16-Sep-2024

ଫୁଲବାଣୀ ( ଶ୍ରୀ କ୍ଷୀରୋଦ କୁମାର ସାହାଣୀ) ରାଜ୍ୟରେ ଗତ ସାଧାରଣ ନିର୍ବାଚନ ସମୟରେ ଭାରତୀୟ ଜନତା ପାର୍ଟି ନିର୍ବାଚନ ପ୍ରତିଶୃତି ଅନୁଯାଇ ପ୍ରଥମ କରି ମହିଳା ମାନଙ୍କ ବିକାଶ ତଥା ମହିଳା ଭୋଟ ବ୍ୟାଙ୍କ କୁ ହାତ ମୁଠାରେ ରଖିବା ପାଇଁ ସୁଭଦ୍ରା ଯୋଜନା ମଧ୍ୟରେ ପାଞ୍ଚ ବର୍ଷରେ 50 ହଜାର ଟଙ୍କା ଦେବାପାଇଁ ନିଷ୍ପତ୍ତି ନେଇଛନ୍ତି |  ବର୍ଷକୁ ଦୁଇଟି କିସ୍ତିରେ ମହିଳା ମାନଙ୍କ ଜମା ଖାତାକୁ ସୁଭଦ୍ରା ଯୋଜନା ଟଙ୍କା ଜୀବ ବୋଲି ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରତିଭା ପରିଡା ଘୋଷଣା କରିଛନ୍ତି  |  ଏବଂ ଆସନ୍ତାକାଲି ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ଦାମୋଦର ଦାସ ମୋଦି ଜିଙ୍କ ଜନ୍ମଦିନ ରେ ଭୁବନେଶ୍ୱର ରେ ସୁଭଦ୍ରା ଯୋଜନା ର ଶୁଭାରମ୍ଭ କରିବେ ସ୍ୱୟଂ ନିଜେ ପ୍ରଧାନମନ୍ତ୍ରୀ ମୋଦିଜୀ, ସେଇଥିପାଇଁ ରାଜ୍ୟସରକାର ଙ୍କ ତରଫରୁ ସମସ୍ତ ପ୍ରକାର କାର୍ଯ୍ୟକ୍ରମ ପ୍ରସ୍ତୁତ କରାଯାଇ ସାରିଥିବା ଜଣାପଡିଛି | ଓଡିଶା ବାସୀଙ୍କୁ ପ୍ରଧାନମନ୍ତ୍ରୀ ଙ୍କ ଜନ୍ମଦିନ ରେ ରାଜ୍ୟରେ ମୋହନ ସରକାର ଙ୍କର ପ୍ରଥମ ଭେଟି ଭାବେ ସୁଭଦ୍ରା ଯୋଜନା ଅର୍ଥ 5000 ଟଙ୍କା ଲେଖାଏଁ ପ୍ରଦାନ କରାଯିବ ବୋଲି ସରକାର ସମସ୍ତ ପ୍ରସ୍ତୁତି ଶେଷ କରିଛି | 
          ପ୍ରଥମ କିସ୍ତି ସୁଭଦ୍ରା ଯୋଜନା ଅର୍ଥ ପାଇବା ପାଇଁ କନ୍ଧମାଳ ଜିଲ୍ଲାରେ ମହିଳା ମାନଙ୍କ ମଧ୍ୟରେ ଏକ ପ୍ରକାର ନୂତନ ଉତ୍ସାହ ଦେଖିବାକୁ ମିଳୁଛି | ବର୍ତ୍ତମାନ ସୁଦ୍ଧା କନ୍ଧମାଳ ଜିଲ୍ଲାର 12 ଗୋଟି ବ୍ଲକ ଓ ଗୋଟିଏ ମୁନିସିପାଲିଟି ଓ ଦୁଇଟି ଏନ ଏ ସି ରେ ଆଜି ସୁଦ୍ଧା ମାତ୍ର 142917 ଜଣ ମହିଳା ଆବେଦନ କରିପାରିଥିବା ସୂଚନା ମିଳିଛି |  ବାଲିଗୁଡା 11571 ଜଣ,ଚକାପାଦ 9953 ଜଣ,ଦାରିଙ୍ଗବାଡି 23590 ଜଣ,ଜି ଉଦୟଗିରି 5400 ଜଣ, କ ନୂଆଗାଁ 12343 ଜଣ, ଖଜୁରୀପଡା 11471 ଜଣ, କୋଟଗଡ଼ 8063 ଜଣ, ଫିରିଙ୍ଗିଆ 15073 ଜଣ, ଫୁଲବାଣୀ 8274 ଜଣ, ରାଇକିଆ 10277 ଜଣ, ଟିକାବାଲି 8621 ଜଣ, ତୁମୁଡିବନ୍ଧ 8478 ଜଣ ଆବେଦନ କରିଥିବା ବେଳେ ବାଲିଗୁଡା ଏନଏସି ରେ 3675 ଜଣ, ଜି ଉଦୟଗିରି ଏନଏସି ରେ 1568 ଜଣ ଓ ଫୁଲବାଣୀ ମୁନିସିପାଲିଟି ରେ  4560 ଜଣ ଆବେଦନ କରିପାରିଥିବା ଖବର ମିଳିଛି | ରାଜ୍ୟ ସରକାର ଙ୍କ ପ୍ରସ୍ତୁତି ପ୍ରକାରେ କନ୍ଧମାଳ ଜିଲ୍ଲାର 142917ଜଣ ମହିଳା ପ୍ରଥମ କିସ୍ତି  ସୁଭଦ୍ରା ଯୋଜନା ଅର୍ଥ ପାଇପାରିବେ ବୋଲି ସରକାରୀ ସୂତ୍ରରେ ଆକଳନ କରାଯାଇଛି | କନ୍ଧମାଳ ଜିଲ୍ଲାରେ ଜିଲ୍ଲାପାଳ ଶ୍ରୀ ଅମୃତ ଋତୁରାଜ ସୁଭଦ୍ରା ଯୋଜନା ଶୁଭାରମ୍ଭ କାର୍ଯ୍ୟକ୍ରମ ଭରଚୁଆଲ ମାଧ୍ୟମରେ ମାନ୍ୟବର ପ୍ରଧାନମନ୍ତ୍ରୀ ମୋଦିଜୀ ଙ୍କର ଉଦଘାଟନ କାର୍ଯ୍ୟକ୍ରମ ରେ ଜନସାଧାରଣ ଅଂଶ ଗ୍ରହଣ କରିବାପାଇଁ ପ୍ରସ୍ତୁତି କରିଥିବା ଦେଖିବାକୁ ମିଳିଛି | ଦେଖାଯାଉ ଆସନ୍ତାକାଲି କନ୍ଧମାଳ ଜିଲ୍ଲାର ଆବେଦନ କରିଥିବା 142917 ଜଣ ମହିଳା ମାନଙ୍କ ମଧ୍ୟରୁ କେତେଜଣ ମହିଳାଙ୍କ ଜମା ଖାତାକୁ ଦେବୀ ସୁଭଦ୍ରା ପ୍ରବେଶ କରୁଛନ୍ତି ତାହା ଆଗାମୀ ଦିନରେ ଦେଖିବାକୁ ମିଳିବ |