25-May-2024

ସାଲେଭଟା(ପ୍ରେରଣା ଖବର): ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା) ବ୍ଳକ  ସାଲେଭଟା ଠାରେ ଜିରୋ ସେଡୋ ଡେ ଆଜି  ସୁର୍ଯ୍ୟଙ୍କ  ଶୂନ୍ୟଛାୟା  ବିରଳ ଦୃଶ୍ୟମାନ ହୋଇଛି । ଛୋଟ ବେଳୁ ଆମେଶୁଣି ଆସିଛେ  ଛାଇ ଆମ ପିଛା ଛାଡେନାହିଁ । ସୂର୍ଯ୍ୟର ଆଲୋକ  ଆମ  ଉପରୁ ଭୁପୃଷ୍ଠରେ ପଡି ଛାଇ ସୃଷ୍ଟି ହୁଏ । ଆମ ଗତିକୁ ତାଳଦେଇ ଆମ ସହ ଆଗକୁ ଛାଇ ବଢ଼ିଥାଏ। କିନ୍ତୁ ଏପାରି ଦିନଆସେ ସୂର୍ଯ୍ୟ କିରଣ ଅସ୍ୱଚ୍ଛ ବସ୍ତୁ ଉପରେ ପଡୁଥିଲେ ହେଁ  ଛାୟା କିଛି ସମୟ ପାଇଁ ଅଦୃଶ୍ୟ ହୋଇଯାଏ । ଯାହା ଆମକୁ ଚକିତ କରିଦେଇଥାଏ l ଏହାଏକ ବିରଳ ଦୃଶ୍ୟ । ଡୁଡୁକା ଆଦର୍ଶ ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ର ସ୍ୱପ୍ନେନ୍ଦୁ ପାଢ଼ି ନିଜ ଘରେ  ପରୀକ୍ଷଣ କରିଥିବା ଦେଖାଯାଇଥିଲା ।  ଆଜି ନିଦିଷ୍ଟ ଭାବରେ ସାଲେଭଟା ଠାରେ ଏପରି ଜାଗତିକ ଦୃଶ୍ୟ ଦେଖିବାକୁ ମିଳିଛି । ଏହି ଜାଗତିକ ଦୃଶ୍ୟ ଅକ୍ଷାଶ ଓ ଦ୍ରାଘିମା ଅନୁସାରେ ତାରିଖ ପରିବର୍ତନ ଅନୁ ସାରେ ସ୍ଥାନ ପରିବର୍ତନ ହୋଇଥାଏ l ଆଜି ମେ ମାସ ର୨୫ ତାରିଖ  ରେ ଦିନ ଘ.୧୧.୫୩ ମି. ସମୟରେ,ଏହି ନିଦ୍ଦିଷ୍ଠ ସମୟରେ ଅକ୍ଷ୍ୟାଂଶ ୨୦.୯୭୧ ଓ ଦ୍ରାଘିମା ୮୩.୫୩୭ ଡିଗ୍ରୀ ମଧ୍ୟରେ ଅବସ୍ଥିତ ଥିବା ସାଲେଭଟାରେ  ସୂର୍ଯ୍ୟକିରଣ  କୈାଣସି ଅସ୍ୱଚ୍ଛ ବସ୍ତୁ ଉପରେ ପଡି ଛୟା ସୃଷ୍ଟି କରିବା ଭଳି ସ୍ୱାଭାବିକ ଘଟଣା ଘଟିବ ନାହିଁ। ଏହି ନିଦିଷ୍ଟ ସମୟରେ ସୂର୍ଯ୍ୟ ଓ ପୃଥିବୀ ପୃଷ୍ଠରେ ଥିବା ସାଲେଭଟା ଗ୍ରାମ ୯୦ଂ ରେ ରହିଥିଲା । ବଲାଙ୍ଗିର ସହର ମଧ୍ୟରେ ଗତ ୨୩ ତାରିଖ ଏପରି ଘଟଣା ଘଟିଥିଲା । ବଲାଙ୍ଗିର ରୁ ପ୍ରାୟ ୩୨ କିମ ସଡ଼କ ପଥ ଦୁରତ୍ୱରେ ଥିବା ସାଲେଭଟାରେ ଆଜି ସେହିପରି ଜାଗତିକ ଦୃଶ୍ୟ ଦେଖିବାକୁ ମିଳିଛି । ଏହା ନିର୍ଦ୍ଦିଷ୍ଟ ଗବେଷଣାରୁ ଜାଣା ପଡିଛି । ଏହି ସମୟରେ ବସ୍ତୁଟି ଉପରେ ସୂର୍ଯ୍ୟ ସରଳ ରେଖାରେ ରହିବା ଯୋଗୁଁ ଏହା ଅସ୍ୱଚ୍ଛ ବସ୍ତୁଟିର ଛାୟା ବସ୍ତୁଟି ଅଧିକାର କରିଥିବା କ୍ଷେତ୍ରଫଳ ମଧ୍ୟରେ ଏହିସମୟରେ ସୀମିତ ରହିଯାଇଥଲା । ତେଣୁ ସୂର୍ଯ୍ୟଙ୍କ ଛାଇଟି ବସ୍ତୁଟର  କ୍ଷେତ୍ରଫଳ ମଧ୍ୟରେ ଲୁଚିରହି ଥିବାରୁ ଆମକୁ ଏହି ନିର୍ଦିଷ୍ଟ ସମୟ ସୀମା ମଧ୍ୟରେ ଏହାଦେଖାଯାଇ ପାରିନଥିଲା । ଛାଇଟି ଶୂନ୍ୟତା ମଧ୍ୟରେ ଲୁଚିରହି ବାହାରକୁ ଦେଖାନଯାଇ  ନଥାଏ । ଡୁଡୁକା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ପ୍ରବୀଣ ସାହୁଙ୍କ ପ୍ରେରଣାରେ ଓ ରେଙ୍ଗାଲି ହାଇସ୍କୁଲର ବିଜ୍ଞାନ ଶିକ୍ଷକ ଦିଲିପ କୁମାର ଧଳ ଓ ବକଟି ବଂଶିଧର ସ୍ମାରକୀ ବିଦ୍ୟାଳୟର ଶିକ୍ଷକ ବିଜୟାନନ୍ଦ ପାଢ଼ୀଙ୍କ ପ୍ରତକ୍ଷ ତତ୍ୱାବଧାନରେ ଠିକ ଏହି ସମୟରେ ଆଦର୍ଶ ବିଦ୍ୟାଳୟର ଛାତ୍ର ସ୍ୱପ୍ନେନ୍ଦୁ ପାଢ଼ି ନିଜ ଘରେ ପରୀକ୍ଷଣ କରିବା ପାଇଁ ପୁର୍ବପ୍ରସ୍ତୁତି ଅନୁସାରେ ଇଟା ଓ କେତେକ ଷ୍ଟିଲ , କାଚ ପାଣି ଗ୍ଲାସ  ରଖି ଦିନ ଘ୧୧.୫୦ ମି ରୁ  ନିରିକ୍ଷଣ କରି ଥିବାବେଳେ ଦିନ ଘ.୧୧.୫୩ ମି. ସମୟରେ ଛାଇଟି ଗ୍ଳାସ କ୍ଷେତ୍ରଫଳମଧ୍ୟରେ ଲୁଚି ଯାଇଥିବା ଦେଖାଯାଇଥିଲା ।  ଏହିପରିକ୍ଷଣ ସଂପୁର୍ଣ୍ଣ ଠିକ ହୋଇଥିବାରୁ  ଅନ୍ୟ ଛାତ୍ରଛାତ୍ରୀଙ୍କ ଉଦାହରଣ ହୋଇଥିବାରୁ ସାଧାରଣ ରେ ପ୍ରସଂଶା କରାଯାଇଛି । ସାଲେଭଟା ଅଜିର ଦିନରେ ରେ ହୋଇଥିବାରୁ ଚଳିତ ବର୍ଷ ଆସନ୍ତା ଜୁଲାଇ ମାସ ଘ.୧୨.୦୨ ମିନିଟ ରେ ପୁଣି ଥରେ ଏପରି ଜିରୋ ସେଡୋ ଡେ ବା ସୁର୍ଯ୍ୟଙ୍କ  ଶୁନ୍ୟଛାୟାର  ବିରଳଦୃଶ୍ୟ  ଦୃଶ୍ୟମାନ ହେବା ଆକଳନ କରାଯଇଛି ।    ଅକ୍ଷାଂଶ ୨୦. ୭୨ଡିଗ୍ରୀ  ଓ ଦ୍ରାଘିମା ୮୩.୪୮ ଡିଗ୍ରୀ ମଧ୍ୟରେ ଅବସ୍ଥିତ ଥିବାରୁ ବଲାଙ୍ଗିରସହରରେ ଗତ ୨୩ ତାରିଖ ଦିନ ଘ୧୧.୫୨ମିରେ  ସୂର୍ଯ୍ୟ ସୁନ୍ୟ ଛାୟା ସୃଷ୍ଟି ହୋଇଥିଲା ।  ଏହି ପରିକ୍ଷଣ ଅନୁଶାରେ  ବଲାଙ୍ଗିର ରେ ଆସନ୍ତା ଜୁଲାଇ ୨୦ତାରିଖ ଦିନ  ଘ୧୧.୪୯ମି ରେ ଅନୁଷ୍ଠିତ ହେବ । ସେହିପରି ବୁର୍ଲ୍ଲା ସହରରେ ଚଳିତ ମାସ ୨୮ତାରିଖ ଦିନ ୧୧.୫୨ମି ଏପରି ଜାଗତିକ ଦୃଶ୍ୟ ଦେଖିବାକୁ ମିଳିବ ବୋଲି ଆକଳନ କରାଯାଇଛି । ଏପରି ବୈଜ୍ଞାନୀକ ଚିନ୍ତାଧାରାଥିବା କାରଣ ଗୁଡିକୁ ଛାତ୍ରଛାତ୍ରୀ ମାନଙ୍କ ମଧ୍ୟରେ ସୃଷ୍ଟି କରିବାସହ  ଦାଘିମା ଓ ଅକ୍ଷାଂସ ଜାଣିବା ପାଇଁ ଆଗ୍ରହ ସୃଷ୍ଟିକରିବା ରେ ସହାୟକ ହେବ ବୋଲି ଡୁଡୁକା ଆଦର୍ଶ ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ର ସ୍ୱପ୍ନେନ୍ଦୁ ପାଢ଼ି ପ୍ରକାଶ କରିଛନ୍ତି ।