09-Feb-2025

କୁଚିଣ୍ଡା; (ସିଲୁ ସୁନାନୀ):ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକର ଖଣ୍ଡୋକଟାଠାରେ ୩୨ ତମ ବିରାଟ ଧନଯାତ୍ରା ମହୋତ୍ସବ ଶନିବାର  ରାତି ୯.୦୦ ଟା ରେ ଉଦ୍ଘାଟିତ ହୋଇଯାଇଛି । ଧନଯାତ୍ରା କମିଟି ଉପଦେଷ୍ଟା ତଥା ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ମନ୍ତ୍ରୀ ରବି ନାରାୟଣ ନାଏକ ମୁଖ୍ୟ ଅତିଥି ଭାବେ ଯୋଗ ଦେଇ ଶିବ ପୂଜା ପରେ କଂସ ଦରବାରର ଶୁଭ ଉଦ୍ଘାଟନ କରିଥିଲେ । ଅପରାହ୍ନ ୧ ଟା ରେ କଳସ ଶୋଭାଯାତ୍ରା ଜଗନ୍ନାଥ ମଣ୍ଡପସ୍ଥିତ ଗୋପପୁରରେ କୃଷ୍ଣ ବଳରାମ ପ୍ରତିଷ୍ଠା ସହ ହୋମଯଜ୍ଞ ଆଦି ହୋଇଥିଲା । ଉଦ୍ଘାଟନୀ କାର୍ଯକ୍ରମରେ ମନ୍ତ୍ରୀ ନାଏକଙ୍କ ସହ କୁଚିଣ୍ଡା ଉପଜିଲ୍ଲାପାଳ ଗୌରବମୟ ପ୍ରଧାନ, ଏସ୍ ଡି ଏମ ଓ ଡା. ସୁବୋଧ କୁମାର ନାୟକ, କୁଚିଣ୍ଡା ବିଡିଓ ଜୟନ୍ତ ସାହୁ, ଆସିଷ୍ଟାଣ୍ଟ କଲେକ୍ଟର ଲୋଚନ ଶବର ଓ ରମେଶ ସାହୁ, କୁଚିଣ୍ଡା ପଞ୍ଚାୟତ ସମିତି ଉପାଧ୍ୟକ୍ଷ| ରଶ୍ମିତା ନାଏକ, ସରପଞ୍ଚ କୁନି ସେଉଳ, କୁଚିଣ୍ଡା ଅବସରପ୍ରାପ୍ତ ଶିକ୍ଷକ ସୁରେଶ ଚନ୍ଦ୍ର ପଟେଲ ରଜ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଓରମାସ ଏବଂ ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ପଲ୍ଲୀଶ୍ରୀ ମେଳାକୁ ମନ୍ତ୍ରୀ ନଏକ ଉଦ୍ ଘାଟନ କରିଥଲେ l ଓରମାସ ଡେପୁଟି ସିଇଓ ଶ୍ରୀମନ୍ତ ହୋତାଙ୍କ ଦ୍ବାରା ପରିଚାଳିତ ୯୨ଗୋଟି ଷ୍ଟଲ କୁ ସେ ବୁଲି ଦେଖିଥିଲେ l ପରେ ଖଣ୍ଡୋକଟା,ହାଡ଼ିପାଲି,କୁଡ଼ାପଡା, ବାଉରୀଗୋଡା ,ଅର୍ଡାବlହାଲ, ପାରୁଅଆଭାଡ଼ି ଆଦି ପଞ୍ଚlୟତର ପ୍ରତିଭା ସମ୍ପନ୍ନ

ଛାତ୍ରଛାତ୍ରୀଙ୍କୁ ସମ୍ମାନିତ କରାଯାଇଥିଲା l ପୌରାଣିକ କଥାବସ୍ତୁ ଉପରେ ଆଧାରିତ ଲୀଳା ନାଟରେ କଂସମଣ୍ଡପ ରେ ଉଗ୍ରସେନଙ୍କ ରାଜ ଦରବାର, ବାସୁଦେଵ ଦେବକୀ ବିବାହ, ଉଗ୍ରସେନଙ୍କୁ ଗାଦିଚ୍ୟୁତ କରି କଂସଙ୍କ ସିଂହାସନ ଆରୋହଣ ସହ ରାଜ ଅଭିଷେକ, ଦୈବବାଣୀ, ଦେବକୀ ବସୁଦେବ ବନ୍ଦି ଆଦି ନାଟ୍ୟ ଅଭିନୟ ହୋଇଥିଲା । ଏହି କାର୍ଯ୍ୟକ୍ରମକୁ ଧନୁଯାତ୍ରା କମିିଟି ସଭାପତି ପୂର୍ଣ୍ଣଚନ୍ଦ୍ର ପଟେଲ, ଉପସଭାପତି ସନ୍ତୋଷ ପୃଷେଠ, ସମ୍ପାଦକ ଧନିିରାମ ନାୟକ, ସହସଂପlଦକ ବିକାଶ ଚନ୍ଦ୍ର ପୃଷେଠ୍, କୋଷାଧ୍ୟକ୍ଷ ଚନ୍ଦ୍ରମଣି ନାଏକଙ୍କ ସମେତ କମିଟିର ସମସ୍ତ ସଦସ୍ୟ ପରିଚାଳନା କରିଥିଲେ ।