10-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ଓଡିଶାରେ ସମୁଦାୟ ୩୧୪ ଟି ବ୍ଲକ କେଉଁ ଆବାହମାନ କାଳରୁ ସୃଷ୍ଟି ହୋଇଥିଲେ ମଧ୍ୟ ଅନେକ ଶାସକ ଦଳ ଜନସଂଖ୍ୟାକୁ ବିବେଚନା କରି  ନୂତନ ବ୍ଲକ ସଂପ୍ରସାରଣ ଉପରେ କେହିହେଲେ ମଧ୍ୟ ବିଚାରକୁ ନେଇ ନଥିଲେ। ଯାହା ବାସ୍ତବରେ ବହୁ ଦୁଃଖର ବିଷୟ ଅଟେ। ସ୍ୱାଧୀନତାର କେଇ ବର୍ଷ ପରେ ପାଇକମାଲ ବ୍ଲକ ସମୁଦାୟ ୨୨ ଗୋଟି ପଞ୍ଚାୟତକୁ ନେଇ ଗଠିତ ହୋଇଥିଲା। କିନ୍ତୁ ବିଡ଼ମ୍ବନାର ବିଷୟ ବର୍ଷ ପରେ ବର୍ଷ ବିତିଯାଇଥିଲେ ମଧ୍ୟ ଜନସଂଖ୍ୟା କୁ ଦୃଷ୍ଟିରେ ରଖି ବିଗତ ଦିନର ସରକାର ମାନେ ଗ୍ରାମ ପଞ୍ଚାୟତ ସଂପ୍ରସାରଣ କିମ୍ବା ଜନସଂଖ୍ୟା ତଥା ଦୂରତ୍ବ କୁ ଦୃଷ୍ଟିରୁ ଲୋକଙ୍କ ସୁବିଧା ପାଇଁ ବ୍ଲକ ସଂପ୍ରସାରଣ ଉପରେ କୈାଣସି ପ୍ରକାରର ଆଖି ଦୂର୍ଶିଆ ପଦକ୍ଷେପ ନେଇନଥିଲେ।ସେ ଯାହାବି ହେଉ ବର୍ତ୍ତମାନ ଓଡ଼ିଶାରେ ବିଜେପି ଶାସନ ଆସିବା ପରେ ଏହାରି ଉପରେ ଏକ ଐତିହାସିକ ପଦକ୍ଷେପ ନେବାକୁ ଯାଉଛନ୍ତି।ଯାହା ସମଗ୍ର ଓଡ଼ିଶାର ଜନସାଧାରଣ ପାଇଁ ଶୁଭଙ୍କର ସଙ୍କେତ ଅଟେ।ବ୍ଲକ ସଂପ୍ରସାରଣ ଉପରେ ରାଜସ୍ୱ ମନ୍ତ୍ରୀଙ୍କ ପଦକ୍ଷେପ କୁ ସ୍ୱାଗତ ଜଣାଇ ପାଇକମାଲ ବ୍ଲକ ଅଧିନସ୍ଥ ବୁକୁରାମୁଣ୍ଡା ଗ୍ରାମପଞ୍ଚାୟତ ଏବଂ ଟେମରୀ ଗ୍ରାମପଞ୍ଚାୟତର ଅଞ୍ଚଳବାସୀଙ୍କ ହିତକୁ ନେଇ ଏକ ସଭା ଅନୁଷ୍ଠିତ ହେଲାପରେ ଅଞ୍ଚଳବାସୀଙ୍କ ଦାବିକୁ ଉତ୍ଥାପନ କରିବାପାଇଁ ପୂର୍ବତନ ବିଜେପି ଲଖମରା ମଣ୍ଡଳ ସଭାପତି ଶ୍ରୀଯୁକ୍ତ ଭିଷ୍ମଦେବ ସାହୁ ଏବଂ ବୁକୁରାମୁଣ୍ଡା ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ଅନିତା ଭୋଇଙ୍କ ନୋମିନି ଶ୍ରୀଯୁକ୍ତ ପରମାନନ୍ଦ ଭୋଇ ଭୁବନେଶ୍ଵର ଯାଇ ମାନ୍ୟବର ରାଜସ୍ୱ ମନ୍ତ୍ରୀ ଶ୍ରୀଯୁକ୍ତ ସୁରେଶ ପୂଜାରୀ, ମାନ୍ୟବର ବରଗଡ଼ ସାଂସଦ ଶ୍ରୀଯୁକ୍ତ ପ୍ରଦୀପ ପୁରୋହିତ ଏବଂ ମାନ୍ୟବର ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ମନ୍ତ୍ରୀ ଶ୍ରୀଯୁକ୍ତ ରବିନାରାୟଣ ନାଏକଙ୍କୁ ସାକ୍ଷାତ କରି ବୁକୁରାମୁଣ୍ଡା ଆଞ୍ଚଳକୁ ବ୍ଲକ ଘୋଷଣା କରିବାକୁ ଦାବି ପତ୍ର ପ୍ରଦାନ କରିଛନ୍ତି। ଏଠାରେ ସୂଚନା ଯୋଗ୍ୟ ଯେ,୨୦୧୧ ମସିହାରେ ହୋଇଥିବା ଜନଗଣନା ଅନୁସାରେ ପାଇକମାଲ ବ୍ଲକର ଜନସଂଖ୍ୟା ୧୧୭୯୮୮ ରହିଥିବାବେଳେ,୧୭୮୧୧ ଏସସି,୪୨୧୨୯ ଏସଟି,୫୮୦୪୮ ଓବିସି ବର୍ଗର ଅଟନ୍ତି। ବର୍ତ୍ତମାନ ଆମେ ଆସି ପହଞ୍ଚିଛୁ ୨୦୨୫ ବର୍ଷରେ,ଏଇ ୧୪ ବର୍ଷ ବ୍ୟବଧାନ ମଧ୍ୟରେ ଜନସଂଖ୍ୟା ବଢିବା ସ୍ୱଭାବିକ ଅଟେ।