30-Mar-2025

ବଲାଙ୍ଗୀର(ପ୍ରେରଣା ଖବର): ସ୍ଥାନୀୟ ସଙ୍ଗୀତ ବିଦ୍ୟାଳୟ ପଞ୍ଚମ ର ନୃତ୍ୟ ବିଭାଗରେ ଯୁବ କଳାକାର ତଥା ପଞ୍ଚମର ବିଶିଷ୍ଟ ଢୋଲ ଓ ନିଶାନ ବାଦକ ସୁନୀଲ ମହାରଣାଙ୍କ ବିୟୋଗରେ ରବିବାର ଏକ ଶ୍ରଦ୍ଧାଞ୍ଜଳି ସଭା ଆୟୋଜିତ ହୋଇ ଯାଇଛି । ସଭାପତି ମୁରଲି ଧାରି ପତି ଙ୍କ ପରିଚାଳିତ ଏହି ସ୍ମୁତି ସଭାରେ ପ୍ରଦୀପ ପ୍ରଜ୍ଜ୍ଵଳନ ପୂର୍ବକ ବରିଷ୍ଠ ସାମ୍ବାଦିକ ବୀରେନ୍ଦ୍ର ଝାଙ୍କର, ଗୁରୁ ଗୌରକିଶୋର ମହାପାତ୍ର, ଚୈତନ୍ୟ ମଟାରୀ, ସଭ୍ୟ ଶିବା ପରୁଆ, ସୋନୁ ସିଂ, ରାଜ ହୋତା, କି୍ରଶ୍ନରାଜ ପତି, ସିରିଶା ପତି ବିଦ୍ୟାଳୟର ଛାତ୍ରୀ ଅମ୍ବିକା ବହିଦାର ଓ ପ୍ରଣତି ମହାରଣା ପ୍ରମୁଖ ଦିବଂଗତ ଆତ୍ମାର ସ୍ମୁତି ଚାରଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ଅନୁଷ୍ଠାନ ର ପ୍ରତ୍ୟେକ ବିଭାଗର ଛାତ୍ରଛାତ୍ରୀ ଗହଣରେ ମନରଞ୍ଜନ ବେହେରା, ରମଣୀ ରଞ୍ଜନ ପଟଟନାୟକ, ସୁରେନ୍ଦ୍ର ବାବୁ, କେମନ୍ତ ସାହୁ,ଡାକ୍ତର ଲଳିତ ସାହୁ ପ୍ରମୁଖ ଉପସ୍ଥିତ ଥିଲେ। ସୂଚନାଯୋଗ୍ୟ ସେ ଯୁବ କଳାକାର ସୁନୀଲ ମହାରଣା ଏକ ଉଜ୍ବଳ ପ୍ରତିଭା ହେବା ସହ ଓଡିଶାର ପ୍ରତ୍ୟେକ ଜିଲ୍ଲା ସହ ଭାରତର ବିଭିନ୍ନ ସହର ଯଥା ଦିଲ୍ଲୀ, ମୁମ୍ବାଇ, କଲିକତା, ଛେନାଇ, ବାଙ୍ଗାଲୋର, ଅଲହାବାଦ ପ୍ରଭୃତି ସ୍ଥାନରେ ନୃତ୍ୟ ପରିବେଷଣ କରି ଅତି କମ ବୟସରୁ ଜଣେ ପ୍ରତିଷ୍ଠିତ ଢୋଲ ବାଦକ  ଭାବେ ଅଞ୍ଚଳରେ ସୁନାମ ଅର୍ଜନ କରିପାରିଥିଲେ ।  ପଞ୍ଚମ ସହ ଜଡିତ ହେବା ସହ ସମଲେଶ୍ୱରୀ ମନ୍ଦିର ଆଳତି କମିଟି ଏବଂ ସୁଦ ପଡ଼ା ହନୁମାନ ମନ୍ଦିର କମିଟି ଇତ୍ୟାଦି ରେ ଜଡିତ ରହି ଜଣେ ଉତ୍ତମ ସଂଗଠକ ଭାବେ କାର୍ଯ୍ୟ ତୁଲାଉ ଥିଲେ । ତାଙ୍କର ଅକାଳ ବିୟୋଗରେ ବଣର ମଲ୍ଲୀ ବନେ ଝାଉଁଳି ଗଲା ବୋଲି କଲାକାର ମହାଲରେ ଚର୍ଚ୍ଚା ହେଉଛି ।