08-Dec-2023

ନାକଟିଦେଉଳ(କନ୍ଦର୍ପ ବେହେରା ): ନାକଟିଦେଉଳ ଥାନା ହିଂଜାମୁରା ନିକଟସ୍ଥ ସିରଗିଡା ନାଳ ବୁଲାଣିରେ କାର୍ ଧକ୍କା ଦେଇ ବାଟଗାଁର ବାବୁଲି ଦେହୁରୀ (୪୪)ଙ୍କୁ ହତ୍ୟା କରିବା ଅଭିଯୋଗରେ ସାହେବୀ ର ସରପଞ୍ଚ ତଥା ବିଜେଡି ର ରାମ ପ୍ରସାଦ ସାହୁ ସମେତ ୩ ଜଣଙ୍କୁ ଭୁବନେଶ୍ବରରୁ ଗିରଫ କରି ଆଜି କୋର୍ଟ ଚାଲାଣ କରିଛି ପୋଲିଛି ା 

ମ୍ରୁତକର ଭାଇ ଅଜିତ୍ ଦେହୁରୀ ଙ୍କ ଅଭିଯୋଗ ଯେ, ତାଙ୍କ ଭାଇ ବାବୁଲା ଦେହୁରୀ ଗତ ୧ ତାରିଖ ସଂନ୍ଧ୍ୟା ୮ଟା ବେଳେ ବାଟଗାଁ ରୁ ବାଇକ ଯୋଗେ ନାକଟିଦେଉଳ ପଟକୁ ଯାଉଥିବା ବେଳେ ସାହେବୀ ସରପଞ୍ଚ ରାମପ୍ରସାଦ ସାହୁ ଟଙ୍କା ଧାର କରଜକୁ ନେଇ କାର୍ ଧକ୍କା ଦେଇ ବାବୁଲାକୁ ହତ୍ୟା କରି ଫେରାର୍ ହୋଇଯାଇଥିଲା । ଧରା ନ ପଡିବା ପାଇଁ ସେ କାର୍ ଟିକୁ ରେଢାଖୋଲ ର ଏକ ପରିତ୍ୟକ୍ତ ସ୍ଥାନରେ ଛାଡି ଭୁବନେଶ୍ବର ଫେରାର୍ ହୋଇଯାଇଥିଲା । ନାକଟିଦେଉଳ ଓ ରେଢାଖୋଲ ପୋଲିସ୍ ମିଳିତ ଭାବରେ ଭୁବନେଶ୍ବରରୁ ରାମ ପ୍ରସାଦ ସମେତ ସହଯୋଗୀ ଦ୍ବୟ ବରୁ ଦେହୁରୀ( ୪୦) ଏବଂ ନାରାୟଣ ଦେହୁରୀ ଙ୍କୁ ଗିରଫ କରିବାରେ ସଫଳ ହୋଇଛି ା ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ୍ କହିଛି ା ଘଟଣା ଦିନଠାରୁ ପୋଲିସ୍ କୁ ଚକମା ଦେଇ ସରପଞ୍ଚ ଫେରାର୍ ହୋଇଯାଇଥିଲେ । ନାକଟିଦେଉଳ ଥାନା କେସ୍ ନଂ ୧୭୯/୨୦୨୩ ୟୁ/ ଏସ୍ ୩୦୪ ଆଇ ପି ସି ମାମଲା ରୁଜୁ ହୋଇଥିବା ପୋଲିସ୍ ପ୍ରେସ୍ ଇସ୍ତାହାରରେ ଜଣାଇଛନ୍ତି ା ଏହି ଘଟଣା ରେଢାଖୋଲ ଅଂଚଳରେ ଚାଞ୍ଚଲ୍ୟ ସ୍ରୁଷ୍ଟି କରିଛି ା