09-Mar-2024

କନ୍ଧମାଳ: କାନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଗୋଛାପଡା ଥାନା ସାଲାଗୁଡା ପଞ୍ଚାୟତ ଅଧୀନ ଡିଗାପଦର ଅଞ୍ଚଳରେ ଶନିବାର ସକାଳେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି I ମିଳିଥିବା ସୂଚନା ପ୍ରକାରେ କନ୍ଧମାଳ ଜିଲ୍ଲାର ଗୋଛାପଡା ଥାନା ଅନ୍ତର୍ଗତ ଡିଗା ପଦର ଗାଁରେ ଲୋଇସିଂ ପଞ୍ଚାୟତ ଗୁମାନଡଣୀ ଗାଁ ର ଏକ ପୂର୍ବତନ ୱାର୍ଡ ସଭ୍ୟ ଦମ୍ପତି ଙ୍କୁ ଅତି ନିର୍ମମ ଭାବରେ ହତ୍ୟା କରି ଫିଙ୍ଗିଦିଆଯାଇଥିବା ଦେଖିବାକୁ ମିଳିଛି I ସ୍ୱାମୀଙ୍କ ମୃତଦେହ ଏକ ନାଳ ପାଖରେ ଠାବ କରାଯାଇଥିବା ବେଳେ ସ୍ତ୍ରୀ ର ରକ୍ତଜୁଡୁବୁଡୁ ମୃତଦେହ ପାହାଡ଼ ଉପରୁ ଠାବ କରାଯାଇଛି I ତେବେ ଏହି ଅଞ୍ଚଳରେ ଗତ କିଛିଦିନ ହେଲା ମାଓ ଗତିଵିଧି ଲକ୍ଷ୍ୟକରାଯାଇଥିବା ବେଳେ ମାଓ ସଂଗଠନ ପକ୍ଷରୁ ଏହି ଦମ୍ପତିଙ୍କୁ ହତ୍ୟା କରାଯାଇଥିବା ସନ୍ଦେହ ସୃଷ୍ଟି ହେଉଛି I ତେବେ ମୃତ ବ୍ୟକ୍ତି ଜଣକ ଗୋଛାପଡା ଥାନା ଲୋଇସିଂ ପଞ୍ଚାୟତ ଗୁମାନଦଣି ଗାର ପୂର୍ବତନ ୱାର୍ଡ ସଭ୍ୟ ଡାହିରା କହଁର ବୋଲି ଜଣାପଡିଥିବା ବେଳେ ଅନ୍ୟଜଣେ ତାଙ୍କ ସ୍ତ୍ରୀ ବତାସି କହଁର ବୋଲି ଜଣା ପଡିଛି I ତେବେ ଶୁକ୍ରବାର ରାତି ଶିବରାତ୍ରି ପାଇଁ ଅଞ୍ଚଳ ଟି ଚଳଚଞ୍ଚଳ ଥିବା ବେଳେ ମୃତ ଦମ୍ପତି ଗିଡାପଦର ଗାଁ ନିକଟରେ  ତାଙ୍କ ଚାଷ ଜମି ପାଖରେ ଥିବା କୁଡ଼ିଆ ରେ ଥିଲେ I ଏହି ସମୟରେ କିଛି ଦୁର୍ବୁତ୍ତ ଉଭୟ ଙ୍କୁ କୁଡ଼ିଆ ରୁ ଉଠାଇ ନେଇ ନିର୍ମମ ଭାବରେ ହତ୍ୟା କରିଛନ୍ତି I ଘଟଣା ସ୍ଥଳରୁ ପୋଲିସ ଏକା

ହାତୁଡି କୁ ମଧ୍ୟ୍ୟ ଜବତ କରିଛି I ଅନ୍ୟପଟେ ଘଟଣା ବିଷୟରେ ଖବର ପାଇ ଫୁଲବାଣୀ ସଦର ଏସ୍ଡ଼ିପିଓ ସୁପ୍ରସନ୍ନ ମଳିକ ଙ୍କ ସହ ଥାନା ଅଧିକାରୀ ପ୍ରଭାତ କୁମାର ବେହେରା ଙ୍କ ସହ ଟିମ ପହଂଚି I ଘଟଣା ସ୍ଥଳଟି ମାଓ ଅଧିସୁତ ଅଞ୍ଚଳ ହୋଇଥିବାରୁ କଡା ସୁରକ୍ଷା ବ୍ୟବସ୍ତା ମଧ୍ୟ୍ୟରେ ଶବକୁ ଜବତ କଲାପରେ ଥାନାକୁ ଆଣି ତଦନ୍ତ ଜାରିରଖିଛନ୍ତି I ଅନ୍ୟପଟେ ଏହି ଘଟଣା ପରେ ସ୍ଥାନୀୟ ଅଂଚଳରେ ଏକପ୍ରକାର ଭୟରେ ବାତାବରଣ ସୃଷ୍ଟି ହୋଇଥିଵା ବେଳେ କିଛି ଲୋକ ଏହିଘାଟଣା କୁ ମାଓବାଦି ଭିଆଇ ଥିବା କହୁଥିବା ବେଳେ ଆଉକିଛି ଲୋକ ପୂର୍ବଶତ୍ରୁତା ରୁ ଏଭଳି ବିଭସ ହତ୍ୟା କାଣ୍ଡ ହୋଇଥାଇ ପାରେ ବୋଲି ମଟଦେଇଛନ୍ତି I

କନ୍ଧମାଳ ଜିଲ୍ଲା ରୁ ସୁଲୋଚନା ଦିଗାଲ ଙ୍କ ରିପୋର୍ଟ