11-Oct-2024

ବରଗଡ଼:(ନିରଞ୍ଜନ ତ୍ରିପାଠୀ-ବରଗଡ଼ ଜିଲ୍ଲା ବରପାଲି  ଜଗନ୍ନାଥନଗର ଠାରେ ଆୟୋଜିତ ହେଉଥିବା ୪୯ତମ ଦୁର୍ଗାପୂଜା ଅବସରରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ଏକ କବି ସମ୍ମିଳନୀ ଅନୁଷ୍ଠିତ ହେଇଯାଇଛି l ପଶ୍ଚିମଓଡିଶାର ଜଣାଶୁଣା ଚର୍ଚ୍ଚିତ ବିପ୍ଲବୀ କବି ନୀତିଶ ଆଚାର୍ଯ୍ୟ, ବ୍ୟଙ୍ଗ କବି ଦେବେନ୍ଦ୍ର ସାହୁ, ୟୁବକବି ମନୋରଞ୍ଜନ ଲୁହା ଏବଂ ହାସ୍ୟ ରତ୍ନ ଶିଶିର ପୁରୋହିତ ଏହି କାର୍ଯ୍ୟକ୍ରମ ଯୋଗଦେଇଥିଲେ l ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ ମୁଖ୍ୟ ଅତିଥି ବରଗଡ ସବ କଲେକ୍ଟର ଶ୍ରୀ ପ୍ରସନ୍ନ ପାଣ୍ଡେ l ସମ୍ମାନିତ ଅତିଥି ରୂପେ ଯୋଗ ଦେଇଥିଲେ ବରଗଡ ତହସିଲଦାର ସୁଧୀର ନନ୍ଦ ଏବଂ ବରପାଲି ତହସିଲଦାର ରୁକ୍ମଣ ମେହେର l କବି ମାନେ ବିଭିନ୍ନ ସମସ୍ୟା ଅତି ସୁନ୍ଦର ଭାବରେ କଟାକ୍ଷ ପୂର୍ବକ ହାସ୍ୟ ବ୍ୟଙ୍ଗ ର ପ୍ରୟୋଗ ପୂର୍ବକ ସମାଜସଂସ୍କାର ମୂଳକ  କବିତା ସବୁ ପରିବେଷଣ କରିଥିଲେ ଏବଂ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକ ଏହାକୁ ମନଭରି ଉପଭୋଗ କରିଥିଲେ l କବି ମାନଙ୍କୁ ପୂଜା କମିଟି ତରଫରୁ  ମୁଖ୍ୟ ଅତିଥି ବରଗଡ ସବକଲେକ୍ଟର ମହୋଦୟ ମାନ ପତ୍ର ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ l ଶେଷରେ ପୂଜାକମିଟି ର ସଭାପତି ପ୍ରଦ୍ୟୁମ୍ନ ତ୍ରିପାଠୀ ଧନ୍ୟବାଦ ଜ୍ଞାପନ କରିଥିଲେ l କାର୍ଯ୍ୟକ୍ରମରେ କମିଟି କାର୍ଯ୍ୟକାରୀ ସଭାପତି ରୋହିତ ବଢ଼ଲର ଉପସଭାପତି ଭୈରବ ମେହେର, ସମ୍ପାଦକ ସୁଜିତ୍ ଥାଇତ, କୋଷାଧ୍ୟକ୍ଷ ଜିତେନ୍ଦ୍ର ଅଗ୍ରୱାଲ, ସଞ୍ଜୟ ଅଗ୍ରୱାଲ, ବିଷ୍ଣୁ ଅଗ୍ରୱାଲ,କିଶୋର କୁଷ୍ଠା ଏବଂ ଯାତ୍ରା  କମିଟି ର ସମସ୍ତ ସଭ୍ୟ ଉପସ୍ଥିତ ଥିଲେ