01-Oct-2023

କଳାହାଣ୍ଡି(ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା ଭବାନୀପାଟଣା ବ୍ଲକ୍ ଅନ୍ତର୍ଗତ ନାରେଙ୍ଗୀଖୋଲା ଗ୍ରାମରେ ନାଗରିକ ବିକାଶ ସଂଗଠନ  କଳାହାଣ୍ଡି ର ଏକ ବୈଠକ ଅନୁଷ୍ଠିତ ହୋଇଥିଲା। ଏଠାରେ ଜିଲ୍ଲାର ବିଭିନ୍ନ ବ୍ଲକର ମହିଳା ମାନେ, ସଖୀ କେନ୍ଦ୍ର ର କର୍ମକର୍ତ୍ତା ମାନେ, ଶକ୍ତି ସଂଗଠନ ର କର୍ମକର୍ତ୍ତା ସମେତ ନାଗରିକ ବିକାଶ ସଂଗଠନ ର କର୍ମକର୍ତ୍ତା ମାନେ ଉପସ୍ଥିତ ରହି ଏହି ବୈଠକରେ ଅଂଶଗ୍ରହଣ କରିଥିଲେ।  ମୁଖ୍ୟତଃ ଗ୍ରାମାଞ୍ଚଳରେ ଦେଖାଯାଉଥିବା ବିଭିନ୍ନ ସମସ୍ୟା ଯେପରି ପାନୀୟଜଳ ସମସ୍ୟା, ରାସ୍ତା ଘାଟ ସମସ୍ୟା, ଏବଂ ଚାଷୀ ମାନଙ୍କର ସମସ୍ୟା ଉପରେ ଆଲୋଚନା କରାଯାଇଥିଲା । ଶକ୍ତି ସଂଗଠନ ବ୍ଲକ କୋଡ଼ିନେଟର - S ସୁଜାତା ଏବଂ ସଖୀ ସେଣ୍ଟର ର କର୍ମକର୍ତ୍ତା ମାନେ ବାଲ୍ୟ ବିବାହ,ନାରୀ ନିର୍ଯାତନା, ଘରୋଇ ହିଂସା କୁ ରୋକିବା ନିମନ୍ତେ ସଚେତନତା ବାର୍ତ୍ତା ପ୍ରଦାନ କରିଥିଲେ ଏବଂ ସଖୀ ସେଣ୍ଟର ରେ କେଉଁ ସବୁ ସୁବିଧା ରହିଛି ସେ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ନାଗରିକ ବିକାଶ ସଂଗଠନ ଓମେନ୍ ଫେଡେରେସନ ମ୍ୟାନେଜର୍ କଲ୍ୟାଣୀ ଦାସ, ଜିଲ୍ଲା କାର୍ଯ୍ୟକାରିସଦସ୍ୟ ଉପେନ୍ଦ୍ର ସୁନାନୀ ବ୍ଲକ୍ ସଂଯୋଜକ ଜଗନ୍ନାଥ ଶଗଡ଼ିଆ ଓ ବିଭିନ୍ନ ବ୍ଲକ ରୁ ଆସିଥିବା ଜନସାଥି ମାନେ ହେଲେ ଅନିଲ ନାଗ, ଗୋକୁଲ ଛତ୍ରିଆ, ଅହଲ୍ୟା ସାହୁ, ସିମତିନି ବାରିକ ଓ ଉର୍ମୀ ଲିଡର ବୀଣାପାଣି ସୂନାନି , ପ୍ରେମସିଲା ପାଣଗ୍ରାହୀ ସମେତ ଗ୍ରାମରେ ଥିବା ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିବା ସହିତ ସଂଗଠନ ମାଧ୍ୟମରେ କମିଟି ଗଠନ କରି ବିଭିନ୍ନ ସମସ୍ୟା ସମ୍ପର୍କରେ ପଞ୍ଚାୟତ ପ୍ରତିନିଧି, ବ୍ଲକ୍ ଉନ୍ନୟନ ଅଧିକାରୀ, ଏପରିକି ଜିଲ୍ଲା ସ୍ତରୀୟ ପ୍ରତିନିଧି ମାନଙ୍କ ସହିତ ଯୋଗାଯୋଗ କରି ଏହାର ସଫଳ ରୂପାୟନ ନିମନ୍ତେ କାର୍ଯ୍ୟ କରାଯିବ ସେ ବିଷୟରେ ଆଲୋଚନା କରାଯାଇଥିଲା। ତଥାପି ଯଦି ସମସ୍ୟା ସମାଧାନ ନ ହୁଏ ତେବେ ମହିଳାମାନେ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେବାକୁ ମଧ୍ୟ ଦାବୀ ହୋଇ ଥିଲା।