11-Aug-2024

ବଲାଙ୍ଗୀର , ତା. ୧୧/୮ ( ପ୍ରେରଣା ଖବର  )  : ବିଦ୍ୟାଳୟ ସ୍ତରରେ ଛାତ୍ରଛାତ୍ରୀଙ୍କ ସୁରକ୍ଷା ଓ ନିରାପତ୍ତା ବ୍ୟବସ୍ଥା, ଅନଲାଇନ୍ ଏକଟିଭିଟିରେ ସତର୍କତା, ସାଇବର ସଚେତନତା, ସ୍ୱଚ୍ଛତା ପକ୍ଷ ପାଳନ, ସୁରଭି କାର୍ଯ୍ୟକ୍ରମ, ୟୁଥ ଓ ଇକୋ କ୍ଲବର କ୍ରିୟାନ୍ୱୟନ, ବୟସ ଅନୁସାରେ ଛାତ୍ରଛାତ୍ରୀଙ୍କ ବିଭିନ୍ନ ଶ୍ରେଣୀରେ ନାମ ଲେଖା, ନିୟମିତ ଶିକ୍ଷା ଗ୍ରହଣ ଓ ସମାପ୍ତି ଭଳି ବିଭିନ୍ନ ଦିଗକୁ ସୁନିଶ୍ଚିତ କରିବା ଉଦ୍ଦେଶ୍ୟରେ  ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ  ଉନ୍ନୀତ ଉଚ୍ଚ ବିଦ୍ୟାଳୟର ଠାରେ ଶିକ୍ଷକ ଓ ଅଭିଭାବକଙ୍କ ଚଳିତ ବର୍ଷର ଦ୍ୱିତୀୟ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଚଣ୍ଡାଳ ମିଶ୍ରଙ୍କ ତତ୍ତ୍ବାବଧାନ କାର୍ଯ୍ୟକ୍ରମରେ ବିଦ୍ୟାଳୟ ପରିଚାଳନା କମିଟିର ସଭାପତି ମହେନ୍ଦ୍ର ରଣା  ଯୋଗଦେଇ ବିଦ୍ୟାଳୟର ବିଭିନ୍ନ କାର୍ଯ୍ୟକ୍ରମରେ ଛାତ୍ରଛାତ୍ରୀ କିଭଳି ଉତ୍କର୍ଷତା ଲାଭ କରିବେ ସେ ଦିଗରେ ମାର୍ଗଦର୍ଶନ କରିଥିଲେ ।  ବୈଠକରେ ଶିକ୍ଷକ ଶିକ୍ଷୟିତ୍ରୀ ତଥା ଅନ୍ୟ ଅଭିଭାବକଗଣ ଶିକ୍ଷା, ଶିକ୍ଷାୟତନ, ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକ ସମସ୍ତେ ପରିପୂରକ ଏବଂ ମିଳିତ ଭାବେ ବିକାଶ ଦିଗରେ କାର୍ଯ୍ୟ କରିବାକୁ ଗୁରୁତ୍ୱାରୋପ କରିଥିଲେ । କାର୍ଯ୍ୟକ୍ରମରେ ଶିକ୍ଷୟୀତ୍ରୀ
ରେଣୁକା ସାହୁ, ଗାୟତ୍ରୀ ବାରିକ,  ତପସ୍ୱିନୀ ପଟେଲ, କାନ୍ତି ଭୋଇ,  ଶିବାନୀ ମଲ୍ଲିକ, ଶିକ୍ଷକ ଲିଙ୍ଗରାଜ ନନ୍ଦ,  ସମୀର ସେଠି,  ଦୀପକ ସେନ ଧରୁଆ,  ହିମାଂଶୁ ଶେଖର ବିଶ୍ୱାଳ,କୃପାସିନ୍ଧୁ ମିଶ୍ର, ସୁଦର୍ଶନ ଦାଶ, ରାମ ନାରାୟଣ ଦାଶ  , ଅଭିଭାବକ ଗଣ  ଉପସ୍ଥିତ ଥିଲେ । ଶେଷରେ  ବିଦ୍ୟାଳୟର ଜୁନିୟର ଆସିଷ୍ଟେଣ୍ତ  ଅବିନାଶ ଭୋଇ ଧନ୍ୟବାଦ ଅର୍ପଣ କରିଥିଲେ ।