16-Sep-2024

ଅତାବିରା/ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ନୂଆଁଦିଲ୍ଲୀ ସ୍ଥିତ ଭାରତ ସ୍କାଉଟ ଗାଇଡ ର ଜାତୀୟ ମୁଖ୍ୟ କାର୍ଯ୍ୟାଳୟରେ  ଦୀର୍ଘ ସାତ ଦିନ ଧରି ଜାତୀୟସ୍ତରୀୟ କାମ୍ୟୁନିଟି ସଙ୍ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏଥିରେ  ଭାରତର ବିଭିନ୍ନ ରାଜ୍ୟରୁ ୧୬ ଜଣ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ  ଓଡ଼ିଶା ରାଜ୍ୟ ଭାରତ ସ୍କାଉଟ୍  ଗାଇଡ ପକ୍ଷରୁ  ଦୁଇଜଣ   ପ୍ରତିନିଧିତ୍ଵ କରିଥିଲେ ।ତନ୍ମଧ୍ୟରୁ ବରଗଡ଼ ଜିଲ୍ଲା ଅତାବିରା ବ୍ଲକ ପଞ୍ଚାୟତ ଉଚ୍ଚ ବିଦ୍ୟାଳୟ ,ଟୋପ ର  ବିଜ୍ଞାନ ଶିକ୍ଷୟତ୍ରୀ, ଗାଇଡ

କ୍ୟାପଟେନ ତଥା ସମାଜ ସେବୀ ପ୍ରକୃତି ବନ୍ଧୁ ଅନସୂୟା୍ ଦେବତା ଯୋଗ ଦେଇ  ସଙ୍ଗୀତ ଶିକ୍ଷା କରି ସେଥିରେ କୃତିତ୍ୱ ଲାଭ କରି   ମାନପତ୍ର  ପ୍ରାପ୍ତ କରିଥିଲେ । । ମାନ୍ୟତା ପ୍ରାପ୍ତ ଭାଷା ଗୁଡ଼ିକୁ  ସମ୍ମାନ ଜଣାଇ  ସଙ୍ଗୀତ ମାଧ୍ୟମରେ ସମସ୍ତ  ଭାରତୀୟ  ଙ୍କ ମଧ୍ୟରେ ବିଶ୍ଵ ଭାତୃତ୍ୱର , ଭିନ୍ନତା ମଧ୍ୟରେ ଏକତାର ବାର୍ତ୍ତା ପହଞ୍ଚାଇବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ରହିଥିଲା ।ଏଥିରେ ହିନ୍ଦୀ, ମରାଠୀ, ମାଲାୟାଲାମ, ଉର୍ଦ୍ଦୁ, ଖାସି, ନେପାଳୀ, ଆସାମୀ, ତେଲୁଗୁ ଆଦି  ଭାଷାରେ କମ୍ୟୁନିଟି ସଙ୍ଗୀତ ଶିକ୍ଷା ଦିଆଯାଇଥିଲା । ଏହି କାର୍ଯ୍ୟକ୍ରମ ର ଉଦଘାଟନୀ ଉତ୍ସବରେ ଭାରତ ସ୍କାଉଟ୍ ଗାଇଡ ର ନିର୍ଦ୍ଦେଶିକା ଦର୍ଶନା ପାଭାସ୍କର ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଉପ ନିର୍ଦ୍ଦେଶକ ଅରୁପ ସରକାର, ଉପ ନିର୍ଦ୍ଦେଶକ  ସ୍କାଉଟ୍  ଅମର ,ବି, ଛେତି, ଉପ ନିର୍ଦ୍ଦେଶକ ଗାଇଡ  ସୁରେଖl  ଶ୍ରୀବାସ୍ତବ, ସହକାରୀ ନିର୍ଦ୍ଦେଶକ ବାବଲୁ  ଗୋସ୍ୱାମୀ, 

ସିଭାଙ୍ଗି   ସକ୍ସେନା  ଓ  କୁମୁଦ ମେହେରା ସମ୍ମାନିତ  ଅତିଥି ଭାବରେ ଯୋଗ ଦେଇ ଏହି କାର୍ଯ୍ୟକ୍ରମକୁ  ଉଦଘାଟନ କରିଥିଲେ । ଉପ ନିର୍ଦ୍ଦେଶକ  ଅରୁପ ସରକାର  ଏହି   ସ୍ବତନ୍ତ୍ର  କାର୍ଯ୍ୟକ୍ରମର ମୁଖ୍ୟ  ଥିଲେ। ତାମିଲନାଡୁର ମିନାକ୍ଷୀ ବିଶ୍ୱନାଥନ, ଉତ୍ତର ପ୍ରଦେଶ ର  ଅଞ୍ଜନି କୁମାର ମିଶ୍ର,  ଏମ୍, ପି ଠାକୁର, ମଧ୍ୟପ୍ରଦେଶର ରେଖା ଭଦୋରିଆ ପ୍ରମୁଖ ସଙ୍ଗୀତ ଶିକ୍ଷା ଦେଇଥିଲେ ।  ଜାତୀୟ ମୁଖ୍ୟ କାର୍ଯ୍ୟାଳୟ, ଭାରତ  ସ୍କାଉଟ୍ ଗାଇଡ ର ସମସ୍ତ କର୍ମକର୍ତ୍ତା ଏଥିରେ ସହଯୋଗ କରିଥିଲେ ।