29-Oct-2024

ବଲାଙ୍ଗୀର(ପ୍ରେରଣା ଖବର): ଆଜି ସଦର ମହକୁମାରେ  ପାଳିତ ହୋଇଛି ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ କାର୍ଯ୍ୟକ୍ରମ | ଏହି କାର୍ଯ୍ୟକ୍ରମରେ ୱାକାଥନ୍ ସହିତ ପଥୋତ୍ସବ କରାଯାଇଛି | ଏହି କାର୍ଯ୍ୟକ୍ରମରେ ଜିଲ୍ଲାପାଳ ଗୌରୱ ଶୀୱାଜୀ ଇସାଲୱାର ଅଧ୍ୟକ୍ଷତା କରିଥିଲେ | ଅତିରିକ୍ତ ଜିଲ୍ଲାପାଳ ଡ଼ ବିଜୟାନନ୍ଦ ସେଠୀ, ଅତିରିକ୍ତ ଆରକ୍ଷୀ ଅଧିକ୍ଷକ , ଉପଜିଲ୍ଲାପାଳ ଆଲୋକ କୁମାର ପଟେଲ , ଡେପୁଟି କଲେକ୍ଟର ରାଜେନ୍ଦ୍ର ନାୟକ ମଞ୍ଚରେ ଉପସ୍ଥିତି ଥିଲେ | ବିଭିନ୍ନ ଛାତ୍ର ଛାତ୍ରୀ , ମହିଳା,

ଅନୁଷ୍ଠାନ ମାନଙ୍କର ବିଶିଷ୍ଠ ବ୍ୟକ୍ତି , ଜିଲ୍ଲାର ଅଧିକାରୀଗଣ ୱାକାଥନ ରେ ଭାଗ ନେଇଥିଲେ | ଏହି ସଚେତନତା ରାଲି ଚିଲଡ୍ରେନ୍ସ ପାର୍କ ଠାରୁ  ବଲାଙ୍ଗିର ମହିଳା ମହାବିଦ୍ୟାଳୟ ଯାଏଁ ଆସିଥିଲା | ଭୋଟର ସଚେତନତା ତଥା ସଠିକ ମତଦାନ ର ନାରା ସହ ସମସ୍ତେ ସହର ଭ୍ରମଣ କରିଥିଲେ | ଏହା ପୂର୍ବରୁ ପ୍ରଥମ ପର୍ଯ୍ୟାୟରେ ପଥୋତ୍ସବ ରେ ଏକ ସଭା ଅନୁଷ୍ଠିତ ହେଇଥିଲା | ଜିଲ୍ଲାପାଳ ମୁଖ୍ୟ ଅତିଥି ଭାବେ ମତଦାନ ପାଇଁ ସ୍ୱୟଂ ନିଜ ତରଫରୁ ନାମ ପଞ୍ଜିକରଣ କରିବାକୁ ଅନୁରୋଧ କରିଥିଲେ | ସୁସ୍ଥ ନିର୍ବାଚନ ପାଇଁ ସଠିକ ତଥ୍ୟ ଏବଂ  ନିର୍ଭୁଲ ଭୋଟର ତାଲିକା ନିତାନ୍ତ ଜରୁରୀ | ତେଣୁ କୌଣସି ଭୁଲ କୁ ଏହି ଅଭିଯାନ ରେ ସଂଶୋଧନ କରିବାକୁ ଆହ୍ୱାନ କରିଥିଲେ | ଏଥିପାଇଁ ନିର୍ବାଚନ କମିଶନଙ୍କ ତରଫରୁ ଚାରୋଟି ଫର୍ମ ରେ ଆବେଦନ କରିହେବ | ଫର୍ମ ୬ ରେ ଭୋଟର ପଞ୍ଜିକରଣ , ଫର୍ମ ୭ ରେ ନାମ ଅପସାରଣ , ଫର୍ମ ୮ ରେ ସବିଶେଷ ସଂଶୋଧନ ତଥା ଫର୍ମ ୬ବି ରେ ଆଧାର ଭୋଟର ପରିଚୟ କାର୍ଡ ଲିଙ୍କ କରିହେବ ବୋଲି କହିଥିଲେ | ଭୋଟର ତାଲିକାର ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ ନିମନ୍ତେ ଆସନ୍ତା ନଭେମ୍ବର ମାସ ୨ / ୧୦ / ୧୬ / ୨୪  ତାରିଖ ବୁଥସ୍ତରୀୟ ଅଧିକାରୀଙ୍କ ନିକଟସ୍ଥ ବୁଥରେ ରହି ଆବେଦନ

ଗ୍ରହଣ କରିବ | ଭୋଟର ହେଲ୍ପଲାଇନ ଆପ ଜରିଆରେ ମଧ୍ୟ ଘରେ ବସି ଜଣେ ଆବେଦନ କରିପାରିବେ | କୌଣସି ଅସୁବିଧା ର ସମ୍ମୁଖୀନ ହେଲେ ସେମାନେ ନିଶୁକ୍ଲ ୧୯୫୦ ରେ କଥା ହୋଇ ସମାଧାନ କରିପାରିବେ | ଏହି ପ୍ରକ୍ରିୟା ଆଜିଠାରୁ ଆସନ୍ତା ୨୮ ନଭେମ୍ବର ଯାଏଁ ଚାଲିବ | କାର୍ଯ୍ୟକ୍ରମ ଶେଷରେ ଝୋଟି ,ରଙ୍ଗୋଲି ତଥା ହସ୍ତାକ୍ଷର ଅଭିଯାନ କରାଯାଇଥିଲା | ଶେଷରେ ଛାତ୍ର ଛାତ୍ରୀ ଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ବଲାଙ୍ଗିର ଉପଜିଲ୍ଲାପାଳ  ଶ୍ରୀ ପଟେଲ ଧନ୍ୟବାଦ ଦେଇଥିଲେ |