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଧୀନ କନ୍ୟାଆଶ୍ରମ ଏବଂ ଉମରାହାଣ୍ଡି ଗ୍ରାମରେ ଚାଲିଛି କୁକୁଡା ଲଢେଇ  ଓ ଦେଶୀମଦ ବେପାର। ଏହି କୁକୁଡ଼ା ଲଢେ଼ଇରେ ନବରଙ୍ଗପୁର ଜିଲ୍ଲାର ଭିନ୍ନ ଭିନ୍ନ  ଅଞ୍ଚଳରୁ ବହୁ ଲୋକ କୁକୁଡ଼ା ଲଢେ଼ଇ ଖେଳ ଖେଳିବାକୁ ଆସିଥାନ୍ତି।କୁକୁଡ଼ା ଲଢେ଼ଇ ମାଧ୍ୟମରେ ବଡ଼ ଧରଣର ଜୁଆଖେଳ ଚଲାଉଛନ୍ତି ମାଫିଆମାନେ। ଏହି ଖେଳ ଯଦିଓ ଛୋଟ ଦେଖାଯାଏ କିନ୍ତୁ ପ୍ରତୀ ଖେଳରେ ଲକ୍ଷାଧିକ ଟଙ୍କାର  ଜୁଆଖେଳ ହୁଅ। ଏହା ଗ୍ରାମ ର କିଛି ମୁଷ୍ଟିମେୟ ବ୍ୟକ୍ତି  ଦଲାଲ ଙ୍କ ସହ ମିଶି ଖେଳ କରାଇଥାନ୍ତି। ଏହି କୁକୁଡ଼ା ଲଢେ଼ଇ କନ୍ୟାଆଶ୍ରମ ଓ ଉମରାହାଣ୍ଡି ଗ୍ରାମରେ ପ୍ରାୟ ପ୍ରତିଦିନ ଅପରାହ୍ନ ୩ ଘଣ୍ଟ ଠାରୁ ସନ୍ଧ୍ୟା ପର୍ୟ୍ଯନ୍ତ ହୋଇଥାଏ  । ସବୁଠୁ ଆଶ୍ଚର୍ଯ୍ୟର କଥା ଡାବୁଗାଁରୁ ମାତ୍ର ୧ କିଲୋମିଟର ଦୂରରେ କନ୍ୟାଶ୍ରମ ଏବଂ ୨ କିଲୋମିଟର ଦୂରରେ  ଉମରହଣ୍ଡି ଗ୍ରାମ। କିନ୍ତୁ ପୋଲିସ ସୂଚନାପାଇ କୁକୁଡ଼ା ଲଢେ଼ଇ ଚାଲିଥିବା ସ୍ଥାନରେ ପହଞ୍ଚି ବା ସମୟରେ ସମସ୍ତେ ସେହି ସ୍ଥାନରୁ ପଳାଉଛନ୍ତି । ମାଫିଆ ମାନେ ଖସି ପଳାଇବାର କାରଣ ପୋଲିସ ଯିବାର ପୂର୍ବ ସୂଚନା ସେମାନଙ୍କୁ ମିଳିଯାଉଛି.. କିଏ ସେମାନ ଙ୍କୁ ପୂର୍ବ ସୂଚନା ଦେଉଛି ତାହା ସନ୍ଦେହ ଘେରରେ ରହିଯାଇଛି।। କୁକୁଡ଼ା ଲଢେଇ ଖେଳ ସହ ଜୁଆ ଓ ମଦ କାରବାର ଭଳି ନିନ୍ଦନୀୟ ପ୍ରଥାକୁ ପରୋକ୍ଷରେ ଅବକାରୀ ବିଭାଗ ଏବଂ ପ୍ରତ୍ୟେକ୍ଷ ଭାବରେ ଅସାମାଜିକ ଲୋକଙ୍କ 
ମାନଙ୍କପାଇଁ  ଥମିବା ବଦଳରେ ବଢିବାକୁ ଲାଗିଛି।

ଅଞ୍ଚଳରେ  କୁକୁଡ଼ା ଲଢେଇ , ଜୁଆ,ମଦ ଭଳି ନିନ୍ଦନୀୟ କାର୍ଯ୍ୟରେ ଲିପ୍ତ ରହି ଆଦିବାସୀ ଭାଇମାନେ ନିଜର ସଞ୍ଚିତ ଅର୍ଥ ବ୍ୟୟ କରି ଦେଉଛନ୍ତି ।ଫଳରେ ଆର୍ଥିକ ଏବଂ ସାମାଜିକ ଅବସ୍ଥା ବିଗଡିବାରେ ଲାଗିଛି ,ସାଧାରଣତ ଗାଁ ଗହଳିର ଛୋଟଛୋଟ ଛୁଆମାନେ ମଧ୍ୟ ଆକର୍ଷିତ ହୋଇ ଏଠାକୁ ଚାଲି ଆସନ୍ତି  ଏବଂ ଜୁଆରେ ହାରିବା ପରେ ଦେଶୀମଦ ପିଇ ନିଶାସକ୍ତ ଅବସ୍ଥା ରେ ଘରକୁ ଫେରୁଥିବା ଦେଖିବାକୁ ମିଳୁଛି । ଯାହା ଫଳରେ ଏହି ଅଞ୍ଚଳରେ  ବିକାସ ପାଇଁ ଯେଉଁ ସବୁ ଯୋଜନା କରୁଛନ୍ତି ସରକାର ତାହା ସଫଳ ରୂପାୟନ ହେଇପାରୁନି । ବହୁ ଅସାମାଜିକ କାର୍ଯ୍ୟ ବୃଦ୍ଧିପାଉଛି ଏବଂ ପାରିବାରିକ ହିଂସା ମଧ୍ୟ ବଢ଼ିବାର ରେ ଲାଗିଛି ।ଏଭଳି କାମକୁ ନୂତନ ଭାବରେ ଡାବୁଗାଁ ଥାନାକୁ ଆସିଥିବା ଥାନା ଅଧିକାରୀ ଏବଂ ଜିଲ୍ଲା ପ୍ରଶାସନ ବିଶେଷ ଦୁଷ୍ଟି ଦେଇ ସମ୍ପୂର୍ଣ୍ଣ ବନ୍ଦ କରିବା ପାଇଁ ସାଧାରଣରେ ଦାବି ହେଉଛି। ଖାଲି କୁକୁଡା ଲଢେଇ ନୁହଁ   ଅଞ୍ଚଳ ରେ ହେଉଥିବା ଜାନି ଯାତ୍ରା ଯେପରିକି ମଣ୍ଡେଇ,କଲସିଯାତ୍ରା ରେ ମଧ୍ୟ୍ୟ ଏହି ଜୁଆ ମାଫିଆ ମାନେ ନିଜର ପସରା ମେଲେଲ  ଥାନ୍ତି ବସନ୍ତୀଯାତ୍ରା ଦେଖିବାକୁ ଆସୁଥିବା ନିରୀହ ଜନସାଧାରଣ ଖୁଡ଼ଖୁଡି ଖେଳର ଶିକାର ହୁଅନ୍ତି ।  ନିରୀହ ଆଦିବାସୀ ମାନଙ୍କ  ବିକାଶରେ ବାଧକ ସାଜିଛି ଏହି କୁକୁଡ଼ା ଲଢେଇ ଓ ଦେଶୀ ମଦ ।ଏଥି ପ୍ରତି ନୂତନ ସରକାର ଧ୍ୟାନ ଦେବା ପାଇଁ ଜନ ସାଧାରଣ ରେ ଦାବି ହେଉଛି