17-Mar-2024

ବଲାଙ୍ଗିର,-ବଲାଙ୍ଗୀର ସହରର ଜଣାଶୁଣା ଚେହେରା ତଥା ଦଳିତ ନେତା ଦ୍ରୋଣ କୁମ୍ଭାରଙ୍କ ବିଜେଡିକୁ ଘରବାହୁଡା ହୋଇଛି । ଆଜି ଦ୍ରୋଣ କୁମ୍ଭାର ଓ ତାଙ୍କ ପତ୍ନୀ ବେବି କୁମ୍ଭାର ତାଙ୍କର ୨୦୦ସମର୍ଥକଙ୍କ ସହ ବିଜେଡିଦଳରେ ଯୋଗଦେଇଛନ୍ତି । ନବୀନ ପଟ୍ଟନାୟକଙ୍କ ଆଦର୍ଶ ଓ ବରିଷ୍ଠନେତା ଅନଙ୍ଗଉଦୟ ସିଂଦେଓ,କଳିକେଶନାରାୟଣ ସିଂଦେଓଙ୍କ ନେତୃତ୍ୱକୁ ସମର୍ଥନ ଜଣାଇ ଆଜି ସେ ବିଜେଡିରେ ଯୋଗଦେଇଥିବା ଦ୍ରୋଣ କହିଛନ୍ତି । ସେ ତାଙ୍କ ସମର୍ଥକଙ୍କ ସହ ଏକ ଶୋଭାଯାତ୍ରାରେ ଆସି ଶୈଳଶ୍ରୀ ପ୍ୟାଲେସରେ ଆୟୋଜିତ ମିଶ୍ରଣ ପର୍ବରେ ସାମିଲ ହୋଇଥିଲେ । ଶୈଳଶ୍ରୀ ପ୍ୟାଲେସଠାରେ ଆୟୋଜିତ ଏହି ମିଶ୍ରଣ ପର୍ବରେ କଳିକେଶ ସମସ୍ତଙ୍କ ବିଜେଡିଉତ୍ତରିୟ ଓ ଫୁଲମାଳ ଦେଇ ଦଳକୁ ସ୍ୱାଗତ କରିଥିଲେ ।

ଜିଲ୍ଲା ଯୁବବିଜେଡି ସଭାପତି ରାଜେନ୍ଦ୍ର ହୋତାଙ୍କ ସଂଯୋଜନାରେ ଅନୁଷ୍ଠିତ ଏହି ମିଶ୍ରଣ ପର୍ବରେ ଅନଙ୍ଗଉଦୟ ସିଂଦେଓ,କଳିକେଶନାରାୟଣ ସିଂଦେଓ,ବରିଷ୍ଠନେତା ପାଣ୍ଡବଚନ୍ଦ୍ର କୁମ୍ଭାର ପ୍ରମୁଖ ମଞ୍ଚାସୀନ ରହିଥିଲେ । ପାଣ୍ଡବ କୁମ୍ଭାର ତାଙ୍କ ବକ୍ତବ୍ୟରେ କହିଲେ ଯେ,ଆଜି ରାଜ୍ୟରେ ନବୀନ ସରକାର ଦଳିତସମାଜକୁ ପ୍ରଧାନ୍ୟ ଦେଉଛନ୍ତି । ରାଜ୍ୟରେ ବିକାଶରେ ଦଳିତମାନଙ୍କର ମଧ୍ୟ ଅବଦାନ ରହିଆସିଛି । ଏବେ କଳିକେଶ ବାବୁଙ୍କ ନେତୃତ୍ୱରେ ବଲାଙ୍ଗୀରର ବିକାଶ ହେଉଛି ବୋଲି କହି କର୍ମିଙ୍କୁ ଉତ୍ସାହିତ କରିଥିଲେ ।

ଶେଷରେ ମନୋଜ ଦୀପ ଧନ୍ୟବାଦ ଅର୍ପଣ କରିଥିଲେ । ଆଜିର ପ୍ରକାଶ ଯେ,ଦ୍ରୋଣ କୁମ୍ଭାର ଗତ ୨୦୧୯ ନିର୍ବାଚନରେ ଲୋଇସିଂହା ସଂରକ୍ଷିତ ଆସନରୁ ବିଏସପିଦଳରୁ ବିଧାୟକ ପ୍ରାର୍ଥି ହୋଇଥିଲେ । ସେ ବିଏସପି ଦଳର ଜିଲ୍ଲା ସଭାପତି ମଧ୍ୟ ରହିଥିଲେ । ଜିଲ୍ଲାର ଅନେକଗୁଡିକଏ ଦଳିତଙ୍କୁ ନ୍ୟାୟ ଆନ୍ଦୋଳନରେ ସେ ସକ୍ରୀୟ ରହିଛନ୍ତି । କେବଳ ସେତିକି ନୁହେଁ ସେ ଅଟୋଚାଳକସଂଘ,ମେହେନ୍ତରସଂଘର ମଧ୍ୟ ସଭାପତି ରହିଛନ୍ତି । ତେଣୁ ବିଜେଡିରେ ତାଙ୍କର ଯୋଗଦାନ ପରେ ୧୭ନମ୍ବର ୱାର୍ଡ ସମେତ ସହରର ଅନେକଗୁଡିଏ ଅଞ୍ଚଳରେ ବିଜେଡିଦଳ ମଜବୁତ ହେବ ବୋଲି କୁହାଯାଉଛି ।