14-Aug-2024

ତରଭା(କପିଳାସ ସେଠ)କୋଶଲିଭାଷା କୁ ସାମ୍ବାଧାନିକ ସ୍ୱୀକୃତି ମାନ୍ୟତା ଦାବୀ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଉଦେଶ୍ୟରେ ତରଭା ବିଡ଼ିଓ ଅନିଲ କୁଳୁ ଙ୍କ ମାଧ୍ୟମରେ  ଏକ ଦାବୀ ପତ୍ର ବୁଧୁବାର  ପ୍ରଦାନ କରାଯାଇଛି I  କୋଶଳ ସାହିତ୍ୟ ଏକାଡେମୀପକ୍ଷରୁ ରାଜ୍ୟ ସଭାପତି ଦେବେନ୍ଦ୍ର କୁମାର ନାଏକ ଙ୍କ ନେତୃତ୍ୱ ରେ ବୁଧୁବାର ପାଟମେଶ୍ବରୀ ମନ୍ଦିର ସମ୍ମୁଖ ରୁ କୋଶଲି ସଲଟନ(ଶୋଭାଯାତ୍ରା ) ବାହାରି ରଥପଡା, ମେହେର ପଡ଼ା, ସୁନାରି ପଡ଼ା,ମାରୱାଡି ପଡ଼ା, ଥାନା ସମ୍ମୁଖ, ଦୂର୍ଗାମଣ୍ଡପ ଛକ, ବ୍ଲକ ସମୁଖରେ କୋଶଳ ଭାଷାକୁ ସାମ୍ବାଧାନିକ ସ୍ୱୀକୃତି  ପ୍ରଦାନ ଓ କୋଶଳ ସାହିତ୍ୟ ପ୍ରଚାର ନେଇ ପଥ ପ୍ରାନ୍ତ ସଭା କରାଯାଇଥିଲା I ଦୂଲଦୁଲି ବାଦ୍ୟ ସହ ଶୋଭାଯାତ୍ରା କାରିଦଳ ବ୍ଲକସମ୍ମୁଖରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଉଦେଶ୍ୟ ରେ ବିଡ଼ିଓ ଙ୍କୁ କୋସଲି ଭାଷା କୁ ସାମ୍ବିଧାନିକ ସ୍ୱୀକୃତି ନିମନ୍ତେ 
ଦାବୀ ପତ୍ର ପ୍ରଦାନ କରାଯାଇଥିଲା  I ଦାବିପତ୍ର ପ୍ରଦାନ ସମୟରେ ଏକାଡେମୀ ସମ୍ପାଦକ ରାଜେନ୍ଦ୍ର ଝାଙ୍କର, ଙ୍କ ସହ ରୋଶନ ସାହୁ, ଗରିବ ମଲ୍ଲିକ,ଶୃତିମୟୀ ସାହୁ, ପ୍ରିୟଦର୍ଶିନୀ ଜେନା,ଫଲଶାଫୁଲର ସମ୍ପାଦକ ପ୍ରଭାତ ଖମାରୀ,ମାହେଶ୍ୱରୀ ସଂଗଠନ ର ସଭାପତି ପ୍ରଦୀପ ମେହେର, ବୁବୁନ ରଣା, ମାନ ସାହୁ ସଂଗଠନ ର କର୍ମ କର୍ତ୍ତା,  ସାମ୍ବାଦିକ କପିଳାସ ସେଠ୍, ଅନ୍ତର୍ଯ୍ୟାମୀ ସାହୁ, କଲ୍ୟାଣ ନାଏକ, ମାନଭଞ୍ଜନ ମିଶ୍ର, ସୁକାନ୍ତ ମିଶ୍ରଙ୍କ ସମେତ ପଚାଶରୁ ଉର୍ଦ୍ଧ୍ବ କୋଶଳ ପ୍ରେମୀ ଅଂଶଗ୍ରହଣ କରିଥିଲେ। କୋସଲୀ ଭାଷାକୁ ସାମ୍ବିଧାନିକ ସ୍ବୀକୃତି ନିମନ୍ତେବିଭିନ୍ନ ନାରା ଦିଆଯାଇଥିଲା I  ଏହି ଦାବୀ ପତ୍ର ପ୍ରଶାସନ ପକ୍ଷରୁ ପ୍ରଧାନମନ୍ତ୍ରୀ ଙ୍କ ପାଖ କୁ ଶୀଘ୍ର ପଠାଇ ଦେବୁ ବୋଲି  ବିଡ଼ିଓ ସୂଚନା ଦେଇଥିଲେ   I