22-Sep-2024

ବରଗଡ଼/ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ୱାର୍ଡ ନଂ ୯/୧୦ରେ ଠିପି ଖୋଲା ମଦ ବାର୍ ଚାଷୀଙ୍କ ବିଲ କୁ ଯାଉଥିବା କେନାଲ ପାଣି ଉପରକୁ ଠିପି ଖୋଲା ମଦ ବାର୍ ସକାଳ ରୁ ରାତି ଯାଏଁ ଦୋକାନରେ ମଦ ବିକ୍ରି କରି ଖାଲି ବୋତଲ ଓ ଆବର୍ଜନାକୁ କେନାଲ ଫିଙ୍ଗି ଦେଇଥିବା ଏକ ବଡ ଅପରାଧ ବୋଲି ଚାଷୀ ମାନେ ଦୀର୍ଘ ଦିନରୁ ଅଭିଯୋଗ କରିଆସୁଥିଲେ ହେଁ କେହି ଶୁଣିବାକୁ ନାହାନ୍ତି ବୋଲି ଚାଷୀ କହିବା ସହ ଏପରିକି ଚାଷୀ ମାନେ

ବିଲକୁ ପାଣି ପହଞ୍ଚି ନପାରି ବାରୁ ଫସଲ ନଷ୍ଟ ହେଉଛି।ଚାଷୀ ମାନେ ଆଜି ସାମାନ୍ୟ ନଜର ପକେଇ ଥିବା ବେଳେ କେନାଲ ପାଣି ଅନ୍ୟ ପଟକୁ ଚାଲି ଯାଇ ବିଲ କୁ ପାଣି ପହଞ୍ଚି ପାରୁ ନଥିବା ଦେଖିବାକୁ ପାଇଥିଲେ।ଏହାକୁ ସଫା କରିବା ଚାଷୀ ମାନେ ଆଜି ଏକତ୍ରିତ ହୋଇ ସଫା କରିବା ପାଇଁ ପ୍ରୟାସ କରି ଥିଲେ।ହେଲେ ପ୍ରବଳ ମାତ୍ରାରେ ଭଙ୍ଗା ଦଦରା କାଚ ବୋତଲ,ଅଳିଆ ଆବର୍ଜନା ଗୁଡ଼ିକ ପଡ଼ି ରହି ବିପଦ କୁ ଆମନ୍ତ୍ରଣ କରୁଥିବା ଯୋଗୁଁ ଲୋକଙ୍କ ପାଇଁ କାଳ ସାଜିବା ସହ ସଫେଇ କାର୍ଯ୍ୟ ହୋଇ ପାରିନଥିଲା।ଯାହାକୁ ନେଇ ଧୀରେ ଧୀରେ ଚାଷୀ ମହଲ ରେ ଉତ୍ତେଜନା ସୃଷ୍ଟି ହୋଇ ଠିପି ଖୋଲା

ମଦ ବାର୍ କୁ ଘେରି ବାର୍ ମାଲିକ ଙ୍କ ସହିତ ଯୁକ୍ତି ତର୍କ ହୋଇଥିଲା ।
 ଏହି ଆବର୍ଜନା ପାଣି ଦ୍ଵାରା ଚାଷ ନଷ୍ଟ ହେବା ସହ ଲାଦର ପାଲି ଗ୍ରାମରେ ବ୍ୟବହାର ହେଉଥିବା ପୋଖରୀ ନଷ୍ଟ ହେବାକୁ ବସିଲାଣି। ଏଣୁ ତୁରନ୍ତ ଏହି ବାର୍ କୁ ବନ୍ଦ କରିବା ସହ ଅନ୍ୟ ସ୍ଥାନକୁ ସ୍ଥାନାନ୍ତର କରିବା ପାଇଁ ଚେତାବନୀ ଦେଇ ଥିଲେ।ବାର୍ କର୍ତ୍ତୃପକ୍ଷ ଉତ୍ୟକ୍ତ ଚାଷୀ ଙ୍କୁ ବୁଝାସୁଝା କରିବା ସହ କେନାଲ ରେ ପଡ଼ିଥିବା ବାର୍ ର ମଦ ବୋତଲ ଓ ଆବର୍ଜନା ସଫେଇ କରି ଆଉ ପକାଇବି ନାହିଁ ବୋଲି ପ୍ରତିଶ୍ରୁତି ଦେବା ପରେ ଚାଷୀ ମାନେ ଶାନ୍ତ ହୋଇ ନିଜ ଅଞ୍ଚଳକୁ ଯାଇଥିବା ଶାଖା କେନାଲ ର ସଫେଇ ଆରମ୍ଭ କରିଥିଲେ।ଏହା ବ୍ୟତୀତ କେନାଲ ବିଭାଗ ର କନିଷ୍ଠ ଯନ୍ତ୍ରୀ ଏହି ଖବର ପାଇ ଘଟଣା ସ୍ଥଳକୁ ପହଞ୍ଚି କେନାଲ ପରିଦର୍ଶନ କରିବା ସହ ବାର୍ କର୍ତ୍ତୃପକ୍ଷଙ୍କୁ କଡାକଡି ତାଗିଦ୍ କରିଥିଲେ ଓ କେନାଲ ରେ ମଦ ବୋତଲ ଫିଙ୍ଗିବା ଏକ ନିନ୍ଦନୀୟ ଘଟଣା ବୋଲି ଚାଷୀଙ୍କ ସମ୍ମୁଖରେ ପ୍ରକାଶ କରିଥିଲେ।କାରଣ ଏହି ପାଣିକୁ ଅନେକ ଲୋକ ସ୍ନାନ ଶୌଚ, ପାନୀୟ ଜଳ ଭାବେ ବ୍ୟବହାର କରି ନାହିଁ ନଥିବା ଅସୁବିଧାର ସମ୍ମୁଖିନ ହେଉଥିବା ବେଳେ ଚାଷୀ ବିଲ କୁ ପାଣି ମାଡ଼ି ପାରୁନାହିଁ।ଯାହା ଦ୍ଵାରା ଫସଲ ନଷ୍ଟ ସାଙ୍ଗକୁ ଅନେକ ରୋଗ ରେ ଲୋକେ ପୀଡ଼ିତ ହେଉଥିବା ଉତ୍ୟକ୍ତ ଚାଷୀ ମାନେ ପ୍ରକାଶ କରିଥିଲେ।