01-Oct-2024

ଭୁବନେଶ୍ୱର, ତା ୦୧/୧୦ ( ପ୍ରେରଣା ଖବର ):  ରକ୍ତଦାନର ଅର୍ଥ ଜୀବନର ଦାନ। ଏଣୁ ରକ୍ତର ଅଭାବ ନ ଦେଖାଯିବା ପାଇଁ ସ୍ବେଛାକୃତ ରକ୍ତଦାନ କରିବା ପାଇଁ ଭାରତୀୟ ରେଡ଼କ୍ରସ୍ ସୋସାଇଟି, ଓଡ଼ିଶା ରାଜ୍ୟ ଶାଖା ଦ୍ୱାରା ଭୁବନେଶ୍ଵର ରେଡ କ୍ରସ ଭବନ ଠାରେ ଜାତୀୟ ସ୍ବେଚ୍ଛାକୃତ ରକ୍ତଦାନ ଦିବସ ପାଳିତ ହୋଇଯାଇଛି। ଏହି ଦିବସ ଅବସରରେ ଜଗତସିଂହପୁର ଜିଲ୍ଲାର ବାଲିକୁଦା ବ୍ଳକ ଅନ୍ତର୍ଗତ କୃଷ୍ଣଦାସପୁର ସ୍ଥିତ ବାଲୁଙ୍କେଶ୍ୱର ସରକାରୀ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ତଥା ରେଡକ୍ରସ୍ କାଉନସିଲର ଶ୍ରୀଯୁକ୍ତ ନିରଞ୍ଜନ ବିଶ୍ୱାଳ ରାଜ୍ୟ ସ୍ତରୀୟ ବ୍ଲଡ ହିରୋ ସମ୍ମାନରେ ସମ୍ମାନିତ କରାଯାଇଛି। ଶିକ୍ଷକ ନିରଞ୍ଜନ ବିଶ୍ୱାଳ ବିଦ୍ୟାଳୟରେ ପାଠ ପଢ଼ାଇବା ସହିତ ବହୁତ ସମାଜସେବା କାର୍ଯ୍ୟ କରିଥାନ୍ତି। ଗୋଟିଏ ବର୍ଷ ଭିତରେ ଚାରି ଥର ରକ୍ତ ଦାନ କରି ସେ ରେଡକ୍ରସ୍ ସଚିବ ବିଭୂତି ଭୂଷଣ ପଟ୍ଟନାୟକଙ୍କ ଠାରୁ ଏହି ରାଜ୍ୟ ସ୍ତରୀୟ ସମ୍ମାନରେ ସମ୍ମାନିତ ହୋଇଛନ୍ତି। ଏହି ସମାରୋହରେ ମୂଖ୍ୟ ଅତିଥି ଭାବରେ କମିଶନରେଟ୍ ପୋଲିସ ଅଧିକାରୀ ଲଳିତେନ୍ଦୁ ମହାନ୍ତି ଯୋଗ ଦେଇଥିବା ବେଳେ ଡ.ଦେବିପ୍ରସାଦ ରଥ, ବ୍ଲଡ ବ୍ୟାଙ୍କ୍ ଅଫିସର ଡ.ପ୍ରଦୀପ କୁମାର ମହାରଣା, ସମ୍ ହସ୍ପିଟାଲ ମେଡିକାଲ ଅଫିସର ଡ.ଗିରିଜା ନନ୍ଦିନୀ କାନୁନଗୋ, ବାଗଚି କ୍ୟାନ୍ସର ହସ୍ପିଟାଲର ମେଡ଼ିକାଲ ଅଫିସର ଡ.ସନ୍ତୋଷ କୁମାର ମିଶ୍ର ସମ୍ମାନୀୟ ଅତିଥି ଭାବେ ଯୋଗ ଦେଇଥିଲେ। ୟାଇ ଆର୍ ସିଓ ରମେଶ ଚନ୍ଦ୍ର ବେହେରା ଏବଂ ଜେ ଆର୍ ସି ଓ ଲକ୍ଷ୍ମଣ ସ୍ବାଇଁ ମଞ୍ଚ ପରିଚାଳନା କରିଥିଲେ। ଏଥିପାଇଁ  ଜିଲ୍ଲା ଶିକ୍ଷାଧିକାରୀ ଶ୍ରୀଯୁକ୍ତ ନିରଞ୍ଜନ ବେହେରା ,ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ତପନ ଜେନା,ଜିଲ୍ଲା ରେଡକ୍ରସ୍ ଅଧିକାରୀ ଶ୍ରୀଯୁକ୍ତ ତ୍ରିଲୋଚନ ସାହୁ, ରାଜ୍ୟ ପୁରସ୍କାର ପ୍ରାପ୍ତ ସମାଜସେବୀ ରାମ ନାରାୟଣ ଦାଶ, ବୁଦ୍ଧିଜୀବୀ ଏବଂ ପରିବାରବର୍ଗ  ଶ୍ରୀବିଶ୍ୱାଳକୁ ଶୁଭେଚ୍ଛା  ଜଣାଇଛନ୍ତି ।