14-Jan-2024

ବଲାଙ୍ଗୀର(ଦେବାଶିଷ ବହିଦାର)- ବଲାଙ୍ଗିର ମାଲପଡା ନାଗରିକ କମିଟି ବୈଠକ ସଭାପତି ଯୁଧିଷ୍ଟିର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ମାଲପଡା ସମସ୍ୟା ଉପରେ ଆଲୋଚନା ହୋଇଥିଲା ।  ବିଶେଷତଃ ପଡାର ରାସ୍ତା ଗୁଡି ଭାଙ୍ଗି ଯାଇ ଖାଲ ଖମାରେ ପରିଣତ ହୋଇ ଲୋକେ ଅନେକ ସମୟରେ ଦୁର୍ଘଟଣାର ସମ୍ମୁଖିନ ହେଉଛନ୍ତି । ମାଲପଡା ସ୍କୁଲର ପ୍ରାୟ ସମସ୍ତ କୋଠରୀମାନ ଅପର୍ଯ୍ୟସ୍ଥ ଅବସ୍ଥାରେ ପଡି ରହିଛି । ପିଲାମାନେ ଭଙ୍ଗାରୁଚା କୋଠାରୀ ମଧ୍ୟରେ ବିପର୍ଯ୍ୟସ୍ଥ ଅବସ୍ଥାରେ ପାଠ ପଢୁଛନ୍ତି । ତାହା ଦ୍ୱାରା ଶିକ୍ଷା ଦାନରେ ମଧ୍ୟ ବାଧା ସୃଷ୍ଟି ହେଉଅଛି । ଏଣୁ ଏଠାରେ ନୂତନ ସ୍କୁଲ ଗୃହମାନ ନିର୍ମାଣ ପାଇଁ ଶିକ୍ଷା ବିଭାଗକୁ ଲେଖା ଯାଇଥିଲା ମଧ୍ୟ ଶିକ୍ଷା ବିଭାଗ ଏ ପର୍ଯ୍ୟନ୍ତ କୌଣସି ପଦକ୍ଷେପ ନେଇ ନାହାନ୍ତି । ଏଣୁ ପଡାବାସୀ କ୍ଷୋଭ ପ୍ରକାଶ କରିଛନ୍ତି । ଅନ୍ୟ ଅନୁଷ୍ଠାନ ଗୁଡିକ ଗୃହ ନିର୍ମାଣ ଆରମ୍ଭ ରକି ଦେଇଛନ୍ତି । ୱାର୍ଡ ନଂ.୧୪ ଓ ୧୫ ରେ ସଫାଇ କାର୍ଯ୍ୟ ମଧ୍ୟ ସୁଚାରୁ ରୂପେ ପରିଚାଳନା ହେଉନାହିଁ । ଏଣୁ ମଶା ପ୍ରାଦୁର୍ଭାବ ବହୁ ପରିମାଣ ରେ ଦେଖାଯାଉଛି । ଏଣୁ ନିୟମିତ ମଶା ମରା ତେଲ ଓ ସଫା ସୁତୁରା ପାଇଁ ମ୍ୟୁନିସିପାଲିଟି କୁ ଅନୁରୋଧ କରାଯିବାକୁ ପ୍ରସ୍ତାବ ଗୃହିତ ହୋଇଥିଲା । ଉକ୍ତ ଆଲୋଚନାରେ ପ୍ରଫେସର ତରୁଣ କୁମାର ମିଶ୍ର, ଗୋପବନ୍ଧୁ ପୁରୋହିତ, ପଂଚାନନ ସେଠ, ଆକୁଳ ବେହେରା, ଦିବାକର ହୋତା, ଛବିଲାଲ ବେହେରା, ଅଭିଜିତ ଯୋଷୀ, ବସୁଦେବ ନାଗ ଆଲୋଚନାରେ ଅଂଶଗ୍ରହଣ କରିଥିଲେ । ସଂପାଦକ ପଂଚାନନ ସେଠ୍ ଧନ୍ୟବାଦ ଅର୍ପଣ କରିଥିଲେ ।