02-Apr-2024

ବଲାଙ୍ଗିର: ଆଜି ପୂର୍ବାହ୍ନ ୧୧ଟା ରେ ଜିଲ୍ଲା ସାମ୍ବାଦିକ ଭବନ ଠାରେ ଜିଲ୍ଲା ଓବିସି ମଞ୍ଚ ବଲାଙ୍ଗିର ର ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଉପସ୍ଥିତ ସାମ୍ବାଦିକ ବନ୍ଧୁ ମାନଙ୍କୁ ସମ୍ବୋଧନ କରି ପ୍ରେସ ବାର୍ତ୍ତା ରେ ରାଜ୍ୟ ଓବିସି ମଞ୍ଚ ର ସଭାପତି ଶ୍ରୀ ଶଙ୍କର ପାତ୍ର କହିଲେ- ମଣ୍ଡଲ କମିସନ ରିପୋର୍ଟ ଆଧାରରେ କେନ୍ଦ୍ର ସରକାର ସରକାରୀ ଚାକିରୀ ଓ ଶିକ୍ଷା କ୍ଷେତ୍ରରେ ଓବିସି ମାନଙ୍କୁ ୨୭% ସଂରକ୍ଷଣ  ବିଭିନ୍ନ ରାଜ୍ୟ ସରକାର ମାନେ ମଧ୍ୟ ତାକୁ ଅନୁସରଣ କରୁଛନ୍ତି। କିନ୍ତୁ ଓଡ଼ିଶା ରେ ଓବିସି ଙ୍କୁ ସଂରକ୍ଷଣ ୦୦%(ଶୂନ୍ୟ) । ଏସ୍ ଇ ବି ସି ଙ୍କୁ ଓଡ଼ିଶାରେ ଯେଉଁ ୧୧.୨୫% ଦିଆଯାଉଛି ତାହା ଓବିସି ସଂରକ୍ଷଣ ନୁହେଁ। କାରଣ ମଣ୍ଡଲ କମିସନ ଆଧାରିତ ଓଡ଼ିଶାର

