12-Feb-2024

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ହୀରାପୁର ପଂଚାୟତ ହାଇସ୍କୁଲ ଖେଳ ପଡିଆରେ ପଂଚାୟତ ସ୍ତରୀୟ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଓଡିଶା ସରକାର ଙ୍କ ଏହି ଲୋକାଭିମୁଖୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ହୀରାପୁର ପଂଚାୟତ ର ସମିତିସଭ୍ୟ ତଥା ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗ ଦେଇଥିଲେ l ନାଏବ ସରପଞ୍ଚ ମିଥିଲା ବେହେରା ଙ୍କ ସଭାପତିତ୍ୱରେ ବିଜେଡି ବ୍ଲକ ଯୁବ ସମ୍ପାଦକ ରାଜକିଶୋର ସ୍ୱାଇଁ ଙ୍କ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ପଂଚାୟତ ସରକାରୀ କାର୍ଯ୍ୟକ୍ରମ ଦାୟିତ୍ୱ ରେ ପିଇଓ ହୁତାସନ ସୁନା, ନୋଡାଲ ଅଫିସର ଭାବେ ପଂଚାୟତ ସମିତି ଲୋଇସିଂହା ତରଫରୁ ପି.ଏ ରାଜେନ୍ଦ୍ର ବାବୁ, ବ୍ଲକ ସଭାପତି ହୃଦାନନ୍ଦ ବେହେରା, ଜିଲ୍ଲାପରିଷଦ ସଭ୍ୟା ଲିଳିମା ବେହେରା, ପ୍ରଦୁମ୍ନ କାଳସାଏ, ୱାର୍ଡ଼ ସଭ୍ୟା ଚିନା ଦୀପ ମଂଚାସୀନ ଥିଲେ l

ହୀରାପୁର ପଂଚାୟତ ଅନ୍ତର୍ଗତ ସମସ୍ତ ୱାର୍ଡ଼ ସଭ୍ୟସଭ୍ୟା ଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ରେ ସରୋଜ ମହାକୁର କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସଭାପତି ଙ୍କ ଅନୁମତିକ୍ରମେ ଆନୁଷ୍ଠାନିକ ଭାବେ ହୀରାପୁର ପିଇଓ ହୁତାଶନ ସୁନା ଧନ୍ୟବାଦ ଅର୍ପଣ କରିଥିଲେ l ରୋହିତ ସେଠ୍, ପ୍ରଦୀପ ବନଛୋର, ଗୋବିନ୍ଦ ପରୁଆ, ସୁଦାମ ମାଝୀ, ବିକାଶ ପଧାନ, ଶରତ ଠେଲା, ସୁଶାନ୍ତ ପଧାନ, କୁନୁ ସେଠ୍ ଉକ୍ତ କାର୍ଯ୍ୟକ୍ରମ ରେ ବିଶେଷ ସହଯୋଗ କରିଥିଲେ l