11-Nov-2024

ବରପାଲି (ସୁଦାମ ଦୀପ): ବରପାଲି ବ୍ଲକ ଅନ୍ତର୍ଗତ କେବାଡର ସପ୍ତମ  ଧନୁଯାତ୍ରାର ମୂଖ୍ୟ ଆକର୍ଷଣ କଂସ ମହାରାଜାଙ୍କ ବରଣ ପର୍ବ କମିଟି ପକ୍ଷରୁ ହୋଇଯାଇଛି। କେବାଡ ଆଦର୍ଶ ଯୁବ ପରିଷଦ ପକ୍ଷରୁ ଆୟୋଜିତ ଚଳିତ ବର୍ଷ ସପ୍ତମ ଧନୁଯାତ୍ରା ମହୋତ୍ସବ ନିମନ୍ତେ କଂସ ମହାରାଜ ଭାବରେ ଡୁଙ୍ଗୁରିପାଲିର ପ୍ରଫୁଲ୍ଲ ମେହେରଙ୍କୁ କମିଟି କର୍ମକର୍ତ୍ତା ମାନଙ୍କ ଦ୍ବାରା ପରମ୍ପରା ଅନୁସାରେ ବରଣ କରାଯାଇଥିଲା। ପରିଷଦ ସଭାପତି ଝସକେତନ ମହଲା, ସଂପାଦକ ବୁଲୁ ଦାଶ, ଆଗଲପୁର ସରପଞ୍ଚ ପ୍ରତିନିଧି ଗୋପାଳ ଭୋଇ, ତିନକାନୀ ସରପଞ୍ଚ ପ୍ରତିନିଧି ଦିପକ ଧନୁକା, ତିଲେଇମାଲ ସରପଞ୍ଚ ପ୍ରତିନିଧି ରାଧେଶ୍ୟାମ ମିଶ୍ର, ଜିଲ୍ଲାପରିଷଦ ସଦସ୍ୟ ଅନନ୍ତ ସେଠ, ବରିଷ୍ଠ ସଦସ୍ୟ ଯୁଦ୍ଧିଷ୍ଠିର ମେହେର, ମକରଧ୍ବଜ ଭୁଏ, ଭଗବାନ ମଟାରୀ ପ୍ରମୁଖ ବରଣୋତ୍ସବରେ ସାମିଲ ହୋଇଥିଲେ। ଆସନ୍ତା ନୁତନ ବର୍ଷର ଜାନୁୟାରୀ ୨ତାରିଖରୁ ୮ତାରିଖ ପର୍ଯ୍ଯନ୍ତ ସପ୍ତାହ ବ୍ଯାପି ମହୋତ୍ସବ ପରିଚାଳିତ ହେବ ବୋଲି କମିଟି ପକ୍ଷରୁ ଜଣାପଡିଛି।