12-Nov-2024

ଆଗଲପୁର, (ପ୍ରେରଣା ଖବର) କିଛିଦିନ ପୂର୍ବରୁ ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ବୁଦୁଲା ପଂଚାୟତ ରେ ଦେଖିବାକୁ ମିଳିଥିଲା ଏକ ଅଭାବନୀୟ ଘଟଣା l ବୁଦୁଲା ଗ୍ରାମ ପଂଚାୟତ ର ଯୋଗାଣ ସହାୟକ ଗିରିଶ ଚନ୍ଦ୍ର ସାହୁ ଗୋଟିଏ ବର୍ଷ ପୂର୍ବରୁ ଜଣେ ବିଧବା ମହିଳା ଙ୍କୁ ଚାଉଳ କାର୍ଡ କରିଦେବା ନାଁ ରେ ପଂଚାୟତ କାର୍ଯ୍ୟାଳୟ କୁ ଡାକି  ଦୁଷ୍କର୍ମ କରିବା ସହ ଅନ୍ତରଙ୍ଗ ମୁହୂର୍ତ୍ତ ର ଭିଡ଼ିଓ ନିଜ ମୋବାଇଲ ରେ ଉଠାଇ ରଖିଥିଲେ l କିଛି ଦିନ ତଳେ ପୁଣି ଉକ୍ତ ବିଧବା ମହିଳା ଙ୍କୁ ଶାରୀରିକ ସମ୍ପର୍କ ରଖିବା ପାଇଁ ଯୋଗାଣ ସହାୟକ  ଡାକିଥିଲେ l ମହିଳା ଜଣକ ମନା କରିବାରୁ ମୋବାଇଲ ରେ ଉଠାଇଥିବା ଭିଡିଓ ଭାଇରଲ କରାଯିବ ବୋଲି ଯୋଗାଣ ସହାୟକ ଗିରିଶ ଚନ୍ଦ୍ର ସାହୁ ଏବଂ ତାଙ୍କ ସାଙ୍ଗ ସୁବଳ ବିଶ୍ୱାଳ ମହିଳା ଙ୍କୁ ଧମକ ଦେବା ସହ ଅନ୍ତରଙ୍ଗ ମୁହୂର୍ତ୍ତ ର ଭିଡିଓ ଭାଇରାଲ କରିଥିଲେ l ଗତ ଦୁଇ ତାରିଖ ଦିନ ଗିରିଶ ଏବଂ ସୁବଳ ମିଶି ମହିଳା ଙ୍କ ଆପତ୍ତିଜନକ ଭିଡିଓ ଭାଇରଲ କରିଥିବା ମହିଳା ଜାଣିବାକୁ ପାଇଲେ l ସେହିଦିନ ସେ ପଂଚାୟତ କାର୍ଯ୍ୟାଳୟ କୁ ଯାଇ ପ୍ରତିବାଦ କରିବା ସହ  ଯୋଗାଣ ସହାୟକ ଙ୍କୁ ଚପଲ ରେ ପିଟିଥିଲେ l ଯାହାର ଏକ ଭିଡ଼ିଓ ଭାଇରାଲ ହୋଇଥିଲା l ଏହାଛଡା ସେଠାରେ ଉପସ୍ଥିତ ଥିବା ଯୋଗାଣ ସହାୟକ  ଙ୍କ ସହଯୋଗୀ ମହିଳା ଙ୍କ ମୁଣ୍ଡ ରେ ବାରମ୍ବାର ଆକ୍ରମଣ କରିବା ଫଳରେ ମହିଳା ଜଣକ ଚେତାଶୂନ୍ୟ ହୋଇପଡ଼ିଥିଲେ l ପରେ ମହିଳା ଙ୍କୁ ୧୦୮ ଆମ୍ବୁଲାନ୍ସ ରେ ଆଗଲପୁର ଡାକ୍ତରଖାନା କୁ ନିଆଯାଇଥିଲା ପରେ ଉଚ୍ଚ ମାନର ଚିକିତ୍ସା ପାଇଁ ବଲାଙ୍ଗୀର ଭୀମଭୋଇ ଡାକ୍ତର ଖାନା କୁ ନିଆଯାଇଥିଲା l ଡାକ୍ତର ଖାନା ରୁ ଘରକୁ ଫେରିବା ପରେ ମହିଳା ଜଣକ ଆଗଲପୁର ଥାନା ରେ ଅଭିଯୋଗ କରି ନ୍ୟାୟ ଭିକ୍ଷା କରିଥିଲେ l ଏ ନେଇ ଆଗଲପୁର ପୋଲିସ ୧୮୬/୨୪ ରେ ଏକ ମାମଲା ରୁଜୁ କରାଗଲା l ଏହାର ତଦନ୍ତ ଦାୟିତ୍ୱ ରେ ଥିଲେ ବଲାଙ୍ଗୀର ଏସଡିପିଓ l ଫେରାର ଥିବା ଅଭିଯୁକ୍ତ ଦ୍ବୟ ଙ୍କୁ ଧରିବାକୁ ଉଦ୍ୟମ ଜାରି ରହିଲା l ଗତକାଲି ଯୋଗାଣ ସହାୟକ ଗିରିଶ ଚନ୍ଦ୍ର ସାହୁ ଙ୍କୁ ପୋଲିସ ଛତିଶଗଡ ସିଂଗୁଡା ଥାନା ଅଂଚଳ ରୁ ଧରାଗଲା ବୋଲି ଆଗଲପୁର ଥାନା ଅଧିକାରୀ ଶ୍ରୀଯୁକ୍ତ ବାସୁଦେବ ଭୋଇ ସୂଚନା ଦେଇଛନ୍ତି l