29-May-2024

ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ପଲସଖଣ୍ଡ ଗ୍ରାମର ନିରାକାର ବେହେରା (୩୧) ନିଖୋଜ ହେବାର ୪ ମାସ ବିତି ଯାଇଥିଲେ ହେଁ ସିନ୍ଧେକେଲା ପୋଲିସର ହାତ ଖାଲି।
ଅଭିଯୋଗ ଅନୁଯାଇ ନିରାକାର ଗତ ୦୪/୧୨/୨୦୨୩ ଦିନ ଠାରୁ ଘରୁ କାମ କରିବାକୁ ବାହାରକୁ ଯାଇ ଆଉ ଫେରି ନ ଥିଲେ। ତେବେ ବହୁ ଖୋଜାଖୋଜି ପରେ ନିରାକାର ର ଖୋଜ ଖବର ନ ମିଲିବାରୁ ୦୯/୦୧/୨୦୨୪ ଦିନ ସିନ୍ଧେକେଲା ଥାନାରେ ଲିଖିତ ଅଭିଯୋଗ କରିଥିଲେ। ଏବଂ ସେହିଦିନଠାରୁ ବାରମ୍ବାର ପରିବାର ବର୍ଗ ସିନ୍ଧେକେଲା ଥାନାକୁ ଯାଇ ପଚରା ଉଚୁରା କରି କରି ଥକି ଯାଇଥିଲେ ହେଁ ଘଟଣା ଘଟିବାର ୫ ମାସ ବିତିଯାଇଥିଲେ ହେଁ ସିନ୍ଧେକେଲା ପୋଲିସର ସ୍ଥାଣୁତା

ନେଇ ଶେଷରେ ନିରାକାର ଙ୍କ ସ୍ତ୍ରୀ କେତକୀ ବେହେରା ବଲାଙ୍ଗୀର ଏସପିଙ୍କ ଦ୍ବାରସ୍ଥ ହୋଇ ନିଜ ସ୍ବାମୀଙ୍କୁ ଖୋଜିବାରେ ସହଯୋଗ କରିବାପାଇଁ ଲିଖିତ ଜଣାଇବା ସହ ନିବେଦନ କରିଛନ୍ତି। 
ଏହି ସମୟରେ ଭୁସଲାଡ ସରପଞ୍ଚ ଦୀପକ କୁମାର ଛୁରା, ଓ୍ବାର୍ଡ ସଭ୍ୟ ମନ୍ଧର ବେହେରା, ସୁରେନ୍ଦ୍ର ବେହେରା, ପୀତବାସ ବେହେରା ନିରୁଦିଷ୍ଟ ନିରାକାର ଙ୍କ ବଡ଼ଭାଇ ତୁଲାରାମ ବେହେରା ପ୍ରମୁଖ ଉପସ୍ଥିତ ଥିଲେ। ତେବେ ଏ ନେଇ ସିନ୍ଧେକେଲା ଆଇଆଇସି ବସନ୍ତ ଦଲାଇ ଙ୍କୁ ପଚାରିବାରୁ ସେ ଖୋଜାଖୋଜି ଚାଳିଛି କାଲି ଆମର ଗୋଟିଏ ଟିମ ଛତିଶଗଡ଼ ମଧ୍ୟ ଯିବାର ଅଛି ବୋଲି କହିଛନ୍ତି।