20-Jul-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଥାନା ଅନ୍ତର୍ଗତ
ଗରିଆମୁଣ୍ଡା ଛକରୁ ଗଞ୍ଜେଇ ଜବତ କରିବା ସହ ଦୁଇ ବେପାରୀ ଙ୍କୁ ଗିରଫ ହୋଇଛନ୍ତି। ସୂଚନା ଅନୁଯାୟୀ ଶନିବାର ସକାଳୁ ସୁବଳୟା ପୁଲିସ କୈାଣସି ସୁତ୍ରରୁ ଖବର ପାଇ ଉକ୍ତ ଛକ ନିକଟରେ ବସକୁ ଅପେକ୍ଷା କରିଥିବା ଦୁଇ ଜଣ ବ୍ୟକ୍ତିଙ୍କୁ ସନ୍ଦେହ କରି ଯାଞ୍ଚ  କରିଥିଲା। ଉଭୟଙ୍କ ବେକରୁ ୪ କିଲୋ ଓ ୨.୭୦୦ କିଲୋ ଗଞ୍ଜେଇ ଜବତ କରିଥିଲା। ଦୁଇ ଗଞ୍ଜେଇ ବେପାରୀ ହେଲେ ଉତ୍ତର ପ୍ରଦେଶରର ଦେବରାଜ ୟ୍ଯାଦବ, ସମ୍ବଲପୁର ଜିଲ୍ଲା ଗୋବିନ୍ଦପୁର ଗ୍ରାମର ଗୈାର ବେହେରା ବୋଲି ଜଣାପଡିଛି। ପୁଲିସ ଉଭୟ ଙ୍କୁ ଗିରଫ କରି ଥାନରେ ୧୭୩/୨୪  ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣାଯାଇଛି। ଏଥିରେ ସୁବଳୟା ଥାନା ଅଧିକାରୀ ସୁଶାନ୍ତ ପ୍ରଧାନ, ଏଏସ୍ଆଇ ଗୈାରହରି ମେହେର ଓ କର୍ମଚାରୀ ସାମିଲ ଥିଲେ।