20-Feb-2025

ବଲାଙ୍ଗୀରେ(ପ୍ରେରଣା ଖବର) ବଲାଙ୍ଗୀର ସ୍ପେସାଲ୍ ଜଜ୍ ଭିଜିଲାନ୍ସ ମଳୟ ରଂଜନ ଦାସ ଭ୍ରଷ୍ଟାଚାର ନିରୋଧ ଆଇନରେ ଦୋଷୀ ସାବ୍ୟସ୍ତ କରି ୨ଠଠ୨ ରୁ ୨ଠଠ୭ ମଧ୍ୟରେ ଦେଓଗାଁ ରେ ଭି.ଏଲ୍ ଡବ୍ଲୁ ଭାବେ କାର୍ଯ୍ୟ କରୁଥିବା ବିହାରୀ ଲାଲ୍‌ ବାରିକଙ୍କୁ ଦୁଇଟି ଦଫାରେ ପ୍ରତ୍ୟେକ ଦଫା ପାଇଁ ଦୁଇ ବର୍ଷ ସଶ୍ରମ କାରାଦଣ୍ଡ ଓ ୨ଠ ହଜାର ଟଙ୍କl ଅର୍ଥଦଣ୍ଡ (ଅନାଦେୟ ୨ମାସ ସଶ୍ରମ କାରାଦଣ୍ଡ)ପ୍ରଦାନ କରିଛନ୍ତି। ଦୋଷୀ ଶ୍ରୀ ବାରିକ ତାଙ୍କ କାର୍ଯ୍ୟକାଳ ମଧ୍ୟରେ ବିଭିନ୍ନ ସରକାରୀ ଯୋଜନା ମାଧ୍ୟମରେ ଗରିବ ଲୋକଙ୍କ ପାଇଁ ଉଦ୍ଦିଷ୍ଟ ପ୍ରାୟ ୬ଠଠ କ୍ୱିଣ୍ଟାଲ ଚାଉଳ ଯାହାର ତତ୍କାଳିକ ମୂଲ୍ୟ ପ୍ରାୟ ୭ଲକ୍ଷ ଟଙ୍କା ଆତ୍ମସାତ୍ କରିଥିଲେ । ତାଙ୍କ ବିରୁଦ୍ଧରେ ଭ୍ରଷ୍ଟାଚାର  ନିରୋଧ ଆଇନ- ୧୯୮୮ର ଧାରା ୧୩(୨), ୧୩(୧),(ଗ) ଓ ଭାରତୀୟ ଦଣ୍ଡ ସଂହିତା ୧୮୬ଠର ଧାରା ୪ଠ୯ର ବିଚାର ହୋଇଥିଲା। ମାନ୍ୟବର ଅଦାଲତ ସରକାରୀ  ଓକିଲଙ୍କ ପକ୍ଷରୁ ଦିଆଯାଇ ଥିବା ପ୍ରମାଣକୁ ବିଚାରକୁ ନେଇ ଶ୍ରୀ ବାରିକଙ୍କୁ ଦୋଷୀସାବ୍ୟସ୍ତ କରିଛନ୍ତି । ଭିଜିାଲାନ୍ସ ପକ୍ଷରୁ ଏହି କେସ୍ ରେ ସରକାରୀ ଓକିଲ ଜୟକୃଷ୍ଣ ସାହୁ ମୁକଦ୍ଦମା ପରିଚାଳନା କରୁଥିଲେ  ।