17-Mar-2024

ଭୁବନେଶ୍ବର (ମଧୁସ୍ମିତା ତ୍ରିପାଠୀ ): ନିର୍ବାଚନ ଯେତିକି ପାଖେଇ ଆସୁଛି  ତତସହିତ ନିର୍ବାଚନ ମାହୋଲ ସେତିକି ସରଗରମ ହେଉଛି |ନିଜ ନିଜର ଦଳ ପାଇଁ ରାଲି ହେଉ କିମ୍ବା ଲୋକ କିଣିବାକୁ ତତ୍ପରତା ବଢ଼ି ବଢ଼ି ଯାଉଛି | ଏଠି ପ୍ରତ୍ୟେକ  ଦଳର ଲୋକଙ୍କ ମଧ୍ୟରେ ଶତ୍ରୁତା ମଧ୍ୟ ଗୋଟେ ପ୍ରକାର ଦେଖାଦେଉଛି  | ବନ୍ଧୁ ହେଉ ଭାଇ ହେଉ କିମ୍ବା ସମ୍ପର୍କୀୟ ବ୍ୟକ୍ତି ଦଳକୁ ନେଇ ବଢୁଛି ଯୁକ୍ତି, ଦେଖାଦେଉଛି ବିବାଦ, ସୃଷ୍ଟି ହେଉଛି କଳହ ଏବଂ ଏହାକୁ କେନ୍ଦ୍ର କରି ଅନେକ ସମୟରେ ଭୟଙ୍କର ଗଣ୍ଡଗୋଳ ହତ୍ୟା ମଧ୍ୟ ଘଟୁଛି l ଲୋକେ ବୁଝିପାରୁନାହାନ୍ତି ଏଠି ସରକାର ଓ ବିରୋଧୀଙ୍କର ସ୍ୱାମୀ ସ୍ତ୍ରୀ ର ମଧୁର ସମ୍ପର୍କ | ବାହାରେ ଦେଖାନ୍ତି ସେମାନଙ୍କ ସମ୍ପର୍କ ଅହି ନକୁଳ ପରି କିନ୍ତୁ ବାସ୍ତବରେ ସେମାନଙ୍କ ମଧ୍ୟରେ ପ୍ରେମ ଅତି ନିବିଡ଼ | କିନ୍ତୁ ଲୋକେ ଏଠି ଦଳ ଦଳ ମଧ୍ୟରେ ବିରାଟ ଦୁର୍ଗ ନିର୍ମାଣ କରି ଏବେଠାରୁ ହିଁ ଭାଇବୋହୁ ଦେଢଶୁର ପରି ରହିଲେଣି | ନିର୍ବାଚନ ସରିଯିବ ମାହୋଲ ଥଣ୍ଡା ହେଲା ପରେ ଉଭୟ ଦଳ ଦୁଇ ସମୁଦୀ ପରି କୋଳାଗତ ହେବେ, ଆପଣଙ୍କୁ କଣ ଲାଭ ମିଳିବ ? ନିର୍ବାଚନ ଗୋଟେ ପ୍ରକ୍ରିୟା, ମାତ୍ର ଯାହାକି ସରକାର ଗଢିବା ରେ ସହାୟତା ଏବଂ ଭୋଟଦାନ ଗୋଟେ ସ୍ୱାଧୀନତା ଯାହା ଦ୍ୱାରା ଆପଣଙ୍କ ହିସାବରେ ମତ ଦେଇପାରିବେ | ଯାହାକୁ ଯେଉଁ ଦଳ ର ପ୍ରାଥୀ ଯୋଗ୍ୟ ମନେ ହେବେ ସେ ତାଙ୍କୁ ଭୋଟ ଦେବେ |ଏହା ଏକ ସାଧାରଣ ପ୍ରକ୍ରିୟା ମାତ୍ର ଏହାକୁ ଗୁରୁତର ସହ ନେଇ ନିଜ ନିଜ ମଧ୍ୟରେ ଶତ୍ରୁତା ଆଚରଣ ମୂର୍ଖତା ମାତ୍ର |ନିର୍ବାଚନ ପୂର୍ବରୁ ଆସର ଜମେ ଭୋଜି କରିବାରେ |ଆପଣ ଜାଣିଛନ୍ତି ନିର୍ବାଚନ ସମୟରେ ସବୁଠୁ ଗୁରୁତ୍ୱପୂର୍ଣ୍ଣ କାର୍ଯ୍ୟ ରେ କିଏ ଥାଏ? ଭାବୁଥିବେ ନିଶ୍ଚୟ ପ୍ରତ୍ୟେକ ଦଳର ପାର୍ଥୀ l ନା ବିଲକୁଲ ନୁହେଁ , ଗାଁ ର କୁଜିନେତାମାନେ |ପାର୍ଥୀ ଠାରୁ ପଇସା ଖସେଇ ଭୋଜିଭାତ ମଟନ କରି ମଦ ରେ ଗଡି ସେଥିରେ ନିରୀହ ଲୋକଙ୍କୁ ଫସେଇ ଭୋଟ ଆଦାୟ କରିବା ସେମାନଙ୍କ କାମ | ଆଜ୍ଞା !  