୨୦୦ଟି ଜାତି ବିଶିଷ୍ଟ ଓବିସି ତାଲିକାରେ ଖଣ୍ଡାୟତ, କ୍ଷତ୍ରିୟ, ମହାନ୍ତି, ବଣିଆ, ମହାଲାୟକ, ମହାନାୟକ ଆଦି ୯/୧୦ ଟି ଜାତି କୁ ମିଶାଇ ଏସି ବି ସି ନାମରେ ସଂରକ୍ଷଣ ଦିଆଯାଉଛି।ଓବିସି ଙ୍କୁ କେବଳ ସାର୍ଟିଫିକେଟ ଦିଆଯାଉଛି। ପରିଣାମ ସ୍ବରୂପ ଓଡ଼ିଶାରେ ଓବିସି ପ୍ରାର୍ଥୀ ଟିଏ ଚାକିରିଟିଏ ପାଇବା ପାଇଁ ଅଣ ଓବିସି ସାଧାରଣ ବର୍ଗର ପ୍ରାର୍ଥୀ ସହିତ ପ୍ରତିଯୋଗିତା କରିବାକୁ ପଡୁଛି ଓ ଅସଫଲ ହେବାକୁ ପଡୁଛି ।କେନ୍ଦ୍ର ର ମୋଦି ସରକାର ଜାତି ଜନଗଣନା କରିବାକୁ ରୋକ ଠୋକ ମନା କରୁଛନ୍ତି  ଓ ‌ଓଡିଶା ର ନବୀନ ପଟ୍ଟନାୟକ ସରକାର ପଛୁଆ ବର୍ଗ ସର୍ଭେ କରି ଡାଟା ପ୍ରକାଶ କରୁନାହାନ୍ତି।ବିନା ଡାଟା ରେ ଓବିସି ଙ୍କୁ ସଂରକ୍ଷଣ ମିଲି ପାରିବ ନାହିଁ ବୋଲି ଓ ପୂର୍ବ ରୁ ମିଲୁଥିବା ସରକାରୀ ଚାକିରୀ ଓ ରାଜନୀତି ରେ ସଂରକ୍ଷଣ (ପଞ୍ଚାୟତିରାଜ) କୁ ଅଦାଲତ ନାକଚ କରିଛନ୍ତି।କ୍ଷତି ଓବିସି ଙ୍କୁ ହିଁ ସହିବାକୁ ପଡୁଛି। ମାନ୍ୟବର ନବୀନ ସରକାର ଓଡ଼ିଶା ର ସାଢେ଼ ଚାରି କୋଟି ଲୋକଙ୍କୁ ମୋ ପରିବାର ବୋଲି ଡିଣ୍ଡିମ ପିଟୁଛନ୍ତି।ସେ ତାଙ୍କ ପରିବାର ଏସ୍ ଟି, ଙ୍କୁ ସଂରକ୍ଷଣ ଦେଉଛନ୍ତି ,ଏସ ସି ଙ୍କୁ ସଂରକ୍ଷଣ ଦେଉଛନ୍ତି ,ଏସ ଇ ବି ସି ନାମରେ ଅଣ ଓବିସି  ସାଧାରଣ ବର୍ଗର ଲୋକଙ୍କୁ ସଂରକ୍ଷଣ ଦେଉଛନ୍ତି ,ଇ ଡବ୍ଲୁ ଏସ୍ ନାମରେ ଉଚ୍ଚ ବର୍ଗର ଲୋକଙ୍କୁ ସଂରକ୍ଷଣ ଦେଉଛନ୍ତି। କିନ୍ତୁ ଓବିସି ଙ୍କ ସଂରକ୍ଷଣ ଶୂନ୍ୟ ୦୦%।ଅତ ଏବ ଓଡିଶା ର ୫୨% ଓବିସି ବା ଅର୍ଦ୍ଧାଧିକ ଜନ ସାଧାରଣ ତାଙ୍କର ପରିବାର ହେଲେ କିପରି?ଓବିସି ମାନେ ତାଙ୍କ ର ପରିବାର ନୁହନ୍ତି ଏଣୁ ଓବିସି ସଂରକ୍ଷଣ ଶୁନ୍ୟ ବୋଲି ଶ୍ରୀ ପାତ୍ର ଆରୋପ କରିଛନ୍ତି। ଆଗାମୀ ନିର୍ବାଚନ ରେ ଯେଉଁ ଦଳ ଓବିସି ପ୍ରାର୍ଥୀ ଦେବ,ଓବିସି ପ୍ରାର୍ଥୀ ଙ୍କୁ ହିଁ ଓବିସି ଲୋକେ ଭୋଟ ଦେବେ ବୋଲି ଶ୍ରୀ ପାତ୍ର ପ୍ରକାଶ କରିଥିଲେ। ପରିଶେଷରେ ସେ ନାରା ଦେଇ ଥିଲେ- ଓବିସି ଯାହିଁ  ଭୋଟ

ତାହିଁ , ଓବିସି ନାହିଁ ତ ଭୋଟ ନାହିଁ। ଏହି ଅବସରରେ ମଲିଆ ଗଡୁଆ , ପୂର୍ଣ୍ଣଚନ୍ଦ୍ର ମେହେର , ସରୋଜ କୁମାର ମେଶ୍ଵା, ଦୁର୍ଗା ପ୍ରସନ୍ନ ଛୁରିଆ, ଭକ୍ତ ବନ୍ଧୁ ନାଏକ, କୃଷ୍ଣ ଚନ୍ଦ୍ର ମହାକୁର, ଉମାକାନ୍ତ ପାତ୍ର, ନିମାଇଁ ଚରଣ ମେହେର, ବୈକୁଣ୍ଠ ସ୍ଵାଇଁ , ଦୟାନିଧି ନାୟକ, ଭଗବାନ ନାଏକ, ଡ଼. ଧୀରେନ୍ଦ୍ର କୁମାର ସାହୁ, ବାଲେଶ୍ଵର ପଟେଲ,ଛବିଚନ୍ଦ୍ର ପଟେଲ,ଦଶରଥ ବାଗ, ପ୍ରେମାନନ୍ଦ ପଟେଲ, ବିଶେଶ୍ଵର ପୋଡ,ଛାୟାକାନ୍ତ ସାହୁ, ପୁର୍ଣଚନ୍ଦ୍ର ବିଶ୍ଵାଲ ,ପ୍ରଦେଶୀ ବିଶ୍ଵାଲ ମନୋରଞ୍ଜନ ସାହୁ, ରାଧାକୃଷ୍ଣ ମେହେର, ମଧୁସୂଦନ କ୍ଷେତୀ ଆଦି ଓବିସି ବର୍ଗ ଅନ୍ତର୍ଗତ ଜାତି ସମାଜ ର ମୁଖିଆମାନେ ଓ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।