27-Sep-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ସରକାର ଶିକ୍ଷା ର ବିକାଶ ପାଇଁ କୋଟି କୋଟି ଟଙ୍କା ଖର୍ଚ୍ଚ କରି ବିଦ୍ୟାଳୟ ଗୁଡିକ ନିର୍ମାଣ କରୁଛନ୍ତି। ଶିକ୍ଷାଦାନ ପାଇଁ ଶିକ୍ଷକ ଯୋଗାଇ ଦେଉଥିବା ବେଳେ ପ୍ରଶାସନିକ ଅଧିକାରୀ ଓ ରାଜନେତା ଙ୍କ ଅବହେଳା ଯୋଗୁଁ ବିଭିନ୍ନ ସ୍ଥାନରେ ବିଦ୍ୟାଳୟ ମାନଙ୍କୁ ଅନେକ ସମସ୍ୟା ଦେଖିବାକୁ ମିଳୁଛି। ଯାହାକି କେଉଁଠି ଶିକ୍ଷକ ଅଭାବ, ଶ୍ରେଣୀ ଗୃହ ଅଭାବ, ନିମ୍ନ ମାନର ଖାଦ୍ୟ ଯୋଗାଉଥିବା ଅଭିଯୋଗ ହେଉଛି। ସୂଚନାଯୋଗ୍ୟ ଯେ ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଅନ୍ତର୍ଗତ ଦେଉଳ ଗାଁ ପଞ୍ଚାୟତ ଅଧିନସ୍ଥ ବରପିଟା ଗାଁ ରେ ୩୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ପାଠ ପଢ଼ୁଥିବାବେଳେ ଏଠାରେ ପ୍ରଥମ ରୁ ପଞ୍ଚମ ପର୍ଯ୍ୟନ୍ତ ଶ୍ରେଣୀ ଅଛି। କିନ୍ତୁ ଦୁଃଖର ବିଷୟ ଯେ ଏଠାରେ ବିଦ୍ୟାଳୟ କୋଠରୀ ନଥିବା ବେଳେ ଏକ ଶ୍ରେଣୀ କୋଠରୀ ରେ ପାଠ ପଢା ଚାଲୁଥିବା ବେଳେ ସେହି ଶ୍ରେଣୀ ଗୃହ ଟି ଜରାଜୀର୍ଣ୍ଣ ଅବସ୍ଥା ହୋଇଗଲାଣି। ସେଥିପାଇଁ ଗ୍ରାମବାସୀ ବାରମ୍ବାର ପ୍ରଶାସନିକ ଅଧିକାରୀ ଓ ରାଜନେତା ଙ୍କୁ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳିନଥିଲା।ଏଥି ପାଇଁ ଗତ ଚାରି ଦିନ ତଳେ ଉପଜିଲ୍ଲାପାଳ ଙ୍କୁ ଏକ ଲିଖିତ ଅଭିଯୋଗ କରି ଗତକାଲି ଠାରୁ ଛାତ୍ରଛାତ୍ରୀ ଓ ଅଭିବାବକ ଧାରଣା ଦେଇଥିଲେ ତଥାପି କୌଣସି ପ୍ରଶାସନିକ ଅଧିକାରୀ ଆସିନାହାନ୍ତି। ଏଭଳି ପରିସ୍ଥିତି ଦେଖି ମାନ୍ୟବର ରାଜ୍ୟସଭା ସାଂସଦ ନିରଞ୍ଜନ ବିଶି ଘଟଣା ସ୍ଥଳରେ ପହଞ୍ଚି ସମସ୍ୟା ଉପରେ ଆଲୋଚନା କରିଥିଲେ। ଆସନ୍ତାକାଲି ଠାରୁ ବ୍ଳକ କାର୍ଯ୍ୟାଳୟ ଅଧିକାରୀ ମାନେ କାର୍ଯ୍ୟ ଆରମ୍ଭ କରିବା ସହ ମୁଁ ମୋ ପାଣ୍ଠିରୁ ସହାୟତା ପ୍ରଦାନ କରିବି ବୋଲି ପ୍ରତିଶ୍ରୁତି ଦେଇ ଥିବା ବେଳେ ଗ୍ରାମବାସୀ ଧାରଣା ରୁ ଓହରି ରାଜ୍ୟସଭା ସାଂସଦ ନିରଞ୍ଜନ ବିଶି ଙ୍କୁ କୃତଜ୍ଞତା ଜଣାଇଛନ୍ତି।