କହିଲେ କୂଳକୁ ଲାଜ, ନକହିଲେ କୁଳ ଭାସି ଯାଉଛି ଭଳି ଆମ ଜନସାଧାରଣ କଣ କମ କି ! ଟଙ୍କା ପାଞ୍ଚ ଶହ କି ହଜାର ପାଇଁ ଅରାମ ରେ ଯେଉଁ ଦଳର ଲୋକ ଅଧିକ ପଇସା ଦେଲା ତାକୁ ହିଁ ଭୋଟ ଦେବେ | ବୁଝିପାରୁନାହାନ୍ତି କି ଯେଉଁ ପାର୍ଥୀ କିମ୍ବା ତାଙ୍କ ଚେଲା ତମ ପଛରେ ଏତେ ପଡିଛନ୍ତି ସେମାନେ ନିର୍ବାଚନ ସରିଲା ପରେ ତମକୁ ଆଉ ଚିହ୍ନି ପାରିବେନି | ଆଉ ଆପଣଙ୍କ ସମସ୍ୟା ଦୂରରେ ଥାଉ ଆପଣଙ୍କ ସହ କଥା ହବାକୁ ବି ସମୟ ହେବନି ବାବୁମାନଙ୍କୁ | ଭାବୁଛ କି  କେତେବେଳେ ଦେଖାହବ ଠିକ ୫ ବର୍ଷ ପରେ ପୁଣି ସେଇ ନିର୍ବାଚନ ସମୟରେ ନୂଆ ଆଶା ଆଉ ଭରସା ନେଇ ଆପଣଙ୍କ ନିକଟରେ ପହଞ୍ଚି ଯିବେ |ଆଉ ଅନେକ ଲୋକ ଦଳ କୁ ପ୍ରାଧାନ୍ୟ ଦିଅନ୍ତି କି ସେ ଯେଉଁ ଦଳର ସେହି ଦଳର ପାର୍ଥୀ ଯିଏ ଛିଡା ହେବେ ଭୋଟ ତାଙ୍କୁ ହିଁ ଦେବେ  ପରନ୍ତୁ ଦଳ ଠାରୁ ବେଶୀ ଗୁରୁତ୍ୱପୂର୍ଣ୍ଣ ପାର୍ଥୀଙ୍କ ବ୍ୟକ୍ତିତ୍ୱ | ଯଦି ପାର୍ଥୀ ଆପଣକୁ ସଠିକ ଲାଗୁନି ତେବେ ଆପଣ ଅନ୍ୟ ଦଳର ପାର୍ଥୀଙ୍କୁ ଚୟନ କରିପାରିବେ | ଯେଉଁ ବିରାଟ ଦାୟିତ୍ୱ ଜନସାଧାରଣଙ୍କ ନିକଟରେ ଦିଆଯାଇଛି ତାହା କୌଣସି ଛୋଟ କାମ ନୁହେଁ କାରଣ ଆପଣଙ୍କ ଛୋଟ ଭୁଲ ନିଷ୍ପତି ରାଜ୍ୟର ଭବିଷ୍ୟତକୁ ଅନ୍ଧାରକୁ ନେଇଯାଇପାରେ | ନିର୍ବାଚନ ହେଉଛି ସେହି ଘଡିସନ୍ଧି ମୁହୂର୍ତ ଯେଉଁ ସମୟରେ ଆପଣଙ୍କ ସଠିକ ମତାମତ ର ଆବଶ୍ୟକ ଅତ୍ୟନ୍ତ ଜରୁରୀ | ଲୋଭଶକ୍ତ କରି ଭୋଟ ନବାକୁ ପ୍ରୟାସ ତ ସମସ୍ତେ କରିବେ ପରନ୍ତୁ ଆପଣଙ୍କ ନିଷ୍ପତି ନିଜ ସ୍ୱାର୍ଥ ପାଇଁ ନୁହେଁ ବରଂ ଜନସାଧାରଣଙ୍କ ଦୁର୍ନୀତି ପାଇଁ ନେବାକୁ ପଡିବ | ଆଉ ଯେଉଁ ବ୍ୟକ୍ତି କିଛି ଟଙ୍କା ପାଇଁ ଭୋଟ ବିକ୍ରି କରନ୍ତି ହୁଏତ ସେମାନେ ଜାଣନ୍ତି ନି କି ଗୋଟେ ଭୋଟ ର ମୂଲ୍ୟ ଲକ୍ଷ ଲକ୍ଷ କୋଟି ଟଙ୍କାର ମୂଲ୍ୟଠାରୁ ବି ବହୁତ ବେଶୀ |ଏଣୁ ସତର୍କ ହୁଅନ୍ତୁ ଦଳ ନୁହେଁ ପାର୍ଥୀ ଚୟନ କରନ୍ତୁ | ଭଲ ଦଳକୁ ନେଇ ପାର୍ଥୀ ନୁହେଁ ବରଂ ଭଲ ପାର୍ଥୀ କୁ ନେଇ ଭଲ ଦଳ ଗଠିତ ହୋଇଥାଏ |ଆପଣଙ୍କ ନିଷ୍ପତି ଆପଣଙ୍କ ଉନ୍ନତି ର ପଥ l