20-Jul-2024

ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଜନତା ସରକାରୀ ଉଚ୍ଚ ବିଦ୍ୟାଳୟ ଭୁକ୍ତା ପରିସରରେ ବିଭିନ୍ନ ପ୍ରକାରର ପ୍ରାକୃତିକ ବିପତ୍ତି ଓ ବିପର୍ଯ୍ୟୟ ତଥା ଅଗ୍ନିକାଣ୍ଡ ଦାଉରୁ ରକ୍ଷା କରିବାର କୌଶଳ ସମ୍ବନ୍ଧୀୟ ଏକ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ବିଦ୍ୟାଳୟର ଶକ୍ତିକ୍ଲବ ଶିକ୍ଷକ ତଥା ଇକୋ କ୍ଲବ୍ ମାଷ୍ଟର ଟ୍ରେନର ଶ୍ରୀଯୁକ୍ତ ସଞ୍ଜୟ ଖମାରୀଙ୍କ ସଂଯୋଜନା କ୍ରମେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଦୁର୍ଗାପ୍ରସାଦ

ନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସ୍ଥାନୀୟ ସହ ଗୋଷ୍ଠୀ ଶିକ୍ଷା ଅଧିକାରୀ ମୋହନ ଚରଣ ମହାନ୍ତ ମୁଖ୍ୟ ଅତିଥି ଭାବରେ ଯୋଗଦେଇ ଆନୁଷ୍ଠାନିକ ଭାବରେ ଏହାକୁ ଉଦଘାଟନ କରିଥିଲେ।ସ୍ଥାନୀୟ ଅଗ୍ନିଶମ ବିଭାଗ କାର୍ଯ୍ୟାଳୟ ଅମ୍ବାଭୋନାର ମୁଖ୍ୟ ଆଗ୍ନିକ ଶ୍ରୀଯୁକ୍ତ ମାଇକେଲ୍ କେରକେଟା ଏବଂ ଦିଲ୍ଲୀପ ଦାସ, ଆଗ୍ନିକ ଗାଡ଼ି ଚାଳକ ଜୋହାନ ପିଙ୍ଗ , ଆଗ୍ନିକ ନିର୍ମଳ ଭୋଇ, ଅନିଲ କୁମାର ସାହୁ,ସୁରେନ୍ଦ୍ର ବାରିକ, ,ସମୀର ବାଗ ଏବଂ ଈଶ୍ୱର କୁଜୁର ଯୋଗ ଦେଇ ବିଭିନ୍ନ ପ୍ରକାରର ପ୍ରାକୃତିକ ବିପତ୍ତି ଓ ବିପର୍ଯ୍ୟୟ ତଥା ଅଗ୍ନିକାଣ୍ଡ ଯୋଗୁଁ ସୃଷ୍ଟି ହେଉଥିବା ସମସ୍ୟା ସଂପର୍କରେ ସଚେତନ କରିବା ସହିତ ଅଗ୍ନି ନିରୋଧକ ଉପକରଣ ବ୍ୟବହାର କରି ନିଆଁ ଦାଉରୁ କିପରି ନିଜକୁ ରକ୍ଷା କରିହେବ ସେ ସମ୍ପର୍କିତ କୌଶଳ ପ୍ରଦର୍ଶନ କରିଥିଲେ।ବିଭିନ୍ନ ଅଗ୍ନି ନିରୋଧକ  ପଦାର୍ଥ ବିଷୟରେ ଧାରଣା ପ୍ରଦାନ କରିବା ସହିତ ଅଗ୍ନିକାଣ୍ଡ ଯୋଗୁଁ ଯେପରି ବିଶେଷ କ୍ଷୟକ୍ଷତି ନ ହେବ ଏବଂ  ନିଜକୁ ସୁରକ୍ଷିତ ରଖିବା ପାଇଁ ଯେଉଁସବୁ ପଦକ୍ଷେପ ଗ୍ରହଣ କରିହେବ ସେଥିନିମନ୍ତେ ସଚେତନ କରିଥିଲେ ।ବନ୍ୟା, ବାତ୍ୟା, ଭୂମିକମ୍ପ ଓ ଅଗ୍ନିକାଣ୍ଡ ପରି ପ୍ରାକୃତିକ ବିପତ୍ତି ଓ ବିପର୍ଯ୍ୟୟ ସମୟରେ ଉପଯୁକ୍ତ ପରିଚାଳନା ଓ ସଚେତନତା ହିଁ କେବଳ କ୍ଷୟକ୍ଷତିରୁ ରକ୍ଷା କରିବ ବୋଲି ମତବ୍ୟକ୍ତ କରିବା ସହିତ ସେଥିନିମନ୍ତେ ସଚେତନ କରିବା ପାଇଁ ମକ୍ ଡ୍ରିଲ୍ ପ୍ରଦର୍ଶନ କରିଥିଲେ। ବନ୍ୟା ବାତ୍ୟା ଭୂମିକମ୍ପ ଆଦି ପ୍ରାକୃତିକ ବିପତ୍ତି ସମୟରେ ଏବଂ କୌଣସି ସ୍ଥାନରେ ଅଗ୍ନିକାଣ୍ଡ ଘଟିଲେ ଅଗ୍ନିଶମ ବିଭାଗକୁ ତୁରନ୍ତ ଜଣାଇବା ପାଇଁ ଉପସ୍ଥିତ ଅଗ୍ନିଶମ ବିଭାଗର କର୍ମଚାରୀମାନେ ସମସ୍ତଙ୍କୁ ପରାମର୍ଶ ଦେଇଥିଲେ ।ମୁଖ୍ୟ ଅତିଥି ଶ୍ରୀଯୁକ୍ତ ମହାନ୍ତ ଛାତ୍ରଛାତ୍ରୀମାନଙ୍କୁ ପ୍ରାକୃତିକ

