29-Sep-2023

ବଲାଙ୍ଗୀର(ପ୍ରେରଣା ଖବର ): ଆଜି ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ନିଜର କର୍ମୀ ମାନଙ୍କ ସହ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକର ବିଭିନ୍ନ ଗ୍ରାମ ପରିଦର୍ଶନ କରି ଲୋକଙ୍କୁ କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ବିଷୟରେ ବୁଝାଇଥିଲେ ।  ବଲାଙ୍ଗୀର ଦେଓଗାଁ ବ୍ଲକ ବନ୍ଧପଡା, ଟେପ୍ ରେନ୍ , ଫପସି, ତାଲ୍ ପାଲି, ଧଣ୍ଡାମାଳ , ସତୀ ଘାଟ , ଡୁମେର୍ ପିଟା , ସିଂହାମୁଣ୍ଡା , ଆମ୍ ଘାଟ , ବିଲାସପୁର, ଦେଷଣ୍ଢ ଆଦି ଗ୍ରାମ ପରିଦର୍ଶନ କରି ସାଂସଦ ଶ୍ରୀମତୀ ସିଂଦେଓ ଲୋକଙ୍କ ଅଭାବ ଅସୁବିଧା ବୁଝିଥିଲେ । ପ୍ରତ୍ୟେକ ଗ୍ରାମରେ ସାଂସଦଙ୍କ ସମେତ ବିଜେପି କର୍ମୀ ଓ କର୍ମକର୍ତ୍ତା ମାନଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ବଲାଙ୍ଗୀର ସାଂସଦ ଶ୍ରୀମତୀ ସିଂହଦେଓ କେନ୍ଦ୍ର ସରକାରଙ୍କ ହର୍ ଘର ନଲ୍ ଯୋଜନା, ଆବାସ ଯୋଜନା, ଉଜାଲା ଯୋଜନା ଆଦି ପ୍ରଗତିଶୀଳ ଯୋଜନା ସଂପର୍କରେ ଲୋକଙ୍କୁ ବଝାଇବା ସହ ଆଗାମୀ ଦିନରେ ରାଜ୍ୟର ସମୃଦ୍ଧି ଓ ସୁଶାସନ ପାଇଁ ବିଜେପି ହିଁ ଏକମାତ୍ର ବିକଳ୍ପ ବୋଲି କହିଥିଲେ । ସାଂସଦଙ୍କ ସହ ବିଜେପି ନେତା ଗୋପାଳଜୀ ପାଣିଗ୍ରାହୀ, ଶଶୀ ସାହୁ , ଦେଓଗାଁ ମଣ୍ଡଳ ସଭାପତି ବାସୁ ସିଂହନୀନା, ସାଂସଦ ଙ୍କ ଦେଓଗାଁ ବ୍ଲକ ପ୍ରତିନିଧି ଅମିତ ସିଂ ନୀନା , ଯୁବ ମୋର୍ଚାର ପାର୍ଥ କର ନ୍ , ଦେବରାଜ ନାହାକା , ନରେଶ ଅଗ୍ରୱାଲ , ସୁଦାମ ଧରୁଆ ଙ୍କ ସମେତ ଶତାଧିକ ବିଜେପିକର୍ମୀ ବିଭିନ୍ନ ଗ୍ରାମ ପରିଦର୍ଶନ କରି ତୃଣମୂଳସ୍ତରରେ ବିଜେପିକୁ କିପରି ସୃଦୃଢ଼ କରାଯାଇ ପାରିବ ସେ ନେଇ ଜନସାଧାରଣ ଙ୍କ ସହ ଆଲୋଚନା କରିଥିଲେ l