30-Oct-2024

କଣ୍ଟାମାଳ(ଜୟ କୁମାର ମହାରଣା):  ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ଭାରତ ସରକାରଙ୍କ ଯୁବ ଓ କ୍ରୀଡ଼ା ମନ୍ତ୍ରାଳୟ ଅଧିନ ନେହେରୁ ଯୁବ କେନ୍ଦ୍ର, ବୌଦ୍ଧ ଜିଲ୍ଲା ଶାଖା ତରଫରୁ କଣ୍ଟାମାଳ ସ୍ଥିତ ଜୟ କ୍ରୀଷ୍ଣା ଜୁନିୟର ମହାବିଦ୍ୟାଳୟ ଦମାମୁଣ୍ଡା ଠାରେ ଏକ ସଚେତନତା ସଭା ଅନୁଷ୍ଠିତ ହୋଇ ଯାଇଛି।ଏହି ସଚେତନତା ସଭାରେ ଇଂରାଜୀ ଅଧ୍ୟାପକ ବାସୁଦେବ ସେଠୀ  ଯୋଗଦେଇ କହିଥିଲେ ଯେ  ସମାଜର ବିଭିନ୍ନ ସ୍ତରରେ ଦୁର୍ନୀତି ମହାମାରୀ ରୂପେ ବ୍ୟାପିବାରେ ଲାଗିଛି। ସରକାର, ସଚେତନ ନାଗରିକ ସମାଜ ଏବଂ ବେସରକାରୀ ସଂସ୍ଥାଙ୍କ ସମ୍ମିଳିତ ଉଦ୍ୟମରେ ଏହାର

ମୂଳୋତ୍ପାଟନ ହୋଇ ପାରିବ ବୋଲି ସେ କହିଥିଲେ। ମୁଖ୍ୟ ଅତିଥି ଭାବରେ ଦୁର୍ନୀତି ନିବାରଣ ଅଧିକାରୀ ଜଗବନ୍ଧୁ ଅଙ୍ଗିରା  ଉପସ୍ଥିତ ରହି ସମସ୍ତ ଯୁବଶକ୍ତିକୁ ସମ୍ବୋଧିତ କରି କହିଥିଲେ ଯେ ସକାରାତ୍ମକ ମନୋବୃତ୍ତି, ଆତ୍ମଶକ୍ତିର ଜାଗରଣ ଓ ନିଜ ଚାରିପଟେ ଘଟୁଥିବା ସମସ୍ତ ଘଟଣାବଳୀ ଉପରେ ସତର୍କ ରହିଲେ ସମାଜରୁ ଦୁର୍ନୀତି ହଟିବା ସହିତ ଏକ ସୁସ୍ଥ,ସ୍ୱଚ୍ଛ ଓ ସଭ୍ୟ ନାଗରିକ ସମାଜ ପ୍ରତିଷ୍ଠା ହୋଇ ପାରିବ ବୋଲି ସେ କହିଥିଲେ। ସମାଜର ଉପର ସ୍ତରରେ କ୍ଷମତା ଓ ଦାୟିତ୍ଵ ରେ ଥିବା ଲୋକର ନକାରାତ୍ମକ ମନୋବୃତ୍ତି ଏବଂ ଅତ୍ୟଧିକ ଲୋଭ ହିଁ ସବୁପ୍ରକାର ଦୁର୍ନୀତି ର ମୂଳ ଉତ୍ସ ବୋଲି ସେ କହିଥିଲେ।ଉଦଘାଟକ ପ୍ରିନ୍ସିପlଲ୍ ପ୍ରୀୟମ୍ବଦା ନାୟକ  କହିଥିଲେ ଯେ ଆତ୍ମ ଜାଗରଣ ,ଆତ୍ମ ଉପଲବ୍ଧି ସହିତ ନିଜ ଚାରିପଟେ  ପ୍ରତିଦିନ ଘଟୁଥିବା ଘଟଣାବଳୀ ଉପରେ ସଚେତନ ରହି ସତର୍କ ରହିଲେ ଏକ ସ୍ୱଚ୍ଛ ଓ ସଶକ୍ତ ସଭ୍ୟ

ସମାଜ ପ୍ରତିଷ୍ଠା ହୋଇ ପାରିବ। ଏଥିରେ ଅନ୍ୟତମ ସମ୍ମାନିତ ଅତିଥି ଭାବେ NYP ର ଜିଲ୍ଲା ସଂଯଯୋକ ଆଶ୍ମlନ୍ ମହାକୁଡ ଯୋଗଦେଇ  କହିଥିଲେ ଯେ କେବଳ ପାଠ୍ୟ ଖସଡ଼ାରେ ଥିବା ପୁସ୍ତକ ଆମକୁ ଶିକ୍ଷିତ କରିବ ନାହିଁ ବରଂ ଜୀବନର ପ୍ରତିଟି କ୍ଷେତ୍ରକୁ ମୁକାବିଲା କରିବାକୁ ସଚେତନ, ସଶକ୍ତ,ଦକ୍ଷ ଓ ସତର୍କ ରହିଲେ ବ୍ୟକ୍ତି ସଫଳତା ପାଇବା ସହିତ ଏକ ସମୃଦ୍ଧ ସମାଜ ପ୍ରତିଷ୍ଠା ହୋଇ ପାରିବ ବୋଲି ଉକ୍ତି ରଖିଥିଲେ l