02-Mar-2024

ସିନ୍ଧେକେଲା- ସିନ୍ଧେକେଲା କୁ ଏନଏସି ମାନ୍ୟତା ଦାବି କୁ ନେଇ ଗ୍ରାମବାସୀ ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି । ନାଗରିକ କମିଟ ତତ୍ତ୍ୱାବଧାନରେ ଆୟୋଜିତ ଉକ୍ତ ବନ୍ଦ ପାଳନ ରେ କମିଟି ସଭାପତି ସୁରିୟା ସାହୁଙ୍କ ନେତୃତ୍ବରେ କମିଟ ସମସ୍ତ ସଦସ୍ୟ ସମେତ ଗ୍ରାମର ବହୁ ଲୋକେ ମାଁ ଦୁର୍ଗା ମଣ୍ଡପ ନିକଟରେ ଏକତ୍ରିତ ହୋଇ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରି ଗ୍ରାମର ସମସ୍ତ ଦୋକାନ ବଜାର କୁ ବନ୍ଦ କରିଥିଲେ । ସରକାର ପକ୍ଷରୁ ଏନଏସି ଗୁଡିକ ଘୋଷଣା ହେଲା ପରେ ସିନ୍ଧେକେଲା କୁ ବାଦ ଦିଆଯାଇଥିବାରୁ ଅସନ୍ତୋଷ ପ୍ରକାଶ କରିବା ସହ ତୁରନ୍ତ ସିନ୍ଧେକେଲା କୁ ଏନଏସି ଘୋଷଣା କରିବା ପାଇଁ ଦାବି କରିଥିଲେ । ଏହି ଅବସରରେ ଗ୍ରାମର ସବୁ ଦୋକାନ ଗୁଡିକ ସମ୍ପୁର୍ଣ୍ଣ ଭାବରେ ବନ୍ଦ ରହିଥିବା ଦେଖିବାକୁ ମିଳିଥିଲା । ପରୀକ୍ଷା ଗୁଡିକ ରହିଥିବାରୁ ସ୍କୁଲ କଲେଜ ତଥା ଜରୁରୀକାଳୀନ ସେବା କୁ ବାଦ ଦିଆଯାଇଥିଲା । ଖବର ପାଇ ବଙ୍ଗୋମୁଣ୍ଡା ଅତିରିକ୍ତ ତହସିଲଦାର ଶ୍ରୀ ଅଗ୍ରୱାଲ ଆନ୍ଦୋଳନକାରୀ ମାନଙ୍କ ପାଖରେ  ପହଞ୍ଚି ସେମାନଙ୍କ ଠାରୁ ଦାବିପତ୍ର ଗ୍ରହଣ କଲାପରେ ବନ୍ଦ ପାଳନ କୁ ପ୍ରତ୍ୟାହାର କରାଗଲା । ଉକ୍ତ ବନ୍ଦ ପାଳନରେ ନାଗରିକ କମିଟି ସଭାପତି ସୁରିୟା ସାହୁ ସମେତ ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ , ସାଂସଦ ପ୍ରତିନିଧି ଅନିଲ ନାଏକ , ଜିଲ୍ଲା ବିଜେଡି ଉପ ସଭାପତି ଉମାକାନ୍ତ ସାହୁ , ସରପଞ୍ଚ ନରେଶ ଅଗ୍ରୱାଲ , ସରପଞ୍ଚ ପ୍ରତିନିଧି ନରେଶ ରଣା , ଦୁର୍ଗା ମଣ୍ଡପ  କମିଟି ସଭାପତି ସରୋଜ ଜୈନ , ବରିଷ୍ଠ ନେତା ମଧୁସୂଦନ ପଣ୍ଡା , ଅବସର ପ୍ରାପ୍ତ ଶିକ୍ଷକ ନୀଳକଣ୍ଠ ତ୍ରିପାଠୀ , ବିଜେପି ମଣ୍ଡଳ ସମ୍ପାଦକ କହ୍ନେୟା ଜୈନ , ନୂତନ ସାହୁ , ପରମା ସାହୁ , ପପୁ ସାହୁ , ମନୋରଞ୍ଜନ ପ୍ରଧାନ , ମନୋଜ ଅଗ୍ରୱାଲ , ପୂର୍ବତନ ସମିତି ସଭ୍ୟ ବିସମ୍ବର ସାହୁ , ପ୍ରବେଶ ଜୈନ , ବାବୁଲାଲ ସାହୁ , ଘୁଟୁ ପାଣ୍ଡିଆ , ଅମିତ ସାହୁ , ତୁଳସୀ ସୁନା , ଅନ୍ତର୍ଯ୍ୟାମି ସୁନା , ନିରଞ୍ଜନ ସାହୁ , ରାଜିନ୍ଦ୍ର ଛୁରା , ଡମ ପାତ୍ର , ରାଜେନ୍ଦ୍ର ସାହୁ , ମନୁଆ ସାହୁ , ସଞ୍ଜୟ ବାଗ , ମନୋଜ ସାହୁ , ଦ୍ରୋପତ ନାଏକ ପ୍ରମୁଖ ସାମିଲ ହୋଇଥିଲେ ।