12-Oct-2024

ବଲାଙ୍ଗୀର: ଆଗଲପୁର ବ୍ଲକ୍ କୁଟାସିଂହା ଗ୍ରାମ ପଞ୍ଚାୟତ ଅନ୍ତର୍ଗତ ଡୁଙ୍ଗୁରୀପାଲି ଗ୍ରାମ ରେ ମାଁ ମାହେଶ୍ଵରୀ ମନ୍ଦିରରେ ଦଶହରା ପୂଜା ରୀତି ନୀତି ରେ ପାଳନ ହୋଇଯାଇଛି।ମାଁ ମାହେଶ୍ଵରୀ ଦେବୀଙ୍କ ପୀଠରେ ନବାର୍ଣ୍ଣ ଲଗାଇ ଡୁମାଲ୍ ସମ୍ପ୍ରଦାୟର ନୂଆଁଖାଇ ପର୍ବ ସଂପନ୍ନ ହୋଇଯାଇଛି। ଶହ ଶହ ବର୍ଷ ପୂର୍ବେ ପାଟଣା ମହାରାଣୀ ଏହି ମାହେଶ୍ଵରୀ ଦେବୀ ଙ୍କୁ ମହୁଲ ଗଛ ତଳେ ସ୍ଥାପନ କରିଥିଲେ।ସେହିଦିନ ଠାରୁ ମାଁ ମାହେଶ୍ଵରୀ ଙ୍କ ପୂଜା ଗାଁ ରେ ପିଢ଼ି ପିଢ଼ି ଧରି ଗ୍ରାମର ଗୌନ୍ତିଆ ଏହି ପୂଜା କରିଆସୁଛନ୍ତି।ବର୍ତ୍ତମାନର ପୂଜକ ଶମ୍ଭୁ ପ୍ରସାଦ ମହାକୁର ପୂଜା କରୁଛନ୍ତି।ଏହି ପୂଜାକୁ ତାଙ୍କ ବଡ ପୁଅ ସଞ୍ଜୟ ମହାକୁର ସହାୟୋଗ କରୁଛନ୍ତି।ବରୁଆ ଘନ ମେଶୁଆ ଥିବା ବେଳେ ପୁଝାରୀ ହେଉଛନ୍ତି ଲକ୍ଷ୍ମଣ ଯୋଷୀ।ପ୍ରତିବର୍ଷ ଶ୍ରଦ୍ଧାଳୁ ମାନେ ମାନସିକ ରଖି ମନ୍ଦିରରେ ପାଲ ପଡ଼ି ମାଁ ମାହେଶ୍ୱରୀ ଙ୍କ ସାନ୍ନିଧ୍ୟ ଲାଭ କରିଥାନ୍ତି।ମାଁ ମାହେଶ୍ୱରୀ ଭକ୍ତ ଙ୍କ ମନସ୍କାମନା ପୂର୍ଣ୍ଣ କରିଥାନ୍ତି ବୋଲି ପୀଠ କୁ ଆସୁଥିବା ଶ୍ରଦ୍ଧାଳୁ ଭକ୍ତ ମାନଙ୍କ ବିଶ୍ୱାସ।ମାଁ ମାହେଶ୍ଵରୀ ଦେବୀଙ୍କୁ ଦଶହରା ମାସର ମୂଳଷ୍ଟମି ରୁ ପୂଜା ଆରମ୍ଭ କରି ମହାଳୟା ଦିନ ଖଣ୍ଡା ଲେଉଟା ହୁଏ।ଅଷ୍ଟମୀ ଦିନ ଦେବୀ ନଦୀକୁ ଗାଧୋଇ ଯାଇ ଗାଁ ର ଭାଇ ଜିଉନ୍ତିଆ କୋଠିରେ ଶ୍ରଦ୍ଧାଳୁ ଭକ୍ତ ମାନଙ୍କ ଦୁଃଖ ବୁଝିଥାନ୍ତି।ତାପରେ ମନ୍ଦିର କୁ ଫେରି ନିଶା ରାତି ପୂଜା ପାଇଥାନ୍ତି।

ସକାଳେ ନମୀ ହୋମ ଏବଂ ପୂଜାର୍ଚ୍ଚନା ପରେ ମାଁ ମାହେଶ୍ଵରୀ ଶ୍ରଦ୍ଧାଳୁଙ୍କ ଦୁଃଖ ବୁଝି ତାଙ୍କର ମନୋକାମନା ପୂର୍ଣ୍ଣ କରିଥାନ୍ତି।ଏହି ଯାତ୍ରା ରେ ମହେନ୍ଦ୍ର ମହାକୁର,ବୁଧୁ ଗଡୁଆ,ପାବି ଖେତି,ଡକ୍ଟର ଖେତୀ,ରାଜେନ୍ଦ୍ର କଲତା, କପିଲ ଗଦୁଆ,ବ୍ୟାସଦେବ ବଢେଇ,ଗୋପବନ୍ଧୁ ମହାକୁର,ପିତାମ୍ବର କଣ୍ଟା,ଅରବିନ୍ଦ  ଚାନ୍ଦ, ପରଦେଶୀ ଦେହେରି ପ୍ରମୁଖ ସକ୍ରିୟ ଅଂଶ ଗ୍ରହଣ କରି ମାଁ ଙ୍କ ପୂଜା ଆନନ୍ଦ ଉଲ୍ଲାସ ର ସହ ସମାପନ କରିଥାନ୍ତି।