ବିପର୍ଯ୍ୟୟ ସମୟରେ ରକ୍ଷା କରିବାର ଉପାୟ ଏବଂ ନିଆଁଲିଭା କୌଶଳ ସମ୍ବନ୍ଧୀୟ ଶିକ୍ଷା ଲାଭ କରିବା ପାଇଁ ଉତ୍ସାହିତ କରିଥିଲେ।ଏଥିରେ ବିଦ୍ୟାଳୟର ଶକ୍ତି କ୍ଲବ୍, ବୀର ସୁରେନ୍ଦ୍ର ସାଏ ଇକୋ କ୍ଲବ ତଥା ଜୁନିଅର୍ ରେଡ୍ କ୍ରସ ଏବଂ ନେତାଜୀ ସ୍କାଉଟର ସମସ୍ତ ସଦସ୍ୟ ଏବଂ ବିଦ୍ୟାଳୟର କର୍ମଚାରୀ ପ୍ରଶିକ୍ଷଣ ନେଇଥିଲେ। ଶିକ୍ଷକ ସଞ୍ଜୟ ଖମାରୀ,ତେଜରାମ ସା,ଆଶୁତୋଷ ଭୋଇ, ଜ୍ୟୋତିଶ୍ଚନ୍ଦ୍ର ପଧାନ, ଈଶ୍ୱର ପଧାନ, ବୋଧରାମ ବିଶ୍ବାଳ,  ପଦ୍ମଲୋଚନ ବିଶି,ପ୍ରଶାନ୍ତ ମହାପାତ୍ର, ରଂଜିତ ସାହୁ,ଶିକ୍ଷୟିତ୍ରୀ ସୌଦାମିନୀ ବାରିକ ,ଅନୀତା ପଧାନ, ସଙ୍ଗୀତା ସାହୁ , ରୁକୁଣୀ ସେଠ୍ ଯୋଗ ଦେଇ କାର୍ଯ୍ୟକ୍ରମ ପରିଚାଳନାରେ ସକ୍ରିୟ ସହଯୋଗ କରିଥିଲେ।