10-Oct-2024

ବଲାଙ୍ଗୀର(ପ୍ରେରଣା ଖବର): ଆଜି  ପବିତ୍ର ମହାଷ୍ଟମୀ। ମାଁ ସିଂହବାହିନୀ ପୂଜାରେ ସହର ବଜାର ଉଠୁଛି ପଡୁଛି । ଶାରଦୀୟ ଦୁର୍ଗା ପୂଜା ଅବସରରେ ପ୍ରତ୍ୟେକ ବର୍ଷ ଭଳି ଏବର୍ଷ ମଧ୍ୟ ପୂର୍ବତନ ମନ୍ତ୍ରୀ ତଥା ବିଧାୟକ ନରସିଂହ ମିଶ୍ର ବଲାଙ୍ଗୀର ସହରର ବିଭିନ୍ନ ପୂଜା ମଣ୍ଡପ ବୁଲି ଦେବୀ ମା ଙ୍କ ଦର୍ଶନ କରିବା ସହ ବଲାଙ୍ଗୀରର ବିକାଶ ଯେପରି ତ୍ୱରାନ୍ୱିତ ହେବ ଏବଂ ସହରରେ ଯେପରି ଶାନ୍ତି ମୈତ୍ରୀ ପ୍ରଗତି ଓ ସଦଭାବନା ବଳବତ୍ତର ରହିବା ପାଇଁ ମା ଙ୍କ ଆଶୀର୍ବାଦ ଲୋଡିଥିଲେ ଏବଂ ବଲାଙ୍ଗୀର ଜନସାଧାରଣଙ୍କ ମଙ୍ଗଳ କାମନା କରିଥିଲେ ଶ୍ରୀ ମିଶ୍ର। ସହରର ବିଭିନ୍ନ ପୂଜା ମଣ୍ଡପର ଆକର୍ଷଣୀୟ ମେଢ଼ ତଥା 

ସାଜସଜ୍ଜାକୁ ଶ୍ରୀ ମିଶ୍ର ଭୁରିଭୂରି ପ୍ରଶଂସା କରିଥିଲେ। ଶ୍ରୀ ମିଶ୍ର ନିଜ ବକ୍ତବ୍ୟରେ ବଲାଙ୍ଗୀର ଏକ ସଂସ୍କୃତି, ପରମ୍ପରା ଓ ଐତିହ୍ୟ ସମ୍ପନ୍ନ ସହର ଆଉ ବଲାଙ୍ଗୀରର ବିକାଶ ଯେପରି ନିରନ୍ତର ଓ ତ୍ୱରାନ୍ୱିତ ହୋଇପାରିବ ସେ ଦିଗରେ ଦଳମତ ନିର୍ବିଶେଷ ରେ ସହଯୋଗ କରିବାକୁ ନିବେଦନ କରିଥିଲେ। ଆଜିର ଏହି କାର୍ଯ୍ୟକ୍ରମ  ଅବସରରେ ଶ୍ରୀ ମିଶ୍ର ମାଲପଡା ମେଟକାନି ମନ୍ଦିର,  ରେଲୱେ ଷ୍ଟେସନ,  

ରିଜର୍ଭ ପୋଲିସ,ତୁଳସୀନଗର,ପେଲେସ ଲାଇନ,ରାଜେନ୍ଦ୍ର ପଡା କଲେଜ ଛକ, ଶାନ୍ତିପଡା, ଠିକାଦାର ପଡା ଏବଂ ଖୁଜେନ ପାଲିରେ ଦେବୀ ମା ଙ୍କ ବିଭିନ୍ନ ପୂଜାମଣ୍ଡପ ଦର୍ଶନ କଲେ l ଆଜିର ଏହି ଗସ୍ତ କାର୍ଯ୍ୟକ୍ରମରେ ଶ୍ରୀ ମିଶ୍ରଙ୍କ ସହ ବରିଷ୍ଠ କଂଗ୍ରେସ ନେତା ବୁଲୁ ଦାନୀ, ଅନନ୍ତ ବେହେରା, ଅଙ୍କିତ ସାହୁ ଲୋପନ ମିଶ୍ରଙ୍କ ସହ ଅନ୍ୟମାନେ ଉପସ୍ଥିତ ଥିଲେ l