12-Mar-2025

ସିନ୍ଧେକେଲା (ଅନୀଲ କୁମାର ତ୍ରିପାଠୀ):  ଦେଶର ଅନନ୍ୟ ପ୍ରାଚୀନ ଐତିହ୍ୟ ସମ୍ପନ୍ନ ରାଣୀପୁର ଝରିଆଲ ପରିଦର୍ଶନ କରିଛନ୍ତି ରାଜ୍ୟ ପର୍ଯ୍ୟଟନ ସଚିବ ବଳବନ୍ତ ସିଂହ। ଗତବର୍ଷ ଏହି ଐତିହାସିକ ଧରୋହର କେନ୍ଦ୍ର ସରକାରଙ୍କ ପ୍ରସାଦ ଯୋଜନା ରେ ସାମିଲ ହୋଇଥିଲା। ତେବେ ସାମିଲ ହୋଇ ଥିଲେ ହେଁ କିଛି ମାସ ବିତିଯାଇଥିଲେ ମଧ୍ୟ କୌଣସି ବୈଠକ ହୋଇ ପାରୁନଥିବା ଯୋଗୁଁ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଗତ ସେପ୍ଟେମ୍ବର ମାସରେ ଅତିରିକ୍ତ ମୁଖ୍ୟ ଶାସନ

ସଚିବ ଓ ରାଜ୍ୟ ପର୍ଯ୍ୟଟନ ସଚିବ ଙ୍କ ସହ ତାଙ୍କ ଅଫିସରେ ଭେଟି ତୁରନ୍ତ ବୈଠକ ଡାକିବା ପାଇଁ ଅନୁରୋଧ କରିଥିଲେ। ପରେ ଅତିରିକ୍ତ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତା ଓ ପର୍ଯ୍ୟଟନ ବିଭାଗର ଡାଇରେକ୍ଟର ଙ୍କ ଆବାହକତ୍ବ ରେ ଆଭାସୀ ମାଧ୍ୟମରେ ବଲାଙ୍ଗୀର ସାଂସଦ ସଂଗିତା ସିଂହଦେଓ, କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ, ବଲାଙ୍ଗୀର ଜିଲ୍ଲାପାଳ ଗୌରବ ଶୀବାଜୀ ଇସଲଓ୍ବାର , ଟିଟିଲାଗଡ଼ ଉପଜିଲ୍ଲାପାଳ ରେହାନ ଖତ୍ରି, ବଲାଙ୍ଗୀର ଟୁରିଷ୍ଟ ଅଫିସର ରଶ୍ମୀ ରଞ୍ଜନ ମିଶ୍ର ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ତେବେ ଏହାକୁ ନେଇ ମଙ୍ଗଳବାର ରାଜ୍ୟ ପର୍ଯ୍ୟଟନ ସଚିବ ବଳବନ୍ତ ସିଂହ ନିଜେ ପହଞ୍ଚି ବୈଠକରେ ହୋଇଥିବା ଆଲୋଚନା ଅନୁଯାୟୀ କିଭଳି ତୁରନ୍ତ କାମ ଆରମ୍ଭ କରାଯାଇପାରିବ ଅନୁଧ୍ୟାନ କରିଛନ୍ତି। ଏବଂ ପରେ ମନ୍ଦିର ଟ୍ରଷ୍ଟ କମିଟି ସହ ଆଲୋଚନା କରି‌ଥିଲେ। ଏଥିରେ ଆବାହକ ଅନିଲ କୁମାର ତ୍ରିପାଠୀ ବୖଠକ ସଂଯୋଜନା ସହ ସମସ୍ତଙ୍କ ପରିଚୟ ପ୍ରଦାନ କରିଥିଲେ। ବିଭିନ୍ନ ସମସ୍ୟା ବିଷୟରେ ଅବଗତ ହେବାସହ ଅତ୍ୟାବଶ୍ୟକ କାମର ତୁରନ୍ତ ସମାଧାନ କରିବାପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଏବଂ ତୁରନ୍ତ ଆରମ୍ଭ କରାଯିବ ବୋଲି କହିଛନ୍ତି।  ତେବେ ଏହି ସମୟରେ ବଲାଙ୍ଗୀର ଜିଲ୍ଲାପାଳ, ଟିଟିଲାଗଡ଼ ଉପଜିଲ୍ଲାପାଳ, ବଲାଙ୍ଗୀର ଟୁରିଷ୍ଟ ଅଫିସର, ବଙ୍ଗୋମୁଣ୍ଡା ତହସିଲଦାର ଜ୍ୟୋସ୍ନା ମାଝୀ, ବିଡ଼ିଓ ଶଙ୍କର୍ଷଣ ବେହେରା,ସାଂସଦ ଙ୍କ ପ୍ରତିନିଧି ଭାବେ ବଲାଙ୍ଗୀର ଜିଲ୍ଲା ବିଜେପି ସଭାପତି ଶ୍ରୀବତ୍ସ ବେହେରା, ପୂର୍ବତନ ଜିଲ୍ଲା ବିଜେପି ସଭାପତି ଶିବାଜି ମହାନ୍ତି, କଣ୍ଟାବାଞ୍ଜି ବିଧାୟକ ଙ୍କ ପ୍ରତିନିଧି ଭାବେ ମୁକେଶ ବାଗ,ମନ୍ଦିର ଟ୍ରଷ୍ଟ କମିଟିର ସଭାପତି ମାଣିକ ଚନ୍ଦ ଜୈନ, ଆବାହକ ଅନିଲ କୁମାର ତ୍ରିପାଠୀ, ଝରିଆଲ ସରପଞ୍ଚ ଭରଦ୍ୱାଜ ଗହୀର, ଠେମରା ସରପଞ୍ଚ ଲକ୍ଷ୍ମୀକାନ୍ତ ବାଗ, ମୁଣ୍ଡପଦର ସରପଞ୍ଚ ରାଧାକାନ୍ତ ବେହେରା , ସିନ୍ଧେକେଲା ସମିତି ସଭ୍ୟ ଭୋଲାନାଥ ବେହେରା, ମନ୍ଦିର ପୂଜକ

ଜଗମୋହନ ତ୍ରିପାଠୀ, କୃଷ୍ଣ ସାହୁ , ଯୌବନ ବାଗ, ସ୍ମରଣ ମହାନ୍ତି, ଅର୍ଜୁନ ଯାଦବ, କଁସିଲ ସମିତି ସଭ୍ୟ ଙ୍କ ସ୍ବାମୀ ଦୀବାକର ବାଗ, ଟ୍ରଷ୍ଟ କମିଟିର କାର୍ଯ୍ୟ କାରିଣୀ ସଦସ୍ୟ ଗୋପୀନାଥ ସାହୁ, ରଶ୍ମିରଞ୍ଜନ ପୁଟେଲ,ନିତ୍ୟାନନ୍ଦ ପୃଷେଠ, ହେମନ୍ତ ସାହୁ, ଯୁବରାଜ ବାଗ, ଝରିଆଲ ରାଜସ୍ବ ନୀରିକ୍ଷକ ରାକେଶ ବେହେରା , ଥବିର ବାଗ , ମିଡ଼ିଆ ପ୍ରଭାରୀ ଅଶୋକ ନାରାୟଣ ଭୋଇ, ହୁଲେଶ୍ବର ହଂସ, ଦୀପକ ଯାଦବ ପ୍ରମୁଖ ସାମିଲ ହୋଇଥିଲେ ।