08-Dec-2023

ନାକଟିଦେଉଳ(କନ୍ଦର୍ପ ବେହେରା ): ନାକ୍ଟିଦେଉଳ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଓଡ଼ିଶା ସରକାରଙ୍କ ଦ୍ଵାରା ପ୍ରାୟୋଜିତ ସମନ୍ଵିତ ଯୁବ ବିକାଶ କାର୍ଯ୍ୟକ୍ରମର ଦଶମ ଦିବସରେ ଅନୁଷ୍ଠାନର ଅଧ୍ୟକ୍ଷ ଡଃ.ମନୋରଞ୍ଜନ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ସାକ୍ଷରତା ସଚେତନତା କାର୍ଯ୍ୟକ୍ରମରେ ସରାପାଲି ଗ୍ରାମ ପଞ୍ଚାୟତର ସରପଞ୍ଚ ଶିବାନୀ ବାରିକ ମୁଖ୍ଯ ଅତିଥି, ନାକ୍ଟିଦେଉଳ ୟୁନିଅନ୍ ବ୍ଯାଙ୍କ ଶାଖା ପରିଚାଳକ ଚନ୍ଦ୍ର ମୋହନ ମାଝୀ ମୁଖ୍ଯବକ୍ତା, ମ୍ଯାନେଜର ପ୍ରଶାନ୍ତ କୁମାର ବାରିକ ସାଧନ କର୍ମୀ ଭାବେ ଯୋଗଦେଇ ଡିଜିଟାଲ ଭାରତରେ ଆର୍ଥିକ ସଚେତନତାର ଆବଶ୍ୟକତା ସଂପର୍କରେ ଆଲୋଚନା କରିଥିଲେ। ଏହି ଅବସରରେ ରଙ୍ଗୋଲି,ପାରମ୍ପରିକ ତଥା ଆଧୁନିକ ସଂଗୀତ ଗାନ, ଷ୍ଟାଣ୍ଡ ଅଫ୍ କମିଡି ଓ ଏକକ ଅଭିନୟ ପ୍ରତିଯୋଗିତା ଆୟୋଜିତ ହୋଇଥିଲା । ବିଭିନ୍ନ ପ୍ରତିଯୋଗିତାରେ ଅଧ୍ୟାପିକା ବିନୀତା ମୁର୍ମୁ,ଅଞ୍ଜନା ସାହୁ,ବୈଜୟନ୍ତୀ ସାହୁ,ଅରୁଣ ବିଶ୍ବାଳ,ଜିତେନ୍ଦ୍ରିୟ ପ୍ରଧାନ,ହୁସେନ ପ୍ରଧାନ ବିଚାରକ ଭାବେ ଯୋଗ ଦେଇ ଥିଲେ। ଉପସ୍ଥିତ ଅତିଥିଗଣ, ମୁଁ ଦିଲ୍ଲୀ ଯିବି କାର୍ଯ୍ୟକ୍ରମ ଅଧିନରେ ଅନୁଷ୍ଠିତ ଡ୍ରଇଂ,ସାଧାରଣଜ୍ଞାନ,ବକ୍ତୃତା,ନୃତ୍ୟ ପ୍ରତିଯୋଗିତାର କୃତି ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରିଥିଲେ। ଏହି କାର୍ଯ୍ୟକ୍ରମ ଡଃ.ପ୍ରଶାନ୍ତ କୁମାର ଦାଶ ସଂଯୋଜନା କରିଥିଲେ। ନୋଡାଲ ଅଫିସର ସଂଜୀବ ଦାଶ ଓ ସମସ୍ତ ଅଧ୍ଯାପକ ଅଧ୍ୟାପିକା ପରିଚାଳନାରେ ସହଯୋଗ କରିଥିଲେ। ଶେଷରେ ଅଧ୍ଯାପକ ସରୋଜ ଭୁଏ ଧନ୍ୟବାଦ ଅର୍ପଣ କରଥିଲେ।